好擔心。。。資優？自閉？亞氏？幫幫我！感激！

ellen_lo

仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字，佢係冇圖都明白同讀出字，中文都會認到，邏輯性強，同佢數101，102，103佢自己會數到之後104。。。！  識數有幾多個波咁！
擔心的是，佢唔同年齡小朋友玩，老師話佢上playgroup會軟皮蛇，話懷疑自閉！眼神交流會差！但佢同家姐(5歲)玩捉迷藏都ok 好開心，唔會打人或無啦啦叫，睇書可以睇30mins以上！玩唔會話有咩模式，對大人都有眼神交流，但真係時間較短！會同陌生人講早晨or byebye!對於我唔比佢玩/做d野， 佢十次有八/九次會妥協，有一/兩次會喊扭計10mins-1hour不等，佢不妥協！
剛到幼稚園面試(15mins)，老師都覺得佢有d與別不同,話覺得佢係資優，即時收左，有個playgroup話似亞氏，平時仔仔都會應我地，鍾意大人留意佢同佢玩！對聲音唔會好敏感，留上裝潢唔會驚！會收拾玩具，但鐘意搭lift同圓形嘅野!1歲識行，18個月識跑，而家已經識上落樓梯，平衡都好好，唔會成日跌！
我都唔知佢係咩，都好擔心，佢眼神交流真係差d, 同其他小朋友又唔玩， 唔同老師有唔同講法！我又唔識，近期係咁操佢眼神交流，我係咁睇關於自閉同亞氏嘅資料，book哂評估，要等！
大家有咩睇法，等我有個心理準備！
咩路，我都知唔易行，好想可以幫下個仔仔！真係好擔心，想cry!

llam1210

剛看到呢個post,才發現原來你們的子女的行為很像我女兒。你們說慢慢會變？是真的嗎？我現在很擔心。cac說他社交弱。又係唔多見到人唔多望人。我都唔知點幫佢。剛入了i位。我好擔心。

Charlotte_mom

我想講, 除左一般自閉, 仲有非典型自閉, 即唔齊晒d徵狀, 我仔就係

佢表面上同一般小朋友一樣, 無hom頭埋牆, 唔大叫, 唔排斥社交, 但骨子裡唔在乎, 佢可以小息同個唔識既人玩, 玩完唔care人地叫咩名, 亦唔打算下次再約, 下次又搵另一個"39唔識7", 無所謂, 同班同學可以過左成個學期都唔記得個名
上次我99突然去左(我地一齊住, 佢走時我仔8歲, 共住8年), 打999, 救護員上黎, 急救, 我62+老公勁喊, 周圍打電話, 又趕去醫院, 你都估到情況幾混亂, 我從醫院返去打算心理輔導, 發現我仔零影響, 我忍唔住問"究竟你知唔知咩叫死左架" 我仔答我:我知, 心臟停止跳動咪就係死左lor <--你話係咪噴飯
我仔就係咁

adhd就肯定架喇, 已經食緊藥, 而家再緊排期check多次自閉 (因為之前醫生講完就算, 最近學校發生左d事, 教育心理學家寫紙我再排), 老師話估佢資優(因為佢d行為+學習模式), 我都好頭痕

不過同意樓上有家長講, 咩症都好, 佢都係我寶貝仔, 點都會鍚佢, 人總係一個combo, 有好既, 有唔好既, 做得唔好就補足佢, 雖然攰d, 但好有成功感架

ckf

回復 ellen_lo 的帖子

Could be 資優 and also 亞氏, my kid is like that. You won't notice as Asperger look pretty normal, except they're not talk a lot or only talk the topic that they are interested with the person they like.  Not much eye contact, not initiative themselves... The only thing to find out you kid is gifted or an Aspie is evaluation.  No need to worry, special needs kids always has difference abilities...e.g. very good memory, very good hearing (can memories music and play it by ear)

ivyivy3000

thank you so much!!!

chowqv

ivyivy3000 發表於 13-6-14 10:08
回復 appleyma 的帖子

你好，樓主，我個仔(k1 now)同你講個d有d似：1. 以前2歲時健康院轉介我評估，我無去 ...

佢最大問題係情緒: 成日發脾氣、一定要就佢先，好固執，會發顛大叫，出街見到人好怕醜、唔肯打招呼，無眼神接觸，唔答人地，仲要成日扮白痴樣 (反眼、講bb話或唔之咩話)…

我可以點教……

我答你呢樣：

佢固執，係因為怕“變”。咁你逐少逐少去變；同埋預多少少時間去“預告”，就算食咩，我都會預先講。日常生活盡可能俾佢參與；如果佢地知道流程，就會多一份完全感。

發脾氣，就搵個安全地由得佢發，同佢講發完，冷靜左黎搵你。平時飲食要介口。可樂，高甜都要介。如果你個小朋友經常身體好熱（但無發燒果隻），就可以試下涼茶佢飲，中醫話小朋友易心火盛，精力用唔晒就入肝，夜晚訓得唔好。你睇下阿仔有無呢d症狀。

