求教：點樣教小朋友用左手揸筆寫字？

yybee

仔仔喺用左手揸筷子食飯，唔知點樣教佢用左手揸筆寫字，我用左手揸住佢左手根本寫唔到字，因為我係用右手的。另外聽人講用左手寫字，紙張唔應該放係正中央，咁應該放邊？
好煩惱

siulin0823

我的小孩才剛開始寫字, 發現用左手倦時就轉右手, 最近想嘗試叫他用右手寫, 他就話自己喜歡用左手.  不過倦時又用右手, 但明顯左手有力.  真是煩惱, 不知用左手好定右手好.  有個老師說慣用左手的人明顯右腦發達, 所以用左手寫字學習時就自然係右腦吸收.  大家比d意見參考....

k_lego

siulin0823 發表於 12-10-18 09:31
回復 k_lego 的帖子

請問是什樣失控?  何否分享吓?

失控, 就係好似叫我地用右手的人去用左手咁樣囉, 寫一橫都曲左或者係寫到出左格..

我唔知點解會咁, 阿女之前都好地地用左手2年了
k2上學期初學寫字時用右手, 一直失控, 就係連寫個"一"字都有問題,
畫2點俾佢連埋去, 佢都會一劃就劃到出曬界, 過左隔離格
過左半年, 到下學期, 有日發現佢自己o係度用左手畫畫
畫出來既野細緻左, 就叫佢用左手寫自己個名來睇下,
發現好好多, 即刻冇曬問題, 經老師觀察一段時間後都認為佢要用左手
之後d功課就好好多, d字稱不上靚, 但都算ok啦
但上左小一之後, 佢左手d字忽然變得好肉酸, 好似唔識寫字咁
但佢o係學校默書時d字係ok嫁喎..
做功課做到我發曬嬲, 咁冇曬辦法之下我叫佢右手寫字俾我睇, 又好似好少少喎..
但主要係多橫劃既中文字 係右手靚d, 而英文就左手靚d..

因為之前k2下學期經歷過"右轉左" 需要時間適應..
我唔想再經歷多一次, 依家已經係小一, 人地個個都寫左字2年以上,
如果依家又要重新適應右手, 我怕佢慢左成2年
而且重點係.. 佢o係學校默書用左手係寫得好地地既..
老師有同佢講過, 暫時呢2日有改善既, 但d字都冇幼稚園果時咁好

其實我諗係咪佢幼稚園有d唔開心.. 幼稚園d老師對字體要求較高
我女早半年轉番用幼身既鉛筆, 我發覺d字好似衰左,
早前提議佢轉番用粗身既鉛筆, 佢就話幼稚園我夠用粗筆啦, 都係俾老師話肉酸
我花左好耐時間解釋話依家的老師都好體諒佢..佢先轉番..

siulin0823

回復 k_lego 的帖子

請問是什樣失控?  何否分享吓?

k_lego

yybee 發表於 12-10-7 15:57
我喺政府度同佢做左個評估，結果話佢左手係優勝手，叫我地教佢用左手，佢會做得好啲，但問題係我全家人都係 ...

請問點樣去做?? 因為我女細時俾我屋企人迫佢用番右手
到k2下學期寫字真係寫唔到先轉番左手, 一直相安冇事寫左2年
最近隻左手冇啦啦好似失控咁..

smallfoothk

大型書局有專用左手揸筆工具如筆,較剪添,,,

siulin0823

佢現在兩隻手都寫字, 不過, 明顯左手有力, 左手能跟筆順, 右手不能跟筆順, 右手會將筆劃掉轉哂.

yybee

原帖由 shekma 於 12-10-15 發表
回復 yybee 的帖子

請問那是什麼評估？點樣可以做同幾大個可以做呢？因為我都覺得兒子有用右手的傾和，他 ...

係健康院寫紙去架，因為懷疑佢有言語遲緩及小肌肉發展遲緩

shekma

回復 yybee 的帖子

請問那是什麼評估？點樣可以做同幾大個可以做呢？因為我都覺得兒子有用右手的傾和，他現在22個月大

yybee

原帖由 Radiomama 於 12-10-10 發表
左手寫字的姿勢與右手無分別，反而要注意書枱左面不要放雜物，枱燈應放右上角。



  ...

唔該晒，我會注意下

yybee

其實我仔細個時揸匙羮又係時左時右，我都唔確定佢係咪左撇子，直到2歲多喺政府度做左啲測試，証實佢係左撇子，測試當中，姑娘將物件交去佢右手，佢好自然會轉去左手，相反左手無呢個情況，再測試力度，發覺左手好力個右手，姑娘叫我地唔好迫佢用右手，隨佢用左手，由嗰時開始我先訓練佢用左手揸學習筷，而家佢好多時用左手揸筷子同時用右手揸匙羮，我有時都懷疑自己嘅教法有無錯，因做完測試之後，我買左左手用嘅較剪同筷子，佢根本無咩機會用右手，我係咪應該再俾機會佢用下右手呢？

Yanamami

喵媽:  謝謝你的提議, 我返去同佢試下先!
********************************
記得要專登輸俾佢, 讚佢左右手都禁叻. 你就唔掂咯.

