點解小一入學唔用考試方式?

momochiu

間間學校都想收精英, 個個家長都覺得自己小朋友平日表現係好過個幾分鐘interview 或, 成績好好, 應該係入到某某小學, 奈何可能interview 強差人意。 又有小朋友interview好好, 但入到學校就追得好辛苦,(包括依靠關係入學者), 基本上好多都係錯配。所以我的感覺是, 每間學校用考試來收生, 收到程度合格再之後有interview. 咁起碼程度唔會錯配, 只有係自己的小朋友禮儀不及其他的好, 唔合校長的眼緣。
可以唔同意, 但勿插。

Ling0426

原帖由 Judou 於 12-09-29 發表
而家d小朋友已經好慘，如果再設小一入學試，d小朋友會被迫癲

同意

wister

唔止小朋友，现今世代响香港做人根本就好辛苦

mybabylove

我覺得唔係個個小朋友都適合考試，要睇下間學校係活動定傳統，要考試既學校多數係傳統學校，適合鐘意讀書既小朋友，而要interview既學校會比教活動教學，就適合鐘意玩既小朋友。

其實各取所需姐，有小朋友鐘意讀書，有小朋友鐘意玩住學習，都唔同方向，點解一定要有考試呢？人既一生考試重唔夠咩？
由幼稚園、小學、中學、入大學、其他學府、活動考試、出黎進修 (唔知幾多課程考試)、出黎社會工作(唔知要見幾多份工) 等等...

現今既小朋友，真係大辛苦啦！

雪~bb

如果小一都要變成咁
我諗唔係中學生先爆煲上頭條
小學生已經爆煲啦

virgokaren

又話要愉快學習，到頭來死谷爛谷，又番去以前一味死讀的年代。
根本都冇變過，仲衰左！

wister

敢問樓主你小時候很喜欢考试嗎？如果令堂在你四、五歲时捉你去考试，面对陌生的人和环境，未知你有何感受？

Jane1983

谷吳谷得，谷得幾多年，真係好難講。
家長要時時留意住，吳係過咗度，到小朋友憎厭咗讀書，就好難返轉頭。

初中時，好多女同學好勤力、好谷得，佢地真係背晒所有野，成績超好。但咁無人道的學習方式，維持吳得耐，加上青春期，好多去到中三、四已經潰不成軍。

點算好

我經常問自己, 以前是怎過小一的, 我是否"谷"得? 老實說, 人有惰性, 換言之大部份(或是絕大部份)人都是抗拒被"谷"的. 再者, 作為家長"生理上", "心理上"及"技術上"是否可以堅持六年? 先問自己吧

silvia_ng

唔好呢。。。人生已經太多考試了。。。咁攪法bb 時期都冇快樂日子過啦。

Parisienne

momochiu 發表於 12-10-1 00:01
我小朋友今年都考小一, 有d學校已有用筆試, 當然每間學校理念唔同, interview方法都唔同。但我感覺好多小學 ...

好難定點先叫合程度......
有D上學期辛苦但下學期已適應，有D小一跟得上但唔代表之後都ok！

好多小時候比較受谷，家長諗一路keep住谷實掂，點知上到四、五年級已谷到失去學習興趣，成績結果跟唔上。
呢D咪叫做贏在起跑綫但谷到中途無力衝上lor！
唔通到時家長又話程度太高？

有D就初頭辛苦，但越戰越勇，方法用對了，結果有了學習動機，應付自如。唔通又話程度忽然變淺？
小朋友本身都有變化，課程係死、人係活嘅！有無學習動機非常重要，所以未必都關學校深淺度。

momama

原帖由 Yanamami 於 12-10-01 發表
學校程度&教學方法與理念, 可向用家請教, 一早做好research才去報考, 便不會矇然入局. 但多數情況係家長慕 ...

同意，基本上大家都知道邊間深+谷，係有機會小朋友“好彩“考到一間“超班“嘅學校，但最後決定嘅係家長。老實，好多錯配係因為家長認為自己嘅小朋友“聰明，谷得“，呢d字眼經常出現又或者諗住全職喺屋企陪讀一定搞得掂！

SCKnight

咁攪法，學生家長頂唔住壓力，賣頭條點算？

Janellemama

原帖由 Charlotte_mom 於 12-09-29 發表
200%反對。而家仲吾夠變態？小朋友果本cert仲厚過阿媽。況且學野都係要錢，呢個世界好現實，咁d低收入家庭 ...

1000000000000 agree

tammyhw

考直資私校是家長的自行決定,但如果全部小學都要面試,壓力咁大,我諗唔少小朋友5歳已經有情緒病

Yanamami

momochiu 發表於 12-10-1 00:01
我小朋友今年都考小一, 有d學校已有用筆試, 當然每間學校理念唔同, interview方法都唔同。但我感覺好多小學 ...

學校程度&教學方法與理念, 可向用家請教, 一早做好research才去報考, 便不會矇然入局. 但多數情況係家長慕名而報, 以為唔試過又點知唔得? 唔得先算, 又或者騎虎難下, 又有d食得咸魚抵得渴頂硬上. 唔一定係"被蒙閉"入錯學校既.

momochiu

我小朋友今年都考小一, 有d學校已有用筆試, 當然每間學校理念唔同, interview方法都唔同。但我感覺好多小學interview時唔係好難, 反而入到去先好深, 會唔會都係一個錯配? 佢interview 只係見吓, 問吓簡單問題, 小朋友入到去先追餐死, 不如早d 唔好比家長同小朋友有假象, 你學校係會咁深咁谷, 不如就係入學試反映啦! 到時家長大家都一定清楚小朋友既程度, 入反一間相當的, 合程度的不是更好嗎?
我有不滿不是因為什麼, 只是為很多家長覺得不值。
因為不論如何, 很多想入好的學校的家長都會谷, 有d 想小朋友有快樂童年的就唔會點谷。學校的程度唔會為家長或小朋友而改變, 但單簡單interview, 合程度的不一定入到, 不合程度的反而入到, 之後被谷到變形, 是好事嗎? I don't think so !

spmok1999

不如你希望科技更加發達, 只要將智識直接輸入腦袋, 到時個個都唔洗返學讀書, 個個人都一樣, 人人平等, 唔洗再爭呢樣搶o個樣, 細細個就要學十九幾樣o野, 就o黎冇晒親情, 下下都要逼, 嚴重更加又打又鬧, 自細有陰影, 大個o左會衍生好多社會問題...

winnietingting

可能小朋友的最大壓力來源不是教統局／學校而是家長本身。

piyohk

咪儍啦，那時候，恐怕BB出世時不是學習吸奶；而時開始學講話，認字，做句子。否則，上幼稚園后，一天24小時都唔夠他們去「軍備競賽」。真是不要玩家長們和小孩。