阿仔自細我去邊都會同佢去，街市係一個訓練好地方，佢唔叫人，唔打招呼，我會叫人唔好賣野俾佢（因為阿仔好喜歡食水果），唔叫人真係買唔到最愛。同埋我會叫佢試下去問，同人地話要買咩（唔好多人既時候去喔）。就算去餐廳，我會要佢點餐。盡可能生活上，要佢同人接觸，咁就自然得多！

逐樣黎，羅馬不是一天建成。

chowqv

自閉，唔一定智力有問題，唔一定講野唔得。

我個仔讀一歲班，老師已經叫我夠歲數要做評估，佢覺得阿仔係資優（但知力測試最快都要5歲先至有）；

到阿仔k1（3歲幾），老師話佢小肌肉唔得，唔識執筆同筷子，叫我去做評估，同埋投訴上英文堂（外籍老師教），佢會走出課室，捉佢返黎，問佢去邊，阿仔答：好悶，想去搵校長傾計！當然，我返到屋企再問咩事要去搵校長傾計，佢答我： Teacher xxxx教個 A字，教左好多日啦（教左2日），仲係教呢個。我好悶咪去搵校長傾計囉。

到佢舊年6月評估左，阿仔有言語發展遲緩（半年），唔係佢唔識講野，係佢唔識量語，所有野都係一個同一隻（呢個關我事，因為阿媽都只係呢2個量詞會講），有ADHD，有自閉。但醫生話佢歲數未到做智力評估，（雖然肯定智力正常），所以繼續讀主流幼稚園，唔需要轉兼收位，只係排訓練（E位，大小肌肉）。

情緒係出問題，好執著，但可以講數；返學依然要老師特別照顧，上英文堂要做小助手，教同學。學術成績絕對無問題，就算要默書，我無幫佢溫習，都可以滿分（唯一既一次，寫得唔靚而扣分。）

所以，資優又好，自閉都好，重要既係父母既包容，所以既訓練都離不開：持之而恆。

tigertiger7

我小朋友都被cac訐評定為有自閉普系, 智能正常, 社交差.
佢邏輯性ok, 但脾氣同記性都唔太好. 已報社交course, 但7月中先開始, 而且一星期一次, 唔知用成效如何.
請問有咩家居訓練可做? 朝朝返學前都嘈一輪, 我有時真係頂佢唔住. 今朝就係為咗佢認為自己刷幾秒鐘牙都ok, 我幫佢補刷, 就不停嘴嘈咗幾分鐘........請問大家點處理?

appleyma

ivyivy3000 發表於 13-6-14 10:08
回復 appleyma 的帖子

你好，樓主，我個仔(k1 now)同你講個d有d似：1. 以前2歲時健康院轉介我評估，我無去 ...

1. 當初我都好難面對, 個仔係學術方面咁叻, 點會係自閉,  但想深一層, 萬一真係自閉, 我就錯過了黃金期, 面對呢個問題, 我決定接受現實, 加緊訓練, lable 唔 lable 對我唔重要, 阿仔比我任何野都重要
2.我估你個仔係高功能, 經過訓練會有好大改進空間, 方間d course, 真係好貴, 但最有用的是你在家居訓練你小朋友成效最大, 又可以省錢
3.識講好多野己證明你個仔可以訓練, 只要令他安靜下來就能學到野
4. 我平時都係任他問, 我次次都有答他, 姑娘講你唔比他問會防礙他對事物的興趣和求知, 現在阿仔大個左識d野多左, 問d問題都少左好多
5.邏輯方面, 我好細個時比己比他砌puzzle, 2 歲多己砌四五十塊(後來睇書先知呢類野係呢類人的特性和強項), 四五
歲已砌250塊, 我記得3歲時 , 訓練導師講puzzle可以訓練邏輯及專注力, 吉之島有得買, 平D深水埗十多二十元都有, 導師又比D百變小積木同D立体積木我仔砌, 導師話可以訓練空間感, 我上網又買左套, 上網BID都係$60, 跟住又同我仔玩樂智高, 香港買就貴D, 上淘寶好似百多完元, 或者圖書館有D找錯處,圖象邏輯書, 好似叫兒童智能開發問題集, 我都係用呢D訓練邏輯, 還有填數, 大罘書局買.........


6. 我仔無固執行為及脾氣, 所以都分享唔到經驗, 但聴D講座及姑娘講, 面對小朋友固執時, 你要比他更固執, 要堅持, 等他明白扭計都要做, 眼神方面, 細個個時, 爸爸要他望住爸爸眼晴, 爸爸眨一下, 阿仔要數一下, 每日數百下, 其他問題未遇過, 答唔到你

ivyivy3000

回復 shareholder 的帖子

社交技巧差可以點教, 自已教得嗎?

