請問有冇全面好的評估介紹呢?

maggie38

大家好~~我想再一次幫我囝囝作一個全面性評估..我唔想左CHECK右CHECK..請問有冇喱D評估?

我之前果間垃圾評估...欠我詳情報告成年了!  久不久打去追..都說安排緊=.= 追到我都冇心機再追了!

上一次評估說我囝囝..不是白閉..只係話佢專注力差同口肌差..(我係阿囝歲半果時去做評估的)

但係我囝依家2歲7個月了..仍然係..眼神接觸很少..唔同同年小朋友玩..叫佢唔多理人(我會比較好少少就係大大聲叫佢)佢

會理我..專注力差(上課坐唔定1-2秒就要離開坐位)!仲未識講野(有BB話)唔知佢UP咩果隻=.=

littleape0129

你們好，我很想問一問意見。
小女2歲半，現在讀N班，老師其實都沒有話她什麼，但我總是覚得她很怕羞，唔知是否正常。
她說話絕對冇問題，對答及認知都好好，但她不太喜歡跟小朋友玩，一羣小朋友唱歌跳舞，她也沒有跟。但她又十分喜歡同表姐（7，4歲）玩。老師話佢似乎係慢熱及需要安全感。
她跟家人眼神接觸冇問題，陌生人就好似差D，要提吥佢望住人。去K1面試，1對1老師問問題ok,她會答，group in 就一定唔得，因為永遠唔會跟做動作。去到生保地方有D驚，一定要 stick with 我或爸爸。在街有人同佢 say hi, 佢都有答。
咁嘅情況，是否正常？唔該晒。

Tak0713

請問是哪一間私人s位？

PandaVV

原帖由 Vichang 於 12-11-17 發表
謝謝您啊，呢度真係有好多有心人回答我哋問題，唉，其實現實中我有1-2個朋友已經"標籤"左我個囝啦，好好彩 ...

你試下打去楊震自由天地問下,我大仔已經確認自閉証.

現在係自由天地上訓練，社交及言語問題。

佢地有申請関愛基金,原本二千五佰元上八堂,現在只需四佰元.

不過上訓練地方係LAI CHA KOK ，

Vichang

謝謝您啊，呢度真係有好多有心人回答我哋問題，唉，其實現實中我有1-2個朋友已經"標籤"左我個囝啦，好好彩係大部分朋友都俾左好多鼓勵說話俾我聽，touching!!

我問左STEP,佢有個中心經理都問左我好多問題，睇下我有咩supporting examples 去証明呀，我講完之後(太多，一輪咀）佢話bb個情況都可以做評估啦，18個月冇問題嘅。

But 我老公話想等埋月尾見完政府姑娘先決定book  唔book STEP， 都好嘅，等多2星期吧！

Thx again!

maggie38

回復 Vichang 的帖子

其實未足2歲,有好多時準確性都有差架..就好似我咁..我就係覺得囝囝有D唔對路..先去搵私人評估= =..結果話佢


唔係自閉,只係口肌比較差..做下訓練就會好...我仲記得果條友講過(保證我囝2歲半就會講好多野..)

咁我地就報左佢言語治療班上左3堂,個治療師話佢要去第2樹教,PASS左另一個俾我地,我就唔太中意,覺得佢冇責任

心,我就CUT左佢個課程,唔讀啦,之後以為阿囝大D會講野啦..就冇去搵其他治療課程比佢上囉= =


你真係覺得你小朋友,有問題,就唔好拖啦...去搵私人評估..快D得到答案,就知道要點幫你小朋友啦

其實坊間有好多機構都可以幫人做評估的..你找尋一下就可以了^^

這裡更有很多有心的同路人,給了很多有用的資料,你亦可耐心看一下..

yauman76

Vichang 發表於 12-11-16 11:54
唔好意思, 因為我個仔剛剛先拎左醫生封referral letter 而家等緊月底去政府 (好似叫 兒童智能中心?)見姑娘 ...

Vichang, 18個月私人都未必有得做, 我囝之前都係18個月發現有問題, 同私人評估果邊傾完之後, 到20個月做評估, 1 星期到出報告俾社署排E/S位; 而政府係等見完CAC姑娘後, 要再等6-9個月先見醫生做評估.

