有關校際音樂節

kkhon

是否大部分參賽者都會報比自己程度低d的級別等容易獲獎，而又認識評判的又機會大d?

natalie3288

現在報會遲嗎

baby-town

請問大家有無考一級的琴譜 ??

irischowys

我反而著重小朋友的表現，好像我個女，一級比賽過90分，二級比賽都有88分，咁今年會上三級比賽，因我知她有這樣的能力。縱使今年她只是小一生，但我們不會為攞獎而比賽，做人真的要挑戰一下自己，咁細個絕對輸得起!

Rainy

我個仔都係牛高馬大, 人地都唔知佢得二年級, 好多人單看身形高度會以為佢係5年級以上, 曾經有人以為佢係中一生添, 希望家長唔好用人家的高度体形去估計人家孩子的真實年齡.  

jollyma

我都見過一個港島區某名校，大概五六年級女仔，參加一級鋼琴比賽，彈到七情上面，極盡浮誇，心諗一級歌仔都要咁架？就係咁佢攞咗冠軍，賽後佢同媽咪接過分紙就即閃，大家都知咩事喇。這亦是我一直覺得校際比賽唔公平既原因，冇理由冇年齡區分！

rogerlam123

無限歲數，一般都唔會太離譜，最近情況係報低一兩級左右啦。即是考咗8級試，報6至7級比賽咁啦。報太低，小朋友郩唔鍾意。
另外一個原因係比賽曲目的難度提高咗。今年有隻6級小提琴比賽曲係以前8級考試曲。

marcoli8

有冇限參加歲數？

kkhon

我都只是志在參與比小朋友見識下，所以老師建議報番啱佢程度玩下。

babybear

原帖由 kkhon 於 12-09-07 發表
是否大部分參賽者都會報比自己程度低d的級別等容易獲獎，而又認識評判的又機會大d? ...

一定會有呢個情況出現！
拎高分甚至攞奬話開心，
但萬一失手的話，降了級，又三甲不入，相信呢個打擊一定好大囉

clarawuwu

kkhon 發表於 12-9-7 01:45
是否大部分參賽者都會報比自己程度低d的級別等容易獲獎，而又認識評判的又機會大d? ...

打心理戰術咋,愈細去比賽,反而獲獎機會仲大,降級去比賽,無優勢,因為,當你去同D細年齡一齊去比賽,你彈得比佢地好,係好理所當然,反之,小朋友彈得流暢,完整,評判對此印象更好,更能取悅.

pamelaywy

我見過一個牛高馬大的六年級男仔比賽一級鋼琴, 佢一落手就知一定唔係一級程度, 同場k2, k3, 最多初小, 但係佢都只係第三, 而且拍埋去, 真係有點兒那個.... 我諗小六得一級季軍都對升學無乜用

gwan

讀緊P5去做P1的卷當然容易拿高分，但就算攞獎都唔會好光彩，好多人咁做，只因為張cert去報學校。
碰到你認識的音樂節評判唔容易，朗誦比賽就容易很多了