每次早上就有情緒發生，點算！

bbpigbb

我小孩己5歲了，每次早上起床或出門口返學前，久不久就閙起情緒令到我哋不知怎樣處理，有時罰和獎都不行，請問你們有沒有發生這情況，有什麼方法可改善小孩情緒問題呢！

Capricorn2521

回復 BKVIP 的帖子

絕對同意你的理論.......我都係主張要小朋友改變去適應社會。小時候適應不來，大時很難改變。但要好小心自己小朋友的固執程度，太固執的，要多做一點點功夫，一步一步慢慢改變。

BKVIP

apple~y 發表於 12-8-20 10:52
其實好難講無一樣治療百份百幫到小朋友,解決小朋友問題
密集s位訓練,st, ot ,pst, ABA, 針炙,健腦操,顱胝骨 ...

同意，每個小朋友體質同特質都不同，同一種治療用於不同小朋友身上都有不同程度的效果，如果對身體無害一試無妨。

講開小朋友有情緒發生，我想就算正常小朋友都會有，只係自閉症的小朋友特別固執。以下係我對我仔有情緒時處理手法，唔係一定啱，但用在我仔身上就好WORK。

我從來都唔會就個仔，所以阿仔由小到大都不停接受不同的轉變。佢鐘意一成不變我就要佢成日面對轉變。試過佢有一次我放假接佢放學，佢無啦啦在街喊，我立即想起婆婆平時平時放學唔係行呢條路返家，但我由得佢喊，自己快步行左去頭也不回，掉底佢係街係好狠心，不過佢就會死死地氣跟返我，但我唔會拖佢，除非佢收聲。到第二次在不同環境我又走不同路，佢知我一定唔會理佢走左去，喊都無用，所以無再發生同樣既事。

有時可能父母太愛鍚子女，太保護佢地，一扭就就晒佢地，我在街見過小朋友瞓地扭買玩具，父母又抱又氹都搞唔掂。我仔有一期都想用呢招，我真係由佢瞓地同佢講88，佢咪CC地氣無再用呢招。

owl_2046

free_style 發表於 12-8-20 22:07
我掉返轉諗喎，若有呢個情況，應該爭取所有可能用的時間自已湊，湊到個細路對住媽咪時，唔會特別扭計。我記 ...

其實只要我大聲D喝佢, 佢一定唔敢再曳, 但我唔想, 因為已好少時間對住個仔.
佢確實比較爹我

free_style

owl_2046 發表於 12-8-20 16:22
同我CASE一模一樣.
個仔剩係蝦我, 我係度佢特別多事實, 好鬼煩.
我每朝都早D出門返工, 等工人招乎佢.

我掉返轉諗喎，若有呢個情況，應該爭取所有可能用的時間自已湊，湊到個細路對住媽咪時，唔會特別扭計。我記得試過菲傭同我講，阿女當我在家時會曳些，我覺得不能容許這情況出現。所以用盡所有時間同佢相處。自已要熟悉佢的習慣，亦令佢要聽媽咪話。因為佢地要較長時間，才明白一些較複雜的野，若媽咪管唔掂佢，點可以發揮更大影響力去教導佢。
當然，一切都要付代價，我所有的私人時間都俾左佢咁滯......

owl_2046

SKB 發表於 12-8-13 11:11
小兒剛升上K2，由K1開始都經常經遇到同樣的問題，但他只是針對我，有我在時他什麼都鈕或reject，如果只有工 ...

同我CASE一模一樣.
個仔剩係蝦我, 我係度佢特別多事實, 好鬼煩.
我每朝都早D出門返工, 等工人招乎佢.
老公都話我放工回家前個仔好地地, 一見我返到屋企又開始奄奄尖尖.
唉!可能我由細縱慣佢.

apple~y

其實好難講無一樣治療百份百幫到小朋友,解決小朋友問題
密集s位訓練,st, ot ,pst, ABA, 針炙,健腦操,顱胝骨治療,音樂治療,生物治療
0甘多種治療都聽過唔同家長講邊樣治療幫到小朋友
所以我覺得只要幫到自己小朋友有突破性進步,有好大改善
那種治療就係對自己小朋友最有用,最好

free_style

其實A仔除了腸道敏感，最重要係因腸道問題，所攝入的東西，嚴重影響腦部發育，導致有自閉症徵狀。我唔敢話有方式可以完全醫好自閉症，亦無呢個capacity 去講呢樣野。不過，詳細研究佢地的理論，我覺得亦有其根據。

最重要，係作為用家，睇住朋友的A仔小朋友，問題改善了七成。到我個女中招，亦以破爷沉舟的心態去試，問題同樣改善了七成度啦。我的目標係，將佢變返去普通小朋友的程度範圍中。

就以叫佢起身為例，大家都係辛苦。不過你地花在每朝不時同佢搏鬥，我花在戒口及自然療法。我的感受係，叫佢起身無難度，早上返學運作暢順，我叫佢、姐姐叫或爸爸叫都基本上可以運作，咁先可以享受返正常的家庭生活。而且小朋友整體溝通能力持續性改善，整體的感覺係有出路、有盼望。

其實世上方法何其多，紅斑狼瘡，西醫話無得醫，中醫又真係有人睇好。唔知佢乜原理，若你係患者，睇完佢、好左七成、甚至好九成，這是最實際的。我對治療方式的態度開放，有用是最直接衡量的方法。

我看我還是說到這裡好了。作為用家，無必要捍衛任何一個療法，我自已受惠很多，所以見有類似問題，會分享下。但較少不斷說服人去試，畢竟每一個療法的成功，一個好重要因素，是患者本身堅決試行的心志，這是成功與否不可或缺的重要一環。

free_style

1。唔得。其實食左唔會死，但食左，咪即係無戒口。
2。有，page one, 多數係英文。或上網睇。

bbpigbb

Hi free_style。 好多謝你的分享，many thanks!