Yanamami

喵媽 發表於 12-10-11 14:49
我仔都是左手...我地一向由得佢, 亦冇捉手教佢寫字, 但依家都有點後悔冇試下叫佢用右手寫字!
其實唔會迫,  ...

你估試下同佢玩遊戲得唔得呢? 話大家交換用手寫字(你用左手, 佢用右手)鬥快鬥靚. 成日同佢比賽, 練下右手小肌肉.

喵媽

犖犖 發表於 12-10-11 09:06
我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是 ...

我仔都是左手...我地一向由得佢, 亦冇捉手教佢寫字, 但依家都有點後悔冇試下叫佢用右手寫字!
其實唔會迫, 不過都應該叫佢嘗試下用右手寫, 因為左手筆順唔啱, 佢寫得都辛苦D...亦同意字距同裝字真係有點問題...不過佢已經K3, 依家叫佢試右手已經唔得, 話冇力唔識寫喎!
佢又係好憎寫字, 希望佢大D會好D啦!!

cellon

Yanamami 發表於 12-10-7 11:03
我女都係左撇子. K1時老師問我想佢用邊隻手寫字. 雖然果時只係畫線條, 但我表示凡係功課簿, 一律用右手. 其 ...

現在的情況如何，右手寫字成功嗎？

不過，外國有例子，強逼左撇子用右手可能會導致心理問題。

方麗娟

曾經睇過一篇關於育兒的文章, 筆者提到只要將個皮球"碌"向小朋友腳前, 小朋友用邊隻腳踢, 就知道佢係左手定右手, 因為呢個係本能反應, 睇下佢出左腳定右腳.

我分別同大仔和細女試過, 大仔一直都是用右腳(雖然1歲前經常用左手拿湯匙進食), 細女就次次都係左腳. 呢個測試可信度唔知有幾多, 但係都幾得意!

方麗娟

yybee 發表於 12-10-10 15:43
我仔一番學我已經同老師講佢係用左手的，老師即係mark低，重話佢地會有左手用較剪添，所以你都最好同老師講聲罷！

我個女2歲幾返緊pn, 學校唔係咁"學術性", 冇線條練習冇功課的, 不過有art class(其實係揸住枝brush亂咁"了"d顏色). 阿女返學一星期, 我見佢在家多咗用右手, 就主動同老師講聲, 阿女的dominant hand係左手. 老師話呢個age冇特定, 有時用左手, 有時用右手...不過講完, 而家見阿女又多d用返左手.

siulin0823

囡囡都是左撇子, 平時出手慣性用左手;  但學校一定要她用右手寫未畫畫, 食飯, 做什麼都要她用右手.  在家我沒有指定她.  到現在一年過去, 囡囡在Play group時, 不時很自然取筆用左手, 然後又轉到右手.  到最近要開始寫字, 問題來了, 她一時用左手寫, 一時用右手寫, 明明寫A字, 筆順先寫左面第一劃, 用左手時能跟筆順, 但用右手就倒轉筆順, 她會寫右面那一劃.  什算好?  

Yanamami

犖犖 發表於 12-10-11 09:06
我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是 ...

Good advice, 犖犖.

奇在我&daddy兩家無近親係左撇子! 唔知點解個細女係. BB時(幾個月大)我已發覺la. 俾玩具佢, 佢自己會右手交俾左手. 但叫佢用右手做功課一d困難都無, 只係習慣問題, 當中無逼/ 罵/ 打/喊. 其實初時佢左右手都寫到, 後尾集中只用右手寫字, 左手做其他野吧.

犖犖

Yanamami 發表於 12-10-7 11:03
我女都係左撇子. K1時老師問我想佢用邊隻手寫字. 雖然果時只係畫線條, 但我表示凡係功課簿, 一律用右手. 其 ...

我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是左撇子，我有一個左撇子哥哥，朋友中左撇子的也為數不少，但超過三分二，寫字時是用右手（細時被迫），但揸筷子時就全部都是左手，食中菜時成日「打架」 以前我不明白。

中文寫字時如果是直排（格仔簿）還好一點，工作紙是橫排，英文字也是橫排，對於字距、裝字，小兒如今仍難以掌握得好，往往要改正，少則一、兩次，多則十次八次，所以佢唔鍾意寫字作文，相反畫畫就完全另一回事。

對於中文字，現時上了小一，校方對筆順比幼稚園時嚴格。小兒從前寫字，就算知道筆順，都未必會跟，好自然用順自己左手的寫法。現時老師往往會用紅筆更正小兒的筆順位，所以這方面要多加注意。
另外，亦會敎他執筆位置要後一點，及紙張要放在不阻自己視線位置，即不要給左手和筆遮蓋已寫的字。


還有一點，為何後悔當時沒嘗試引導小兒用右手寫字呢？去年暑假，小兒加入棒球隊，好自然就買了右手手套，配合左手投球。隊中也有一位左投師兄，擊球時則站右方，大家都很高興又多了一位左投球員，因為棒球比賽中，左投右擊的球員不多，所以也比較有優勢。誰知練了兩個月，也掌握不到投球的方法，於是敎練建議讓他試轉右投，結果當然是比練了兩個月的左投還要好，亦因此要另買左手手套，改練右投左擊了。