中文作文唔合格

kamusc

阿仔今年升上小四，派左今年第一次中文作文成績。以為佢成績都應該會同舊年差唔多，大約在八十分左右。我唔係D要求好高既家長，要個仔考九十幾先得，講真，自己以前讀書都唔叻，只係七、八十分左右，所以要求個仔唔好太差就得。點知大前日收到作文的分數，中文寫作分數只有56分，嚇到我成晚訓唔著，於是尋日特登請左兩個鐘假，放學接阿仔放學時搵左學校老師了解下咩事，老師話我個仔作文結構不清晰，又用左廣東話寫作文，更加係冇內容，一句講曬係亂七八糟。叫我要跟跟佢D中文。聽完之後，我勁唔開心，講真阿仔小三時的中文真係唔係叫做差，一百字的作文寫得都算通順，係間中用錯詞語，寫錯字。點知一上左小四，學校的作文分數直情係一落千丈，哩兩日係公司都冇心機，連老細都睇得出我有事，但冇仔女的佢又點會明白為人父母的辛酸！
睇怕未來一年都要同阿仔一齊同作文死過先得。

catmilkw

而家老師只睇成績, 成績唔好就叫你去補習, 人人如是

momama

係“細路仔學唔到嘢喎 “

momama

寫多個詞語又話功課多……

momama

另外背詩背書係好有用，可借現代家長又話呢d叫死背書，不合時宜，細路仔學話到嘢喎

momama

等我呢個中英皆A嘅都搭下咀我個年代唔睇英文課外書係可以A，因你知道考試規則係重文法，所以我有A但詞彙超弱。中文反為難搞，所以閱讀係基本動作，如衛斯理淺易文筆故事又吸引。

kamusc

回復 SheepMummy 的帖子

我都試緊個中文補習老師，但因為時間尚短，雖見一點成效，但未知長遠如何，暫不介紹給妳。但我覺得學習中文是一項長期抗戰，補習老師有作用，但家長和小朋友自已的努力更重要。
就如好多家長都說，帶小朋友去圖書館閱讀，我個人認為是個好方法，而我也正在這樣做。

SheepMummy

回復 kamusc 的帖子

我都很有同感.  我個仔一上小4後, 中文作文成績愈來愈差, 時常都觸不住題目的主旨, 要從作.  教完他如何作先貼題, 聽完好似無聽過, 完全入唔到腦.

去年9月已開始補習, 但至今仍然無好到.  而最慘的是今次EXAM(中文讀本)都急跌20分, 差些不合格, 聽到都心寒. 都唔知如何幫他.

各位媽媽, 請問有無好的補習社或老師介紹, 有沒有提升成績的好方法. 而出面有些試題操練班, 有無人試過, 有無用呀?  

BLUEYELLOW

是的、我的兒子真是喜歡打电子遊戲机、但是只是不常打、他喜歡直接簡單東西和運動、所以要太用腦的功課就出亂子、他的英文和中文作文都不好、只是他讀的是普通小學、所以英文作文暫時仍可過關。我家從來都很少看电視、根本没時間、而且我也不喜歡看、有時間都看書啦！又不想常常迫他背成語、這樣學語文又太没趣、但讓他慢慢愛上閱讀、使語文有進步、又不知要等到何時？真是一個難题！

shevachevy

回復 BLUEYELLOW 的帖子

我發覺好多男仔都鍾意"三國"歷史, 係咪因為打機有三國志 ?? haha...
你仔仔有冇打機 ? 如果有打機我覺得比較難喜歡上閱讀, 打機o既人覺得打機先有樂趣, 閱讀為左交貨 (交貨做閱讀報告/交貨比媽媽睇), 我自己就由細到大都唔係好打機, 可能因為打得"渣", 所以平時冇o野做都係左做下手工, ,寫書法同埋睇下書~

雖然我而家都唔知阿女有冇興趣睇書, 不過我都儘量培養, 屋企我地好少開電視, tbb 劇我n 年冇追, 對上一套劇係宮心計了, 果時都未生b, 而家果套咩老表我都有d 興趣睇(因為王祖藍係我中學同學o黎咖, 不過為左阿女我都唔會o係佢面前睇), 我要返工的, 夜晚返到屋企只會做3樣o野, 食飯, 沖涼, 睇書, 我會o係佢面前睇書, 等佢覺得呢樣係好自然o既事~

BLUEYELLOW

真是謝謝你的分享。我自己也喜歡中國歷史、無論課本、歷史小說或野史的書、我都很喜歡看。我舊年買了一些兒童歷史書給他看、發覺他颇喜歡看三國和楚漢相争歷史的書、但一多字他就没趣看下去、叫他看金庸、實在難過登天。現在唯有多伴他看書、多迫他用腦、希望可以找到一個好的中文補習老師、双管齊下、在他上中學前能將他中文程度提高。

shevachevy

回復 BLUEYELLOW 的帖子

我諗我同你一樣都算遲開始睇書, 但一開始左就一發不可收拾, 我睇得好雜, 你講果d我都有睇d, 除左 金庸係睇完又睇之外, 衛斯理, 瓊瑤, 亦舒, 張愛玲, 梁鳳儀, 梁羽生, 二月河, 林燕妮...都會睇 就算赤川次郎, 梁望峰都會睇, 不過睇完之後過水無痕... 另外都會睇d 詩詞賞析呀, 就算中醫學呀, 皇帝內經我都有興趣 我覺得咩文筆修辭都係咁樣build up, 同佢講一千次排比呀, 借喻, 隱喻都不及自己睇書時睇到咁深刻...
我覺得上咩作文班, 睇範文係最無用, 冇興趣閱讀的話呢d只係雞精, 頂唔得幾耐

