針灸?

yym826

請問大家有冇試過對發展緩慢的小朋友針灸?唔知有冇效?

wilyun

今日帶個仔去左針灸了,佢有喊,但都好快收聲,可能今日只係吉左五針喇~講真我又唔係好心痛喎,因佢呢排返N班都有喊架!

nicolelaulau

仲有，你預左要等！我通常都要等30~45mins先有得見醫師，但你又要準時到架

nicolelaulau

好呀~明天見吖^^~早上係難約d，我通常逢星期一就打電話去約兩星期後既位，佢最多可keep住3個booking~

wilyun

回復 nicolelaulau 的帖子

我係10:45AM呀~我諗我係後你一個呀!但我想KEEP住帶佢係早上針呀~係咪好難先有早上0既位呀?好野,果日可以見到你同你女添喎!

apple~y

回復 wilyun 的帖子

我小朋友都有針灸我同老師,都覺得有進步
不過唔係你們講那間
講真個個小朋友針一定會喊,反抗,你一定會心痛
針多幾次到小朋友認得去針灸條路都會有情緒,反抗
落完針小朋友就會安靜,或者會睡覺
針之前唔好食太飽,怕喊到嘔

nicolelaulau

咦！我都book左22號10：30am喎！你book左幾點？其實第一次唔駛擔心架，醫師會試針，唔會落太多針，我個囡第一次針頭頂5針架乍，之後先會越來越多，我個囡第一次針冇喊！但而家針親都喊到癲，之後好快收聲訓覺，你預左一定會好肉赤阿B俾人咁㓤針架喇，但係見到有進步就咩都值番晒！

wilyun

回復 nicolelaulau 的帖子

我BOOK左22號可以去針了,我頭痛緊,頭一次針 我係咪有D野要注意下?點樣可以令個小朋友無咁大反抗?同埋EC係咪有晒經驗知道同小朋友針要用乜野方法?(我指有乜方法可以令個小朋友坐定DD...)

諾諾爸爸

wilyun 發表於 12-10-26 12:04
我都好想試,我個仔都係發展遲緩,兩歲都唔識講野,我排左浸會做針灸,但要排一年度~邊間仁愛堂有針灸呀??費用 ...

針灸都排一年, 叫佢食屎啦, 離哂罩!!

tif_f

回復 DoDoDoDo 的帖子

聽醫師講係因為小朋友太細個頭骨腦囟未閂晒, 所以一般兩歲先開始針. 仲細可以幫小朋友捏脊同按摩下呀.

wilyun

回復 DoDoDoDo 的帖子

因我仔剛剛25個月,所以我諗佢現在針都可以~

Surveyor

回復 DoDoDoDo 的帖子

You may try body message for kit

DoDoDoDo

我仔都係發展遲緩，大概14月月時試 過針灸2次。但經另一個針灸師話小朋友太細其實唔適合針，因為穴位未生成，所以無再針了

nicolelaulau

我個囡20個月大喇，其實你直接講你阿仔有咩問題就得架喇，好似阿囡咁，我覺得佢呢排好惡，成日扭計，唔肯企同學行，咁咪直接講俾醫師聽囉。係呀！温醫師好後生架！一d架子都冇

wilyun

回復 nicolelaulau 的帖子

請問你阿女幾大呀?
我都打去諗住BOOK去針,因我都係住屯門,諗住近D會方便D,但我應該點同EC講我的兒子情況?我個仔好似唔多回應人咁...>.<

wilyun

回復 nicolelaulau 的帖子

果個溫EC好似睇好後生喎...

nicolelaulau

其實初初都係大約針5~10針，會在頭頂落針，再留針大約20分鐘，睇左幾次開始再針手，腳，背，頸（不用留針），頭針會加針大約十幾針，落針時阿b一定喊，因為有d痛，但之後好快氹得番因為就算留針在頭頂都唔痛，留針嗰20分鐘通常阿b都會訓著左，留針要hold 住阿b，都好累架，所以要2個人一起去幫手就好d，醫師仲會開中藥俾阿b飲，通常煲一劑分2日飲，每日飲2次，飲左幾劑之後阿b手腳凍既情況改善左好多。你預左一定心痛架喇，見到阿b喊同掙扎既時候真係心都實晒，但見到每次都有進步就咩都值得，而且我每次針完都會帶佢去下街，所以阿b好快又開心番晒

tif_f

可以試下在佐敦的恩慈兒童針灸中心，環境唔錯～～

Surveyor

回復 baubaulee 的帖子

It is suggested that U can go to try once or go to those clinic to discuss with the parent, than you may know the detail

baubaulee

請問針灸是否安全?