Vichang

maggie38 發表於 12-11-16 10:06
唔係政府果個報告啦!政府cac係即日就有,我講緊係我囝歲半揾私人評估果份報告啦!我囝依加都2歲8個月了!過份 ...

唔好意思, 因為我個仔剛剛先拎左醫生封referral letter 而家等緊月底去政府 (好似叫 兒童智能中心?)見姑娘, 再排期睇 CAC, 所以我都想問下你去邊間私人做 assessment 會咁差? 因為我唔想等政府啦, 想快啲搵私人做評估然後去排協康.... 但係我又驚私人質素.....

唉, 我估我仔仔 90% 都係 亞士保加或者自閉....

by the way, my son is 18 months now.

祝你好運!!!

maggie38

唔係政府果個報告啦!政府cac係即日就有,我講緊係我囝歲半揾私人評估果份報告啦!我囝依加都2歲8個月了!過份吧!?

Vichang

你之前個評估在政府做嗎？為什麼咁耐仲未攞到報告？

fandd

回復 ReikoLau 的帖子

1. 精神科醫生

2. 心理學家

3. 認可資格的兒科醫生(即有特別資歷，可做評估的)

除咗上面三類人仕，其他人所寫的報告是不能用作排政府有關服務的！

ReikoLau

想請問點樣先可以知道做評估間中心出的報告，政府認唔認可呢?

fandd

回復 maggie38 的帖子

希望在明天，比多D信心囝囝，一定有進步嘅！

喺我囝囝3歲前，我完全想像唔到佢有而家既表現。其實囝囝除咗個別發音需改善外，其他語言方面的表現已貼近同年紀既小朋友。用8個月時間由只識講幾個單字至而家既「滔滔不絕」，原來真係可以架。努力呀！

由於我囝囝喺今年4月放棄咗政府S位，改申請E位(當然要揾心理學家證明佢適宜上E位)，到咗9月份就開始上E位既課程。雖然E位課程有綜合訓練、言語治療、職業治療及物理治療，但由於囝囝仍有個別發音不是太準確，所以我較為重視言語治療，每週仲帶佢去私人中心做1次言語治療呢！

maggie38

回復 fandd 的帖子

Fandd^^ 多謝你分享你囝囝的經歷,好詳細...令我再有多一點正能量了!

但我有點無奈,因我們入息關係..每個月都沒錢儲了..所以沒能力給囝囝讀私人S位..唉...(因為我沒人能幫忙照顧囝囝)

其實現在雖然還不知囝囝係咪真係有自閉病..要等評估完才可肯定..但我深信應該都係90%,所以我這幾天不停找有關能

幫到囝囝的資料..真的很多謝好多熱心人,教我怎樣做..我知道我唔可以放棄..更加要堅強面對先可以幫到囝囝,..

就好似你咁...不斷努力去幫囝囝..囝囝才可以勇敢去治好喱個病..我知道過程會很辛苦同會很累,但當見到成果GE時候

我相信果種開心,係幾多錢都買唔到架!我在街上睇到好多小朋友,大大聲叫媽咪,我真係好想快D聽到我囝囝叫聲我媽咪

>"<  好想聽...

係呢? 聽你咁講...你囝囝已經完全冇問題可以返主流幼稚園,真係替你安心又開心..恭喜你..^^收到成果了!


但我想問一下..訓練那麼久...你囝囝依家言語可以達標嗎?對唔住= =因為我好擔心..阿囝以後講野都比同年差很多..

