上幼兒班是否需要已戒片?

nismomacho

如題;謝?

~瑤瑤~

原帖由 kittytyl 於 12-11-13 發表

我你同你仔一樣呀！由6月開始係屋企唔著片，但到而家都係唔肯坐potty! 天氣開始凍又要下年夏天先開始戒。

vinik

阿囡戒片個過程係好突然, 試過一兩次瀨到成腳成褲都係, 我地當然唔會話佢, 但佢自己已經覺得好醜怪同喊哂, 之後佢就識得痾vv時出聲啦。而家大部份時間都冇著片, 只係瞓教時唔敢唔畀佢著, 因為佢瞓教真係會瀨。你地小朋友戒唔戒到夜片?

emilyckh

tra5212 發表於 12-11-18 16:34
點樣可以戒夜晚條片？我個仔已經戒日片，但夜晚多數都唔濕，可以成個星期都冇濕一塊，其實係咪可以唔着？



  ...

如果仔仔成個星期都冇濕一塊,可以戒夜片啦~

littleape0129

我由囡2歲開始戒，成3個月都唔成功。後來到返咗N班，老師話不如喺學校唔著片，教佢，等佢瀨下尿。初初我囡好抗拒，後來有一次自己成功vv 落 potty，我哋勁讚佢，自始以後，就每日有進步。而家3個星期，日片以ok, 自己講 vv.
所以我覺得學校都幫助唔少。

jolalee

通常仔仔戒片會俾女遲，聽講同生理結構有關，冇咁feel 到。所以仔仔家長唔好氣餒！

我仔兩歳都同佢戒緊。家中有時佢都會自己話peepee. 成功如廁我會讚佢，有時奬佢星星sticker. 外出問佢或話帶佢去，佢一定話no!! 所以我會話帶佢去洗手。小朋友鍾意玩水通常都易話為，順便去個廁，咁就過到骨。等佢慣性去廁所先，第時佢feel得好啲希望識自己話要去。

Sonaming

原帖由 小曳人 於 12-11-18 發表
我隻仔2.5歲，暑假同佢戒，唔肯去廁所！
早兩個星期再試，响屋企ok，開始肯去廁所同講喇，然後有次見到老師 ...

冇錯~戒片真冇得急，佢一日未 ready (其實有時可能係身體機能未ready) 你點迫都冇用， once 佢 ready 佢可以幾日之間做到。我由佢兩歲開始教，教左半年都唔識，跟住我把心一横唔戒住，到佢返K1 前一，兩日再開始教，佢返第三日學開始已經唔駛再著片。

carol_kk

我個仔2歲3個月插班PN, 著學習褲返學, 戒片真係唔急得架, 老師話要等佢識自己除褲仔, 同會開口講去V先得, 到我仔肯戒片返學, 又出現另一個問題, 就係佢唔肯企係度痾, 要坐係度, 老師同嬸嬸都好好, 日日同佢講, 要佢一定要企係度痾, 但佢痾唔到, 要去到好急先成功, 唉.....佢唔肯真係無佢符.....跟住試吓等佢沖涼時比佢企係企缸度痾, 又得架喎....但點都唔肯企係廁所前面痾....之後叫老公同阿仔一齊去廁所, 示範比佢睇, 男仔要點痾V, 都係唔肯....到暑假某日, 幫佢除咗衫沖涼, 佢話要痾V, 我即刻抱佢去座廁企係度痾, 成功了....自此之後, 佢就肯企係度痾啦!!!!