講起興趣呢, 我諗你小朋友年紀仲細, 未去到自發睇書o既時候 ?
有d人係會因為睇左d 歷史劇而去追返d 書o黎睇, 好似睇三國就會想睇埋三國志, 睇雍正皇朝又會睇埋小說, 睇步步驚心又會追埋小說...
會唔會循阿仔o既興趣著手引導佢睇好d呢 ? 睇下佢鍾意d 咩人物介紹d 啱o既讀物比佢? 金庸小說佢有興趣睇嘛 ?

BLUEYELLOW

原帖由 shevachevy 於 13-01-23 發表
本帖最後由 shevachevy 於 13-1-23 16:54 編輯

講起作文我都想分享下, 首先申報左自身先, 自己讀書果陣 ...

看完你的分享、我也很有同感、我也是中學才開始看書、最喜歡的作者是巴金、徐速、金庸和亦舒、他們的書幾乎全部看過、喜歡的話更会重覆又重覆看、中文和中文作文成績也是很好。但是我的小五大兒的中文和作文都不好。自小我己常借書给他看、又伴讀、又常教他技考、但我覺得他不是太喜歡閱讀、你叫他一星期要讀三本書、他一定有三本書、多本都無、問他內容、問深些都答不到！教他作文、要他多背成語、佳句、近年作文好些、但內容總是空泛、文章结構亦鬆散、有時看他作文真是有点火光！己经教過他怎樣铺排一片作文、但往往仍是強差人意。有時真是唔明他為什麼唔明！也曾經去過補習社學中文作文、但成效也不好、他們多数是给你一篇範文、說一些相关詞語、文章结構等、然後叫你作二百字、這些方法基本上我之前全部用過、所以這些補習社基本成效不大。他真是令我很頭痛！

lestat

kamusc 發表於 13-1-23 12:42
我反而覺得老師的學歷、見識極為重要。一個中學學歷的補習老師和一個大學專科學歷的補習老師，不用說，我一 ...

要揾一個好既補習老師都唔係一件易事, 即使係大學生, 有學歷但未必識教人, 始終每個學生長短不同, 不懂因材施教~   

mymelody2003

我囝囝也是小四, 作文結構最弱, 所以作文唔會高分, 所以我考他作文前先寫大綱, 然後再從每段開始構思; 最重要是小朋友經歷不多, 構思會有難度.

幸好今次考試要寫一篇個人經歷, 他取得90分

tws2010

回復 kamusc 的帖子

對呀, 都好開心

shevachevy

講起作文我都想分享下, 首先申報左自身先, 自己讀書果陣語文一向都算強o既, 會考中英兩科都係A, A LEVEL 中文5個細項都係A, 最後係A(01) , 中六開始我都有同人補習, 補中文同全科, 我個補習仔中文會考都考到B的, 唔係想晒命,  大家亙不認識我亦唔駛晒命, 只係作小小分享, 亦想o係度向其他媽媽取下經睇下點教自己個女比較好~

第一: 中文成績好不外乎閱讀, 唔好問我讀咩, 因為我係乜都讀, 但幾歲開始呢 ? 我自己係中一先開始, 中一之前我連圖書證都冇咖~ 小說我係睇得最多, 睇之餘要抄, 抄咩?! 抄金句!金句o既意思係自己覺得寫得好, 有同感, 有感動o既句子~

第二: 背! 背詩/背詞/背論語之類, 特別係寫議論文, 背上一段經典訓詁加出處, 所有中文老師都會刮目相看, 我自己每次作文之前都會先寫定一批我認為用得上o既經典/成語之類, 然後先動筆寫, (當然唔好過火, 句句成語, 段段之乎者也咁)

第三: 大綱, 小學階段大綱可能未用得上, 但係要有呢個邏輯, 起承轉合同結尾

第四: 錯別字, 通常呢d 係扣分位, 減少o既辦法係覆卷同埋多閱讀, 讀到個字同詞語o係腦中已經有個image, 寫錯字o既機會大減~

第五: 字體, 一定要執靚手字, 小朋友有能力o既話學埋書法, 我記得我以前作文有10分係格式, 標點加字體, 我次次都9分, 呢d easy point 要盡拎!

kamusc

回復 tws2010 的帖子

讀本要提升成績都容易，可能只是一時失手，作文有進步都應該好開心。

kamusc

我反而覺得老師的學歷、見識極為重要。一個中學學歷的補習老師和一個大學專科學歷的補習老師，不用說，我一定選大學專科學歷。
不為別的，單以專業知識而言就已經跑驘幾個馬位了。
就好像我們在中一至中三的時候都學中史，但大學歷史系的也學中史，他們學的都是五千年的歷史，其中有何不同呢？在於深度。
不可否認，如果小朋友喜歡一個補習老師，那是事半功倍，但如果老師的學識不足，那就是害了小朋友了。
當然最好可以找到一個小朋友喜歡而又有學識的老師。