X幼稚園升小學親身感受

sunma3kwok

X幼稚園升小學親身感受:
話說本人囡囡今年非常幸運抽中油天(小一),仲開心到暑假全家(4人)去左歐洲旅行,點知今年只係開左學剛剛一個月,原來係惡夢既開始, 雖然油天並唔係一級學校,但我想應該有二綫掛(我估),長話短說,係呢一個月黎老師打俾我已經不小過四次,問點解我個囡係唔係好懶,幼稚園嗰時冇聽書?老師話佢英文同國語完全聽唔明同埋發覺佢好似好唔鐘意英文,呢個禮拜第一次默書得38分,我好傷心,即畤返學校同老師傾有冇方法補救,老師話我地已經唔係第一個X幼稚園學生係咁,跟住同老師傾傾下我就明白哂la,因為X只係每個星期得半個小時到英文,老師話咁教法蛇都死la,想識都難,  原來我俾個囡讀X係最錯既决定,我開頭想佢有個開心既童年,點知原來係要付出非常大既代價,我認我白痴低B我就係左討論區意見話小朋友一定開心就報名去讀,到我依家睇返X佢個網頁,D師資真係..........，好在油天老師好好人,介紹左個ABC既英文老師俾阿囡補底,希望救得返,如果唔係真係我呢個爸爸害左佢,如果呢到有X升小學既家長,遇到英文既問題發表下交流下,睇下有冇更好既方法補救,最後真心的一句,考慮清楚自己覺得英文重唔重要,如果覺得重要,切記.....三思而後行....呢間學校係開心無可否認,但幾年既開心換黎以後既痛苦,我自己覺得唔值

LL222

相信樓主又歐遊中！

Confident

原帖由 winnietingting 於 12-10-08 發表
網上資訊，最多信一半好啦。

贊成

giyim

其實語言除左學校之外, 屋企教育都重要~ 而且如果知道X幼稚園係開心學校, 可以出去報下D英文&普通話課程~ 我有朋友兩個女都係讀中文幼稚園, 但係小學叩門九龍塘聖家都收左, 九龍塘聖家係全英文IN, 佢兩個女都冇問題, 因為佢響屋企同佢地講英文~ 所以教育既野, 其實都係要家長同學校合作.........

bbforever

其實捨得洗錢去歐遊，點會之前明知個女讀間英文咁淺都唔去補習吖，唔好賴學校喇！居心可測

cdleep

Agree!!!我記我小時一年級升左一間名小學，老師發現我數學追唔到，都有同我家長提議搵報習老師。

濼晴

或許我想說  身邊好多小朋友讀呢間 升到好多名小學 如協小 讀 同 默 冇問題 如果差成甘 做父母一早唔知 仲比佢讀三年 油天程度不淺 如只怨幼稚園 不如唸下自已教法有冇問題 何解得38分

muichujamie

回復 cherryird 的帖子

當然唔止半小時啦!

aaronmok

bearcat2003 發表於 12-10-7 18:07
直覚告訴我：這故事好多「穿崩」位，我當故事睇，完。

bearcat2003

既然樓主冇得回應，
不如大家合作，
唔回應呢個帖，
推佢落底層啦。
拜拜！

queeniec_1022

而家D人真恐怖

dick923

多謝各位聰明家長提醒