之後出街仲攪笑, 有D商場廁所係自動沖水, 佢好驚, 寧願唔痾....所以小朋友真係要比D耐性去訓練才會成功

小曳人

我隻仔2.5歲，暑假同佢戒，唔肯去廁所！
早兩個星期再試，响屋企ok，開始肯去廁所同講喇，然後有次見到老師，佢話一係就快快戒，如果唔係，就要等3-4月，怕小朋友濕時冷親就唔好
就由嗰日開始，佢無再著片返學已經足一個星期... 暫時無出事！
講真，真係唔到你d大人急，但如果佢ready，就自然好快搞掂！

tra5212

點樣可以戒夜晚條片？我個仔已經戒日片，但夜晚多數都唔濕，可以成個星期都冇濕一塊，其實係咪可以唔着？

RBaBa

唔明PN可以點樣幫戒片？

cky2009

回復 nismomacho 的帖子

戒左片會好d.
我朋友囡囡舊年k1未戒片.
佢話學校d姐姐唔係次次去洗手間都會幫佢除片/睇佢條片架
如果佢唔識講要去廁所/要換片就會著到放學


我囡囡就今年返pn前已經戒左片
佢會話著片唔舒服.
所以戒左片小朋友都舒服d!

yenyenBB

個人心得：
老師係唔會主動幫小朋友介片。

首先要由家庭做起，真人試範，跟住話大個仔大個女先著底褲，BB先著片。
最好睇埋相關既書。

飯完奶10-15分鐘要同佢一齊去廁所，成功要大讚佢叻叻。
賴左尿，教佢自己抹地，自己洗底褲。
要狠心d，響屋企改轉底褲！
瞓教前當然著番片（開頭）！

PS: 老師幫小朋友響學校戒片前一定問佢響屋企有冇成功戒到。

我囝已經番左pn三個半月，可以著底褲返學（全日），中午睡覺老師會幫佢地著片瞓。
當然有一兩次失手。
老師識得鼓勵小朋友。
之後又ok bor。


戒左片既小朋友，係會自信左d（老師話架！）大家一齊努力！

fungchiying

我個仔情況一模一樣
都冇哂佢符,2歲8個月喇!

angielam10

回復 twllc 的帖子

不過小朋友好多野佢地想做就做, 逼都逼唔到, 慢慢來我相信佢大d會好d, 不過我都好明白你既心情, 眼見其他小朋友都做到, 自己小朋友做唔到, 點都有d唔開心, 希望在明天, 祝早日成功.

twllc

回復 angielam10 的帖子

今年年頭返pn，初頭老師叫我地幫佢著片褲train介片，結果train到放暑假都唔得。跟住放暑假我地已經成日冇幫佢著片，佢真係直接痾落褲度，試過唔俾佢著褲，佢就直接痾落地下度。每次問佢洗唔洗v v/poo poo佢都唔答，限佢坐大人廁所(加小童廁所板)都唔痾，之後買左音樂廁所希望引佢痾，點知佢淨係肯睇孖生哥哥坐廁所，覺得好得意，但點都唔肯坐上去...

基本上所有方法都試晒，都唔知可以點。依家k1日日排洗，其他小朋友已經唔洗用片，希望佢肯學同學咁去vv，結果返左兩個月都冇改善... 咁耐以黎係得一次，佢响出面突然話想vv (果陣有著片)，c6帶佢去廁所亦真係痾到，我地已經勁讚佢，但之後又要用番片先肯痾/賴v v/poo poo...

Joiv

我囡囡宜家2.5歲。

Joiv

首先係屋企一定唔再著片片，一﹑兩個月後，就星期六﹑日去街都唔著，當然初時要選擇的大型商場，最好有BB廁格0個0的，帶定一﹑兩套衫，以防佢"9"尿。試試0下就得嫁啦！起初係都會"9"尿，唔好要小朋友當眾出醜，要急急帶去換衫，不過，我就會一路換一路"暗"佢 『你睇0下，本來好好地行街街，問你去唔去v v，你又話無，又唔去，宜家"9"尿啦.......』當然，出街時，時不時都要問住佢 『要唔要去廁所？』。
我試左幾次，阿囡主動話唔再著片片返學，宜家連訓教都唔洗著。

janis836

我仔仔10年10月，而家返緊nursery,仲著緊片，叫左學校幫手戒，好難搞！