第一次見完cac兒科要等幾多先有訓練

mamasa

有經驗的媽媽, 請問第一次見完cac兒科要等幾多先有政府的訓練？
如果醫生話超過一年, 係咪出去搵私人做評估然後叫佢寫信去社福署搵社工排政府d位係咪快d呢？

wilyun

回復 Stone媽媽 的帖子

你如果經濟許可,而間學校要迫你仔走,你可以讀住私人位先,我知協康同STEPS等機構都有,因都好有幫助架~如唔得,你住邊頭?因我之前CAC比左份野我,係講有邊間機構提供一啲支緩服務,我可以影比你,你自己打去問,我自己都係咁,搵左好多唔同機構同埋排左有關服務,有D會比私家的平D,同埋質素都會有保証D!

我現在帶個仔有返協康做小組訓練,另外我再排左D單對單職業治療同言語治療,諗住一星期做一次.因我返果間N班都OK,所以我都會比佢返落去,初初返學,老師都話我仔坐唔定,唔聽指令等,同你個仔一樣,但返左三日已經跟得返晒,雖然講野都唔多得,但都跟到唱口水歌同跳舞,所以老師暫時都無話我仔有問題果D!我亦都無打算同老師講我仔的事,只會同佢講佢講野比較差,可能我之前要返工,就咁比個仔比工人揍的緣故!

現在我自己揍左差唔多半年,我仔好明顯進步左好多好多,真係叫做聽得明我地講野,比到適當的反應,同埋願意跟小朋友玩!唔會似得之前咁,佢原完唔回應人,我相信呢D真係因為我自己揍返的成效!希望呢D資料能幫到你喇~加油呀!

Stone媽媽

wilyun 發表於 12-11-9 10:38
回復 wwking 的帖子

不要擔心咁多,個小朋友只是遲緩,只要及早同佢訓練,好多時都好快PICK UP到主流的學校~

可唔可以話比我知你小朋友讀邊間n班? 我原先小朋友12月足2歲開始返暫托 (下年會原升k1), 但返左學3星期, 主任要求停止暫托同埋要求我小朋友退k1學位, 因為佢覺得我小朋友有問題 (唔識講野, 唔聽指示, 專注力唔夠, 極少眼神接觸, 四圍走, 要迫先肯試新食物), 要我盡快帶佢去評估同轉介特殊學校, 但我見小朋友返左暫托, 多左好多聽唔明既bb話, 明顯進步左, 所以想比佢讀n. 但因為唔係好多幼稚園老師有足夠愛心同包容, 想問知唔知元朗/屯門/天水圍訪間幼稚園願意收有問題小朋友?

wilyun

我覺得貴都要比佢做,最緊要係呢段黃金期,時間過左,有錢都買唔返架!
同埋你最多咪兩星期先做一次單對單訓練囉,其它野慳D洗...現在係,你就算比錢都係要排...
WWKING,你去完CAC,佢地無比張小單張比你咩?上面會寫你果區有D乜野團體有辦有關課程架,果D會平D!

wwking

cat1028 發表於 12-12-7 13:13
自費做言語治療，早開始訓練真係好d.  我囝口肌弱，治療師會教曰常訓練方法，我囝上了12堂，真係睇到進步。 ...

自費訓練實在太貴了,
負擔唔起就唯有等,
可以分享吓治療師教你囝囝的日常訓練方法嗎？

cat1028

自費做言語治療，早開始訓練真係好d.  我囝口肌弱，治療師會教曰常訓練方法，我囝上了12堂，真係睇到進步。

wwking

wilyun 發表於 12-12-6 15:57
回復 wwking 的帖子

http://www.swd.gov.hk/tc/index/site_pubsvc/page_rehab/sub_admissiont/id_crsrehab ...

唉~望就咁望佢突然有進步啦!
我都係上個月見左姑娘咋,
仲要等半年先見醫生,
等得黎都4-5歲先有訓練.
真係等到媽咪也謝了!

希望你仔仔突然進步啦!
大家都要努力呀~

wilyun

回復 wwking 的帖子

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

我個仔都無架,我個仔邊識得講,識得講我就唔使同佢去排訓練喇~你個仔仲起碼識得講唔想返學,其實已經好好,識得表達自己~你比多D時間你個仔,可能好快佢會識得同你講佢返學D趣事你知呢?

wilyun

回復 wwking 的帖子

我見間間兼收學校唔同,有D收八個,有D收十個架~

mamasa

我見咗cac醫生評估咗言語都係比同d慢..但佢話要見埋言語治療和職業治療師先, 吟係咪要見咗先可以同我排e和i位呀？..我係沙田睇..吾該有關媽媽

wwking

我仔今年返左n班呀,每日一瞓醒就話唔返學,佢唔會講返學校既野, 問佢都唔答, 老師都話佢無乜講野, 唔係咁識表達, 發脾氣會大叫, 我知佢d同學仔返到屋企都會講返學校d野, 唱歌同跳舞, 而我個仔就無呢d野.

