band 1 的家長就培養出 band 1 的子女

Azzurro

中學派位的時候學生係會被分 banding原本中學係沒分 banding，但係約定俗成都有所謂 banding
甘樣其實家長都係有 banding 之分， band 1, 2, 3 上中下 九等
當然 band 1 上的學校唔一定有 band 1 上的學生
但係既然分 banding 其實都有一定效用先甘樣去分
本身條件比較優越的家長自然比條件平庸的家長有機會培養出比較優越的子女

問題 1：其實點樣先係高 banding 的家長？
有錢當然好，不過我覺得教育程度高更重要
教育程度高的家長更懂得玩讀書的遊戲，可以令到子女玩的更好，更有趣的去玩

問題 2：係目前香港社會，考到大學係相對以後比較有競爭力，唔係話讀過大學就一定成功
大家都知道每一年適齡考大學有 8萬人左右
同時，大家都知道每一年大約有 2萬人左右考到大學 （海外留學加香港）
假設大學入學率同教育制度沒有大變
甘樣，其實由決定生育那一刻就知道，18 -19年後，大約四分三人不會去到大學玩哩個遊戲
甘點解 band 2，band 3 的家長依然決定犧牲自己子女為社會提供廉價勞動力？
重點係大家玩培養子女的遊戲前都知道遊戲規則的了

karenlyk

家庭教育比較重要吧!!

akys

看見身邊的親人朋友或同事令我相信有優生這回事。我外公有兩個老婆，小的一個生了6個孩子，這條家庭樹出來的下一代整體都是優秀的，第一代只要有機會唸書的都能升到主管級。第二代其中9成都能進大學，其中幾個拿到獎學金到牛津，哈佛，MIT等名校讀博士。進不了大學的都能入Poly，師範（那時只有兩間大學）。大婆生的家庭樹就比較差了。不到10%能進大學。

同事有5兄弟姐妹，4個都是醫生，只有他是念商科。父母是普通工人，我想只有家教及勤奮並不能在80年代初考進醫學院吧。

一個人成功與否除了資質外​​還有很多因素，但好的底子對他是有幫助的。

JustAParent

暫且不談優生學、整個推論最大的邏輯謬誤在於你憑什麼說入不對Band1學校或大學的孩子是「犧牲」？子非魚、安知魚之樂？李嘉誠可能也會問，你班家長何以為他生這麼多超廉勞動力，還自以為精英把BB一出世壓到大。知足自然常樂。

sumchanma

同意大多數band 1 子女多數有band 1家長，但相信還有不少是子女下苦功，父母只懂賺錢供書教學讓子女成材，我眼見有些band 1家長同子女關係極差，有些子女甚至放棄前途來鬧氣。
雖然只有少過半數人入到大學，但我相信入唔到唔一定冇用，入到又唔一定可以升官發財，工作始終仲要講人際關係，好多嘢不是大學先教到，社會經驗也重要。唔做醫生律師，也可以做髮型師、美容師、包餅師，一樣可以做老闆。家長讀書叻唔叻唔緊要，最緊要識教子女點做人處世，咩叫能屈能伸！

chapter

唔否認家庭對孩子既影響... 例如"勸我唔好讀大學"唔多係家境比較富裕既家庭發生. 如果當時你聴左父母意見又另一番際遇喎..

大過我估學歷未必係最重要..

一個相對學歷低, 但花心機同仔女溝通清楚佢地日程進度, 可能比花錢去補習班好.
一個生活質素較低但有全職媽媽, 可能比高學歷高薪厚職既父母好.
一個可以比小朋友係安安靜靜既摺枱做功課, 可能比家噪屋閉既好.
一個有好多兄弟姊妹一齊有商有量, 可能比獨子好.

同意更加多時候係睇小朋友自己. 但好相信有家庭問題既屋企小朋友上band 1 既機會比較細!

marcuscyrus

我父母才小學畢業，雞腸都唔識，靠勞力養大我和我姐姐，同一條腸出，同一個教法，我姐姐讀書不成，中學才勉勉強強畢業，而我就會考高考優異成績入大學，家母甚至覺得讀大學沒甚麼大不了，當年勸我唔好讀大學，快d出黎做野拉錢(佢連個教育制度都唔識，會考高考係乜又唔知)，如果從我自己的例子看來，樓主的論點好像就不成立了。
再看我姐姐一家，我姐姐讀書不成，姐夫也都是靠勞力賺錢，孩子們讀書都算過得去，最大的一位，剛剛升讀了副學士，雖不算真正入大學，但也比他父母一代叫有進步。
講到底讀唔讀得成大學，我諗都好多因素

ANChan59

回復 701003 的帖子

我估計是當年5個Band，Band3等同現在的Band2。

HKTHK

So who are high banding parents?  And what would they do with their kids?

701003

我同老公都係band 3中學出品
生咗3個以band 1成績小學畢業的仔女，特登唔入band 1中學:;pppp:因為我深信讀書80%靠小朋友自己！band 2/band 3中學畢業入U仲好，會珍惜會感恩，比果d理所當然之band 1生，更會努力香港教育政策無大問題，係大部份家長個腦諗唔開啫

Stillgood2

甘樣，其實由決定生育那一刻就知道，18 -19年後，大約四分三人不會去到大學玩哩個遊戲
甘點解 band 2，band 3 的家長依然決定犧牲自己子女為社會提供廉價勞動力？
重點係大家玩培養子女的遊戲前都知道遊戲規則的了
------------------------------------------------------------------------------------

人, 傳宗接代. 是本能.....
我想, 唔會太直接就去想到"大學學位" 問題......

另外, Band 1 is a classification for education? Some others such as health, working ability, wealth, still under this kind of classification.

Stillgood2

awah112 發表於 12-10-23 22:15
優生學

http://zh.wikipedia.org/zh-hk/%E5%84%AA%E7%94%9F%E5%AD%B8

閻奕格之父閻惠昌. ...音樂世家.
Band 1 家長,與band 1學生是正比. 應該不會是1 equal to 1吧!

cow

Azzurro 發表於 12-10-23 22:02
回復 ANChan59 的帖子

一個受過教育的家長教出達陣的小朋友的機率比
一個教育程度比較低的家長為高？

我覺得係, 所以只是機會率問題, 沒有絕對的.

ANChan59

回復 Azzurro 的帖子

我不會高估或低估家長對孩子的影響力，到一定的歳數及程度，孩子會獨立思考，就算要入大學，他的選科未必跟家長期望一致。
我覺得如果家長學歷高，社會網絡廣大，見多識廣，可能給孩子空間大些，孩子在較有利的環境下，作出更適合孩子有興趣的科目。