參觀融合小學後感

Olympian

最近參觀了數間融合小學，想跟大家分享一下。
三間校舍都好細，各級大部分一班，而且是小班，其中一間今年小—只收了十二個學生。
老師給我的感覺十分包容，而且好努力找方法去改善同學各方面的問題，例如教寫手册，有需要會在功課欄加闊行距，或分顏色；又例如坐位會安排能力較高的跟較弱的—起坐。不過'，老師對特殊小朋友的專業程度就不及特殊導師，例如唔知咩係ABA

owl_2046

個人認為大部份融合小學都因怕殺校而轉型, 我知有間以前收生不足做融合, 做得好好, 但呢兩年收夠學生開始嫌棄...

Olympian

所以我覺得一定要去參觀，同埋要同D老師傾幾句，感覺下佢地有冇心教。下次再去的話我直頭問佢D錢洗左去邊。其實我睇的三間老師都很好。
佢地都唔會收太多sen，因為佢地都話人手負荷唔到，一定少於一半否則就談不上融合。

spw

有些學校係只由普通的教學助理負責.....好的就負責,唔好的就當小朋友咩咁.....有融合的學校,係有額外的津貼的.....就要看看校長有沒有心做,同運用這筆錢

Olympian

我朋友講有間融合仲搞笑。

話說係講坐上有家長問校長，如果有小朋友上課時咬老師，你會點處埋？

校長話會報警！

呢間學校有心搞融合，但對sen學生的處理經驗太少

apple~y

學校唔想殺校,係會比時間,心機會幫助特殊須要小朋友
我都參觀過兩間學校
前者都充滿愛心包容,今年小一收20個學生,有5個係SEN
後者係一間進取型學校,主任即刻show升中派位結果比家長睇
數學比其他學校教快6個月,講到明無支援比有特殊須要小朋友
話有一年派位,收到一位a仔
呢個a仔捱到小3頂唔住轉校
兩間學校可以如此極端

pocoyo123

其實都好睇家長想要乜野學校, (1)有些比例係SEN多過Normal,(2)又有些是一半一半, (3)又有些是極小SEN, 大部份NORMAL, 但每間的課程的深淺不一, 如果去第一類, 是學校去就小朋友, 第二類, 是大家融合互相去遷就, 第三類, 係你去追趕佢地, 只是學校知你是SEN學生, 而比多小小時間你去追, . 家長要先了解小朋友的問題, 而去搵學校先係最好, 沒有最好的學校, 只有最適合的學校.

Olympian

四邑

Olympian

參觀了李炳、燿山及四色。

參觀後最大的感覺是“主流特殊化”

01shirley

可否分享是哪三間融合小學？