因為2歲7個月仲唔識講野>"<...

fandd

我囝囝現時3歲8個月，不妨參考佢個去的經歷。

囝囝自出生後便成日喊，仲唔肯俾人抱。到一歲後，佢又成日唔睬人，唔聽指示。你叫佢時，佢有心情就望吓你，但大部份時間都係唔睬人(即唔望人)。平日佢最鍾意玩車(特別係巴士)，雖然無玩車轆，但成日鍾意扮停車場排車(橫排、直排、分類排、扮塞車……)。由於佢到三歲才懂說單字，故三歲前用了很多身體語言去表達自己的需要。(二歲多才懂用手指作指示)。

在一歲多，我曾帶佢返個2間playgroup，返咗差唔多1年，但結果係徹底失販，每次佢都唔肯聽導師既指示，唔肯排排坐，只顧自己四周「遊魂」，或自己玩中心既玩具；期間自然多次受到中心既導師及負責人投訴。

經諮詢醫生朋友意見，最後準備帶佢去衞生署兒童體能智力測試中心(CAC)作評估，點知原來最快都要等7個月才有期，唯有自行找私人訓練中心作評估(只需等一週----費用$6500)。評估結果：醫生話囝囝有中度自閉症，最好盡快排政府S位(每週5天密集式訓練)。無幾耐負責社工向我表示，囝囝排S位至少要等1年多。
為咗唔想錯過治療自閉症既黃金期(1-2歲)，唯有自費去報讀私人S位(每月$7500，言語治療及職業治療另計，每50分鐘收$800)。其實當時已有多間主流幼稚園取錄囝囝讀N班，但想到佢返playgroup既表現，相信比佢返N班也是浪費時間，所以最後冇比佢讀。期間為咗幫佢，我仲帶咗佢去做針炙，但只做咗4個月，見毫無成效，就停咗。

喺過去1.5年的S位訓練，囝囝有顯著進步→肯聽指示、坐定定、肯望人；到三歲開始識講嘢後，同我哋便更多互動。本來諗住等佢K1才嘗試返主流，不過除我哋覺得佢有顯著進步外，S位的導師也支持囝囝提前嘗試返主流，所以佢先會喺今年2月開始返主流N班。(插班)

不過，在不同學校面試N班過程中(插班)，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師 不肯讓囝囝玩園內的遊樂場，故他十分不合作，既不肯回答問題，又不段大哭，最後老師 給了「很多說話」我聽；另一間幼稚園，面試時囝囝非常合作，跟足指示，做到老師 的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間。

由今年2月開始，囝囝上午上S位訓練，下午返主流N班。由於我不想幼稚園老師對囝囝有「先入為主」的感覺，故我事先未有通知他們有關囝囝的自閉問題。過去幾個月，我同老婆曾經擔心會否收到學校既投訴電話(以前由工人帶佢上playgroup時經常收到這類電話)，但好彩沒有。後來我直接向班主任查詢囝囝的學習情況，她表示囝囝很乖，又聽指示，能與其他們同學融洽相處，只是語言表達不太流利。後來因某些原因我需向學校透露囝囝的自閉問題，她們也感到有些驚訝，不太相信囝囝會有自閉問題。自返咗N班後，雖然囝囝個人係攰D(每晚九時便睡覺)，但社交及語言發展明顯進步好多。由前個月(9月)開始，佢已沒有返S位，改上全日制主流K1班，至今仍未有收到學校的投訴電話，估計佢應可慢慢適應啦！

回顧過去1.5年，我覺得囝囝得以改善，原因有：
1. 囝囝的病情可能不是醫生描述那麼嚴重
2. 隨著年歲增長，囝囝的身心發展得到自然改善(2-3歲間)
3. 私立密集式S位的幫助：囝囝經由一群專業的幼兒導師、語言治療師、職業治療師及心理學家的訓練，我認為是最重要的因素
4. 我倆公婆每天與囝囝寓遊戲於學習(每天至少1.5小時，假日則全天候)


所以，只要肯不斷嘗試，囝囝或多或少一定有進步既！努力呀！

maggie38

回復 fandd 的帖子

唔該你呀^^  我會打去問下...希望在明天..原來真係冇錯..雖然香港變左好多...因為很多不合理ge事情..攪到香港人變得

很自私!..但其實香港仲有好多有心人....真的很感謝你

fandd

可考慮揾以下兩間私人訓練中心，兩間機構既評估報告都受政府認可，可以用嚟申請政府津貼既訓練課程。

LINKS
http://linkscdc.com/

STEP
http://www.step-hk.com/2010/