兼收位係點架？係咪一班入面會收1,2位遲緩的兒童, 係咪會得到特別既訓練同照顧？

去邊個網可以查到要排幾耐？

希望你仔仔可以快d輪侯到喇！

大家都要振作！！！

wilyun

回復 wwking 的帖子

不要擔心咁多,個小朋友只是遲緩,只要及早同佢訓練,好多時都好快PICK UP到主流的學校~

但你小朋友現在有無返N班OR K?如有,會好D架!

去到CAC(智力中心),我見十個有十個都評係(最少)遲緩,多數會叫你去排兼收位的,你要上網睇返你邊區先知你需要排幾耐,如現在我排屯門區,最快都要排一年先有服務,如果你排早期,可能會更漫長!

但我都放開晒,我初初一歲果陣都覺得自己個仔有D問題,十問九唔應,到歲半,醫生都話可以觀察下先,但我真係唔等得,我都已經接受左我個仔係自閉症(可能仲有D智力問題),因現在佢都唔算叫做講到單字... 但我覺得個仔/女的基因是遺傳自父母,要怪就不要怪在孩子身上,佢學野學得差,只要有耐性,一定可以學得識,但做父母,唔好話只識話好擔心,因擔心都係要過日子,不如正面D面對咪仲好?諗下有無乜野可以幫到個小朋友一齊行條路,咁先叫做做父母的責任. (唔好怪我咁講,因我真係接受左我小朋友邊方面都係差,所以有感而發,其實我都有試過以淚洗面的日子,但咁樣唔開心,都唔會幫到件事架嘛!!)

我個仔十一月剛開始上N班,老師話佢安坐都好左,係唔多鐘意聽指令(但佢係屋企佢係OK的...),至於我會黎緊同佢多上一,兩個PG(或私人的早期訓練),同埋針灸,比多D生活體驗佢,比佢多D自信心先~之後的事就由神帶領行下去吧!

PS,我現在已排左早期訓練,睇政府網大約屯門輪候到11年8月排隊的籌,希望下年九月有得安排到喇~

wwking

wilyun 發表於 12-11-7 21:53
回復 wwking 的帖子

你知道個程序嗎?

多謝你話我知個程序, THX!

我已有健康院轉介智力中心的信,(智力中心係咪即係CAC呀？)
個仔依家2歲9個月,下星期去智力中心,
不過呢次佢話唔洗帶小朋友,(但時間要成45分鐘至個半鐘),
不是做簡單登記嗎？點解要咁長時間？(其實係做D咩)
照我CASE睇,幾時先有訓練做？

其實唔係健康院話我個仔言語遲緩,
我自己都唔發覺係有問題,
以你所知, 有無小朋友排到去智力評估中心見醫生後,
醫生評估話無問題而得唔到服務架？

唔好意思咁多問題,
因為我真係好迷網,
知道個仔有問題後心情低落了幾天,
現在消化了,知道應該要振作,
希望你能解答, 謝謝！

wilyun

回復 wwking 的帖子

你知道個程序嗎?
健康院->CAC->等姑娘先評估->約等半年等醫生評估->即時交給駐院社工寫信幫你排S/I/E位->等候政府安排你係S/I/E(睇返你邊區同你要乜野服務)(你講的協康會都係政府安排的早期訓練,如你不想等,你可以直接參加協康會的青蒽計劃,自付盈/虧果隻,但就每次收費)

wwking

wilyun 發表於 12-10-31 13:34
回復 mamasa 的帖子

我係歲半就要求健康院寫紙我去cac做評估,多數係(屯門醫院)要等一,兩個月去見智力中心 ...

想請問我仔都有語言遲緩(現2歲9個月),
健康院醫生已寫信轉介去智力中心, 仲等緊見姑娘,
我想問係健康院轉介信可以去協康嗎？
定係要等智力中心轉介呢？
唔該！

wilyun

回復 mamasa 的帖子

我係歲半就要求健康院寫紙我去cac做評估,多數係(屯門醫院)要等一,兩個月去見智力中心姑娘,見完姑娘就要等見醫生做評估,大約要等半年,等到見完醫生,佢會即時有社工係駐院幫你寫refer去排e/i/s位,其實要睇返你去邊區度返,我屯門居就上網check過大約要等一年度可以,所以要視乎你排邊區~

另外,私人出去評估,就跳左唔使等智力中心的醫生做評估,但之後你都係要等社工幫你寫住排e/i/s位,個輪候情況都係一樣~