ivyivy3000

回復 appleyma 的帖子

你好，樓主，我個仔(k1 now)同你講個d有d似：

1. 以前2歲時健康院轉介我評估，我無去到，因為太細，我老公怕驗錯，LABEL咗佢…

2. N1時老師話佢有問題，(咩都話好驚，會尖叫，好固執，ONLY玩車，仲要指定個架，無眼神接觸…)，叫我去評估，評估後都係話有可能自閉，但又話未必，ONLY叫我細細個時糾正會好D，叫我JOIN COURSE，我見貴，無JOIN…

3. 佢有語言delay，2歲幾先識講野，不過而家4歲，識講好多野

4. 樣樣都要問點解，咩事會甘，問到我要答為止，我講多2次，他話得啦，唔使講完又講

5. 記性好，但無你地個D咁叻，我3歲開始教下佢背詩，英文字，中文字，數字，記性好，邏輯麻麻，不過佢成日問點解要讀e d野…佢4歲時我有教佢寫字，有虛線都寫到

6. 佢最大問題係情緒: 成日發脾氣、一定要就佢先，好固執，會發顛大叫，出街見到人好怕醜、唔肯打招呼，無眼神接觸，唔答人地，仲要成日扮白痴樣 (反眼、講bb話或唔之咩話)…

我可以點教……

gogogo2

之後見社工, 社工話唔洗擔心, 醫生冇叫我上家長講座, 即係我仔好輕微咁話喎!

唔知係真唔係!!

gogogo2

回復 LeeCC 的帖子

我仔上星期剛係下葵涌見完醫生.

上年11月見姑娘, 畀左d功課手冊etc佢copy, 排半年即4月電話通知排到見醫生, 以為見兒童心理醫生, 原來只係見兒科醫生, test左1個鐘左右, 醫生話可能係亞氏保加, 寫左轉介信畀我去排兒童精神科, 同提議我仔去上d專業d既社交課程.

我覺得個test唔多嚴謹.

shareholder

唔係自閉, 如果自閉連講野都有問題啦, 佢係正常, 只係社交技巧差D, 呢D野可以訓練返來的

112200

到現在考小一，一間都唔收。

112200

剛剛才看見這題目，我想幫朋友問吓。他的女現k3,記性超好。她兩歲時已經可以把剛才老師的話一字不漏加語氣一一告訴媽媽。對數字好入腦只要講一次電話号碼，幾日後她可以講翻出來。一直都當她是聰明，個最近一年發現她很喜歡copy其他人說話和行為。特別係她近一年認識了一個朋友仔，她常常掛住她，跟朋友仔口水尾好嚴重，又在課室和興趣班常常跟住朋友仔。甚至有一次同老師講時，話自已有個弟弟和住在西環每天上學好遠。。。但其實有弟弟住西環係朋友仔，不是她自已。你們有沒有聽過這些事情呢？她對醫學人体的書一分沉迷。請幫手。

LeeCC

瞓唔著上網,發展呢個計劃：
蕊展計劃
好詳細解釋亞氏的特徵 ,分享給有疑問的JM

我發現我個排嘢仔仔中咗8—9成!

LeeCC

我個排嘢仔仔K1時真係喺學校同D同學好開心,出咗學校唔識人咁 ,問佢同學叫咩名 ,佢都唔知,，K2上學期識講同學名,但是不啋人,而家下學期在街上碰到同學會主動打招呼,對面馬路都叫人

固執行為仍然有,健康院姑娘好婉轉講背後可能有料,等專家睇下啦

好好彩,登記下葵涌2星期就可見第一次,今次只係見家長，帶埋功課，請問見面有咩要留意?有經驗媽媽可分享下嗎?

Anniemun

亞氏小孩一般有以下三方面明顯障礙，(一)社交發展，(二)溝通，(三)狹窄興趣及重複而刻板的行為模式。這是腦部發育的先天問題，可到輔導中心上一些社交訓練課程來改善的喇！mm加油！

appleyma

Bear999 發表於 13-3-22 22:12
可否解釋下，3歲自閉就開始黎是甚麼意思？會變成點？我仔都係眼神好少接觸。擔心



  ...

其實都唔洗咁擔心, 如果只係有一兩樣自閉特徵, 其他正常, CAC多數平為懷疑自閉傾向, 只要你正視個問題, 改變小朋友一D模式, 大大下, 同其他小朋友差不多, 完全睇唔出有咩問題, 因為呢類形小朋友有呢方面問題, 上天都會賜予特別才能, 好多呢類人在記性, 認字,數學方面, 特別出眾, 學術唔會有咩大問題, 還可以講特別叻, 唔需要點教, 可以比其他小朋友叻好多, 但要留意下小朋友性格問題, 有D會出現好固執, 根據醫生所講呢種都係重覆性行為一種, 亦要留意下小朋友社交問題, 我仔可以同堂兄弟表姊玩得好熟好開心, 但係可以唔識同街外小朋友相處, 他可在學校可以同小朋友好熟, 老師話在學校社交無問題, 還很受歡迎, 但一出學校門口可以變臉不認人, 出街揰到學校的小朋友, 人地好主動拖他手玩, 他可以不理不采人, 好似重來無認識過呢個人, 但問他小朋友叫咩名,係邊個, 邊組,他可以答到你, 三歲還有專注, 遊雲問題, 到五歲基本上問題不大, 我仔三歲時好鍾意睇書,諗野, 睇完後個腦會諗返D情節, 諗得入神, 個口會細聲講返D情節出來, 但外人會學得他好似自言自語, 呢個問題到左四歲無左, 還有其他小動作都講唔晒..........