請問有沒有家長訂過"兒童的科學"

kakamei04

如題..我家小朋友想訂十二期HKD838.
有沒有家長訂過....

monsterparentss

啊仔K3已經訂"兒童的科學"教材版，佢每個月都期待月頭可以去OK便利店攞書，好似我哋等出糧咁，好開心。我哋好小買玩具俾佢，所以佢當每月有一份小玩具玩。

到小二訂埋"數學與科技"，佢兩本都鐘意睇，但我覺得"兒童的科學"內容詳細啲，豐富啲，圖畫精美啲。不過我問佢，佢話兩本都好鐘意，所以會繼續訂。

其實小朋友鐘意睇，我會係第二度慳小小錢都訂俾佢睇，佢係書度學到好多知識，我覺得值得。

laiyuen

我地都有訂教材版，我覺得好好呀，我個仔讀小二，有時d簡單實驗同砌野都會叫佢一同參與，佢非常鍾意本書，個個月都催我去換書，一收到就不斷睇，睇完今期，得閒又會攞早幾期出睇番睇。同埋佢一向唔鍾意故事書，但因兒童有福爾摩斯，佢宜家都鍾意咗

YuYuMother

我地有訂教材版比囝囝，佢好鍾意睇本書，睇極都唔厭，d實驗教材玩完又玩。

我大女睇開＜數學與科技＞，囝囝都有攞黎睇，明顯鍾意＜兒童的科學＞多d.....

小時了了

小囡今年小三經學校訂"兒童的科學"教材版 & "數學與科技".

我個人認為太細訂"兒童的科學"教材版, 小朋友未必識玩及砌啲器材玩具. 而我囡因為本雜誌內有 "大偵探福爾摩斯" 故事, 佢好鍾意睇, 之後阿囡係呢一年不斷斷續續咁買晒之前出咗嘅 "大偵探福爾摩斯" 睇, 依家每期都催我買呢. 意外收穫係阿囡從此培養閱讀短篇小說及中文好好多


而 "數學與科技"我亦係今年小三,經學校訂, 我觀察阿囡鍾意睇及玩"兒童的科學"多啲.

jasonchloema

阿仔小一小二都有訂, 佢好like 本書, 都有玩套敎材

aria

我囝囝剛剛跟大家相反，最近開始鍾意玩科學玩具/同遊戲。但係我們這裡就是我是海外會員，我們這裏缺乏這類圖書和教材。

兩星期前帶了囝囝到類似科學館的地方玩，佢很喜歡，在場館內買了一份科學玩具。試砌試玩。

他十歲開始對這方面有興趣，

請問大家有無網址參考。

pooh仔

原帖由 kakamei04 於 12-10-31 發表
如題..我家小朋友想訂十二期HKD838.
有沒有家長訂過....

咁貴， 書展平小小， $799

mindwong

janetgordon 發表於 12-11-1 12:00
上年小一訂教材版, 有好多盒都未開; 今年醒目訂普通版
如果小朋友本身鍾意睇呢類書就梗好啦~ 有好多科學知 ...

me 2   上年小一訂教材版, 今年醒目訂普通版。

chmanpong

我個女(小四)今年訂了教材版,佢勁鍾意做實驗,連細佬(小一)都有興趣一起做.

itbaby

我也一樣,訂了教材版,但小朋友沒有多玩。若你的小朋友喜歡睇書,我覺得普通版經已好好,不需要浪費金錢.

do-re-me

小四,訂教材版,好鍾意,但唔知點解全班得佢一個訂

aeiou_drm

我仔去年開始訂普通版, 寄到家裏.  
去年也有訂數學與科技, 但他說"兒童" 好看些, 所以今年沒訂"數學" 了.

小Monkey

這是小兒每年的重要生日禮物(教材版),訂了第三年, 每期都趨我換 . 佢對本書同套教材都好鍾愛. 最令我驚訝係果期元素表教材, 佢好有興趣, 好有心機砌, 重因而對講元素的書好有興趣, 看了很久. 我覺得"兒童的科學"吸引到小兒對科學產生濃厚興趣. 我都被迫陪佢用果套教材做過唔少實驗.

ydoris

訂過一年,D教材都無時間砌,有D又砌吾掂.D書又睇吾晒...放左幾年掉晒佢..

janetgordon

上年小一訂教材版, 有好多盒都未開; 今年醒目訂普通版
如果小朋友本身鍾意睇呢類書就梗好啦~ 有好多科學知識,係平常生活套用到
好似我仔主動話我知冬蟲草喺菌類, 今期果隻白色雪顎, 我以為喺貓頭鷹; 但原來唔係, 又討論吓貓頭鷹同佢有咩分別; 如果冇興趣就可能要一齊睇, 或者搵d佢覺得得意有興趣既, 先一齊睇; 唔好迫佢一定要睇哂成本;慢慢就會愈睇愈多, 好似樓上咁講, 肯睇就得~

momama

小一冇訂，怕太難，阿女喺學校睇過好鍾意，今年就訂俾佢，一派書就死咪，雖然佢係數學白痴……其實乜書都好，佢哋肯睇就得。

siumoma

我阿仔訂

MariaTsui

我都有訂教材版,雖然砌左一次,但都有見囝囝會拿出來重玩,有一點科學知識,貴是貴了一點,但個人覺得OK.