1）想請問只食蛋白得唔得？
2）出面書店有沒有這類形書籍教煮食呢！

bbpigbb

Hi takdad。 可否分享下解決方法嗎！

free_style

就如肉醬意粉。可以自製呀，有 gfree 意粉及意粉醬的，豬肉街市有售。有得食喎，自備囉。咁你話無咁方便，那是事實。我會預先帶備，到時倒出來一齊食，感覺上好似一齊出徍食囉。

free_style

講完理念，講下實際操作。你說：

「例如：早餐有時食麥皮or麵包or蛋卷or魚肉燒賣等等，午餐在學校食也很難避，有時出街食小兒必食是肉將意粉，是小兒最愛一種，我所講的食物通通都會有小麥奶蛋成份。」

早餐我會整 gluten free 的通粉、螺絲粉、米粉(要註明 gfree, 我睇過，銀絲米粉係有溝小麥的)及粟米片之類的 cereal。自製的 gfree 麵包、蛋糕等等。

午餐：我女返全日制幼稚園，同學校講，全日由小吃到午餐，我全部自備。飯放在暖杯。

晚餐：易搞啦，只要工人姐姐知點做就 OK. (自家製肉丸呀，燒腩仔呀....全家人都食得健康左)

甜品：啫喱，自製的雪糕、慕絲、朱古力(gfree and dairy free)，還有很多很多，看媽媽們的創意。唔一定係貴野、唔一定係某家專門店買的野，其實好多天然材料，街市可買，只是看我們有沒有花心思去想如何炮製

free_style

戒口，說實的，其實一 D 都唔容易。但看你揀什麼囉。方便搵食緊要? 定佢情緒好、溝通好、識自已學同人溝通緊要?

我係因為有需要才試戒口，因為個女，言語發展遲左一年，同佢溝通，聽唔明指令，易發脾氣。咁我可以點呢。試過上行為治療、言語治療、針炙。都試左好多野，我當時的心態係，針炙我都夠膽俾佢試，點解戒口唔得? 係難，難得過插針? 戒口十個月了，咁多種方法，戒口係最有用。起碼每日返學無困難，著衫食早餐，無乜固執行為，姐姐都讚佢易湊左好多

free_style

其實我唔反對密集訓練、行為訓練，但人生流流長，你訓練得幾多? 今日教佢對住人講多謝，明天長大了，青春期，你點算? 社交、對答、交流，係要感受出來，訓練就如愚公移山，唔會唔得，但每一個治療法都要配合個人及家庭的文化及性格。我鐘意從根本著手處理一件事，行為治療一定有效果，訓練狗仔都得，點解訓練人唔得?!  只是，我對於靠外在修修補補的方法，打從心底裡有點保留，始終覺得唔夠扎實。

free_style

我個女有驗食物敏感，雞都係要戒，出面食的野，勁多有加雞粉，就連白粥都係。所以，我地平時食左好多唔知係乜的野。若你有敏感又唔知的話，點會唔出事。

我個女，自從戒左口之後，情緒好左好多。試過一次夜晚去完街返來，半瞓著，捉佢去沖涼，以前喊到死，而家都係喊兩聲。算接受到啦。

以前成日覺得佢曳，唔聽話，而家回想，其實佢都身不由己，戒左口後，佢變左個可愛小朋友，食少 D 都抵。所以我幫佢研究多些可吃的東西。

free_style

問題係，你想要小朋友情緒好、專注力改善，就要放低「即食」、「方便」的心態。從根本處著手。戒小麥、奶及蛋，係我覺得最起碼的消費。

戒小麥：坊間的麵、麵包、蛋糕一概唔駛食。自已整 gluten and dairy free 的。又或者，去一田、city super 等大超市買。(呢在超市買的建議，係費事俾人誤會我係賣廣告的，當然，有專店買係最方便。另一個方法係搵朋友係外國帶返來，我三個方法都有用)。

戒奶：轉飲豆奶、米奶，百佳惠康亦有售

戒蛋：基本上同戒小麥的差唔多........自已多看標籤吧。

free_style

我覺得佢地發脾氣，部份或者係情緒，但好似抑鬱症咁，其實呢類病都可以有 biological aspect. ，有人喜歡做密集訓練，那很好。我選擇由 biological 方法入手，感覺上係從根源性解決問題。

我選擇跟醫生戒口，但其實若想自已試下效果先，我覺得亦唔壞，起碼是中肯的，自已試。但是這個「試」，要試得有質素。外國唔少例子顯示，gluten 是對部份小朋友專注力及情緒控制有明顯影響，就試下戒三個月，戒清佢，看看有無分別。我覺得咁係最好的測試。小朋友好左壞左，做父母的最貼心感受。