我好想努力做個好媽媽！擔心個仔..

skyan91

我有一仔今年六歲，小一生，另有一bb囡，五個月大，我同先生要返工，先生工作free,有好多時間陪仔，而我做sales,好長時間工作，人工高福利好，但一個月得五日假，同奶奶老爺工人住。
仔仔身體差，早產仔，好弱身子常病,冇一樣運動喜歡，我們比了他試各種活動，例如，打球，畫晝，拳，音樂各樣也唔喜歡，冇樣識，好瘦唔食野，m記也不喜歡，經常要氹食飯，現在幸運入了小一元朗三甲學校，成績剛剛合格，中常7x分，英數6x分,勁冇興趣讀書，放學帶佢補習起碼七點先在家，食飯起碼一小時以上！
今日家長日，全級106，考第87名，老師話佢自理差，好灰！點好？老公也好好心機，常出入圖書館，公園跑跑，也沒有回報..

tung0409

你個題目是"我好想努力做個好媽媽..." 但文中看不到你的參與?
明白因為你工作時間長但上面都有人提及到有必要時就是作出"希生"
想像唔到點解小一就要補習補到7點先回家?
要小朋友有學習動機是要一家人努力配合的。
試想, 一早7點起身返學上到3點幾4點放學, 之後又要補習社直落, 你做佢你會開心嗎?如小朋友身體弱, 進食差, 真係要快快及早搞好身體先
你作出了為個仔"希生"了嗎?
人生交差點...祝福你

sycheung8

如果醫生話佢身體無問題, 你不如俾佢學下游水, 我個仔又係細仔細細粒, 呢兩年每星期都會游兩次水 游完後胃口好左食多左, 身體又強壯左高左
另補習時間會否太長? 試下減少補習時間, 你話你老公是自由工作人....不如就你老公親自幫個仔補習....小朋友好希望由父母陪同的

小魚兒正正

加油呀....我覺得成績可巳追,攪好佢身体先啦...你自己諗當佢7點起身出門口...晚上7點先回到屋企一日12個hr好辛苦囉.(大人都辛苦啦)試吓由佢,自己來or你教佢,但一定好勞氣,起碼0係屋企佢個人都有安全感d,再吾係星期六,日用個上午同佢温,(温完去街or去佢想去地方)可能重好過去補習,個人認為中學.巳上..才要補習..加油呀..

bbforever

如見他食野慢，有沒有蛀牙先，因蛀牙都影響他咀嚼。
老師話他自理弱，你們都要好好正視這問題，因好影響自信心呢!
自理弱好多時都因大小肌肉協調差而影響的，如拿剪刀剪野或用間尺間線都要左右手+眼協調架!

MrBeast

不知你孩子早了幾多，但我估大小肌可能弱少少，咁佢見自己好多野都做唔到當然就無興趣，建議你找職業治療師做個評估，你要預這是個long term investment, d練習要日日做一段時間才見功。

rchchan0505

小一....放學帶佢補習起碼七點先在家...我覺得已經係非人生活！
孩子甚麼動力也沒有…為甚麼呢？相信在生活和相處間有很多地方要調整。

aeiou_drm

我好明白你, 我仔都是先天不足, 又瘦又矮.  之前都參加過不同的運動,  都是沒興趣.  究其原因, (我仔), 是因為他生得又矮又瘦,樣樣運動都力不從心, 足球得個跑, 次次都店不到個球, 其他團體活動都是  ...  次次都是去 hea.   我現在比他學游水, 對身體好D, 可能是他自己一人活動, 沒團友比較,進度又ok o窩!  游完水,又吃多些.  你可以試試比他參加一些個人的活動, 而我次次都陪他的.  做得好, 又贊下他咯.

音樂方面, 我會次次陪他練, 鼓勵他.  而功課我自己跟返, 成績算不錯.   為了他, 我放棄了事業, (沒人信我會做FTM)

今年唔得, 不代表明年都唔得 ........

不要灰心, 努力啊!!!

nicolelouie

佢喜歡玩水嗎 ?  比佢學下游水, 對心肺體能都好, 游完水又開胃d.
如果佢都話無興趣, 你試下同佢講, 游水是求生技能, 一定要學識, 唔係要佢去比賽, 媽媽的要求是起馬可以自救, 唔會浸死.

irenelwl

回復 skyan91 的帖子

無興趣便要先培養興趣我女身體又係好差
對英文好抗拒
經過第一次小測 (全軍覆沒, 即唔合格)
佢有點明白自己好多東西唔識, 而家英文串字沒有咁抗拒, 但佢都係串唔識
我做家長都只能有教無類
搵放法教識佢
輔助佢, 但我都要同佢講, 因為我要上班, 他也要自己溫習 (但他當然不會那麼乖, 但間中都會抄下生字比我看)
你仔成績出來比我女好很多, 我想只要不放棄, 比小孩感受你的堅毅, 他會慢慢被你感染

smallfoothk

今日中午重播男校校長講座(電視英文台),之前教女校現教男校,有趣味,有啟發性,小朋友要因材施教,事半功倍.

大件仔

小一生,為 何補習到7時呢, 一個小朋友從早上7時要起床返學, 至晚上7時先學習完, 任何人都會無興趣, 他又不是一個讀書機器, 不停入資料就可以高分, 家長, 應多比一些空餘時間佢, 做佢一些佢有興趣的活動, 每日應有些小時間比佢玩下, 大人做到死死下, 都去T一T, 蛇一蛇, 何況一個小朋友

jojoplanet

skyan91 發表於 12-11-24 23:19
我有一仔今年六歲，小一生，另有一bb囡，五個月大，我同先生要返工，先生工作free,有好多時間陪仔，而我做s ...

今年六歳即係細B比d時間佢。
我個仔都難搞我成日都講盡左力就得結果不要太介意。

Yanamami

成績暫時不理吧. 沒健康甚么也做不成. 有沒有請教兒科e生意見? 我看先從飲食生活習慣開始吧....真有需要補習至7pm? 學這學那都沒興趣.....那跟爸爸去踢球踏單車跑步有興趣嗎? 都是運動吧. 早睡早起嗎? 零食多嗎? 跟祖父母在教養上有衝突嗎?

longlokma

細閱你的文字，我也體會到你的憂心......恕我直接，有以下疑慮：有否觀察孩子情緒及智力是否正常？是否家人太寵愛孩子，太過遷就？他真的對任何食物也沒興趣？家長日老師有什麼忠告或意見呢？有否告訴你孩子在校表現如何？和同學關係好嗎？