小一的課程真係咁深GA咩？？

wballp

成日聽人講幼稚園太淺驚銜接唔到小一，小一咋喎，其實有幾深？要唔要計代數？英文係咪已經學緊PAST TENSE？中文就要作詩識平仄？我唔太明，真的，因家中無小一親戚，請指教。要點先叫識得夠銜接到小一課程？

martialartsmum

太可怕啦！

daren

No pain no gain.

dannyyau302

原帖由 waiting046 於 12-11-23 發表
你講幼稚園定小學?

小學啦! 慘痛經驗陸續有黎。
學校實行普中，功課7-8樣梗咗。還有每天網上功課，欠交每一項都要落薄，滿十次記缺點。今个星期連默6次中文，難在範圍廣闊，要溫5頁書。還要中間插入英默及數學測驗。聽其他家長說，在此校定合格分數偏高，90分以上為合格。放學仍要參與管弦樂，怕怕喔!€

hoihoima

回復 wballp 的帖子

You can go to 小一選校 in EK to feel the challenge of P.1 interview and the difficulty of the questions / tasks that a K2/K3 student would be asked to do.

waiting046

waiting046 發表於 12-11-23 02:49
好多剛升小一的小朋友都唔識睇同寫字... 唔好話英文連中文都唔識...
有D上到小一識順序唸出A-Z就以為好叻, ...

我講呢D例子只是由happy 幼稚園升讀一般程度幼稚園的小朋友.
我就係遇過一D媽媽, 佢話自己的仔女讀幼稚園時乜都識, 仲識好多字, 但上到小一連題目都解唔到, 咁點做功課? 咪就係屋企人一題一題讀畀個小朋友聽先至識做囉! 老實講幼稚園果D唸口簧, 有幾多係明白個意思.
好似小女2歲時已識唸十首唐詩, 懂得分Aa-Zz... 都唔代表佢明白同懂得應用!
我強調唔係小一程度深, 只係同幼稚園所做的差距太大. 冇話讀邊間幼稚園好, 只要做父母都幫手教就得.

waiting046

dannyyau302 發表於 12-11-23 12:42
你未遇到超谷學校啫，講您知嚇壞人

你講幼稚園定小學?

crystal媽咪

唔好話小一深，我校K3學today is…/yesterday was…

mirage

小學教深，中學也考同一公開試。不用怕。

chacolmom

wah, need to do 代數 (you mean algebra?) in primary 1??  that's really advanced!  

米米噢

上了小一, 由其中文, 不像幼稚園只是認字及看故事, 而是要把字怎運用. 因除了中文外, 還有常識及數學, 都會有很多不同的題目需解題才可作答, 所以有些名谷的幼園巳輸入大量字庫或巳開始給予題目給學生做.另一方面, 某些小學(津校)亦假定她們的學生巳懂怎答題及英文巳不需教導一般我們認為基本的Grammer, 一開學巳有test給予學生, 低分或不合格的家長需自行補吓.都幾大壓力.其餘的還有可能除了基本課堂(有些學校除中英數常, 還有science)外,還有奧數, 樂器.... .....你都唔好話只有詩, 詞, 歌 ... 難, 對一個剛由幼園上小一的六歲小朋友而言, 所面對的, 更需時間消化.

marcuscyrus

chanwendy 發表於 12-11-23 16:19
有閱讀理解就係叫深咩, 我諗好多學校小一都有做閱讀理解, 問題只係小一係咪做返小一程度的閱讀理解啫, 好 ...

有些學校的閱讀理解真的好深，不是在文中找答案的。例如問：你認為為什麼xx會這樣，這個故事教訓我們甚麼
我覺得都算幾深阿

chanwendy

JC_mami 發表於 12-11-23 12:36
現在小一的功課深到我唔信，
我有個親戚於九龍城某龍校就讀，
小一已經有閱讀理解功課，

有閱讀理解就係叫深咩, 我諗好多學校小一都有做閱讀理解, 問題只係小一係咪做返小一程度的閱讀理解啫, 好多學校 join 的每日一篇都係閱讀理解嚟咋喎, 我女 k3 都有做過閱讀理解喎.

hobby

我囡囡都是happy school（K1, 學校沒要求默書寫字，但上次評估完，老師建議回家幫小朋友串生字，我想家長都要出力

cindychu

真係睇下讀咩小學, 小朋友既學習能力和吸收能力, 仲有識認能力有幾高, 所謂凡事無絕對, 我大囡係讀happy school , 成績優異, 上到一間比較催谷既小學, 高低立見成績表科科見紅, 唯有加把勁追, 追得幾辛苦架, 今年六年级了, 屬band 1組别,同一間幼稚園的同學都在中下遊的位·置。讀happy school 唔緊要, 最重要父母都要下功夫, 唔可能單靠學校。老實講, 好多人都會講一套心一套, 有啲成績唔太好既家長, 會同你講唔使咁緊張, 差啲無所謂, 入唔到band 1咪入唔到囉！最緊要開心, 其實就好憂心, 派位唔好仲好傷心:crying

smile2hala

而家囡囡2歲讀緊PRE-SCHOOL已經教緊1-10, A-Z了~她已經識讀1-8, A-Z都識讀UP幾個, 生字都讀少少好似FISH咁~但要佢地合併字難D, 所以可以想像到2歲如此了~升到小學應該唔止咁簡單, 將來如果要IN 小一的話, 而家唸唸其實都係要早D準備, 做定功課搵定料....幫BB補定課先得了~擔心~~

Heyheyjoyjoy

換個角度，如果小一先要識a-z，為何民生2歲人仔考k1已經考呢？幼稚園3年用來學乜呢？

dannyyau302

你未遇到超谷學校啫，講您知嚇壞人