爬完post都唔明, 想問1月B係咪通常唔比2歲8個月入K1?

kiuchi314

我個b 1月出世.
2012 9月 -- 9m
2013 9月 -- 1y 9m
2014 9月 -- 2y 9m
2015 9月 -- 3y 9m
完全唔明數年度入k1,

問題1) 幼稚園話話我個b係要入2015/2016年度k1, 2014足2y8m 但係唔係呢個年度. 如果照佢咁講, 果時我個b 3y9m, 咪大人地1年? 明明教育局話2y8m就可以讀k1, 係咪而家個個1月b都係比人踢去下一年?

問題2) 學卷ge計法的確係1月b 要入2015/2016年度, 2014/2015我無學卷, 咁我應該信學卷ge入學年度定教育局ge入學年度?

問題3) 同埋想問下, 所謂ge大細b, 爬完post話適用於9-12月b, 又有post話入學唔夠3歲就叫細b, 咁我個case, 阿b 2014讀k1 (2y8m) 係咪叫細b, 變相讀早一年? 2015讀先叫正常讀k1年紀(3y8m大人一年都叫正常咩...)

唔該各位幫下手, 唔該哂.

chowqv

原帖由 kiuchi314 於 12-08-09 發表
我個b 1月出世.
2012 9月 -- 9m
2013 9月 -- 1y 9m

樓主同大家都好係攪錯左。

1.幼稚園唔係一定要讀，所以唔使爭議幾多歲入學；大家無知道，大把雙非無係香港讀過，係大陸都無。
2.教處規定小學入讀係該年度9月開學要係5歲8 個月至7歲先有果10分。
3.即係樓主可以選擇做超細b，讀左3年幼稚園再升小學。（當然有無學校收，同做大b/細b既分別，就係果別因素。）
我個仔係由7個月大讀幼兒中心，（佢係2月2號出世），當佢就足2歲既時候，校長問我要唔要足歲就同佢轉n班。佢解釋過，個仔足2歲（即係2月到8月）讀n班，但9月新學年都係要重讀，因為佢差1日。我呢個case係迫住做大b。
樓主計錯數，1月出世（無論係1-31），去到9 月開學，係得8個月。

lyhv

kiuchi314 發表於 12-8-13 10:25
我唔想搶交表爭排位, 係間間學校叫我而家交表, 排interview.  想交一張表, 個個都叫唔好淨係報一間, 報兩 ...

講笑咁講，你入黎我間鋪頭問件產品搶唔搶手，我都會叫你快Ｄ買，唔好咁緊張。。。

kiuchi314

re: marcuscyrus  & LL222

唔識點一個post覆兩個...
咦, 你要repeat? 咁睇, 我c6 個case... 同我d隔離鄰舍ge case... 佢地無repeat. 我諗係佢地好彩.

都同c6決定2014報n, 2015 k1, 而家要諗下交form果d, 間間學校都叫我地而家交form排位.

neko1234

3歲讀K1係正常做法
所謂3歲的意思係過左3歲生日而又又過4歲生日..其間真係可以差一年..
香港點解係2歲8個月做cut-off, 係因為開學日係九月..

12月係cut-off date
12月31日可以做超細B...1月1日就算只係差幾個鐘..都無情講, 一定係只可以做超大B..
如果1月出世的話差一個月之嘛..跟住要夾硬做超細B..
咁2月出世的係咪又只係差1月的一個月之嘛..又做超超細B..
個個都咁做法..cut-off date咪有等於無...

kiuchi314

LL222 發表於 12-8-12 10:19
你只想呀B中中等等, 開開心心就夠. 但又唔想同D龍B血拼，咁矛盾嘅！？
中中等等, 開開心心又何須血拼？你 ...

我唔想搶交表爭排位, 係間間學校叫我而家交表, 排interview.  想交一張表, 個個都叫唔好淨係報一間, 報兩間, 屋企就話我報得唔夠多. 感覺同血拼無咩分別啫. 我所謂心儀果間, 只係因為佢喺屋企樓下, 第二鍾意果間, 只係隔一條馬路.  唔係咩名校, 無諗過都要爭到咁.

kiuchi314

marcuscyrus 發表於 12-8-11 23:24
依家間間小學都想做靚個業績(無中學那些)，問題是有幾多本錢做呢樣野，初小蜜月期，高小chur到盡的學校隨處 ...

升中我就隨阿b自己鍾意, 我最多比些少意見, 到時 派到邊間就邊間.  我自己係人版, 唔想讀書, 讀到band 1都係廢.  想讀書, 普通學校到可以好好.

我屋企都係低學歷ge人, c6屋企都係.  我果時因為得2y6m, 所以點都唔可以讀早.  但係同我同年同月果d左右, 個個都讀早我一年. 我c6都係2y6m 讀k1. 佢地都無repeat過幼稚園任何一年喎.  會唔會係我地以前讀k1, 係間學校無理到政府?

kiuchi314

marcuscyrus 發表於 12-8-11 23:14
是我解釋得唔清楚?定是你未睇我attached的link?要參加自行的條件是(以下節錄edb小一入學單張)
參加資格（必 ...

大家平常心咁討論下, 唔洗咁客氣.  你都幫左我好多, 我都未黎得切講多謝.

其實我覆完你個post, 先發覺自己睇漏野==. 唔係你解釋得唔清楚. 而家都無執著喇.  之前我都有話大圍係咁都要接受.  2014照比佢讀書, 不過係n班, 跟大隊2015讀k1.  不過2014 n班已經好多學校叫我而家即刻報.  只係邨校... 真係爭得好誇張囉.

LL222

marcuscyrus 發表於 12-8-12 12:19
Yes, that is my case

果然如此，咁你係樓主活人版。

marcuscyrus

Yes, that is my case

LL222

marcuscyrus 發表於 12-8-11 23:24
依家間間小學都想做靚個業績(無中學那些)，問題是有幾多本錢做呢樣野，初小蜜月期，高小chur到盡的學校隨處 ...

Repeat K3?, 即讀完第一定年K3唔夠砰小一？

marcuscyrus

原帖由 小曳人 於 12-08-12 發表
唔係一定，我阿哥5月頭出世，揾到有小學收，學校講明如果讀唔掂就留班，最後佢係呢間n年前已經轉全日嘅小學 ...

Dunno if year match xddd I was in my p1 in mid-80s

LL222

kiuchi314 發表於 12-8-11 22:49
而家真係掙得好勁.  我今年仲要龍年, 至於雙非就年年都有, 邊年都要同人爭. 名幼稚園又唔洗.  普通就得喇. ...

你只想呀B中中等等, 開開心心就夠. 但又唔想同D龍B血拼，咁矛盾嘅！？
中中等等, 開開心心又何須血拼？你唔想呀B好似你以前咁谷，放棄傳統學校，讀國際學校啦。

小曳人

marcuscyrus 發表於 12-8-11 23:24
依家間間小學都想做靚個業績(無中學那些)，問題是有幾多本錢做呢樣野，初小蜜月期，高小chur到盡的學校隨處 ...

唔係一定，我阿哥5月頭出世，揾到有小學收，學校講明如果讀唔掂就留班，最後佢係呢間n年前已經轉全日嘅小學第一個入dbs嘅畢業生！

w_y

用月計都係唔足, 唔通一出世就叫 1 個月大? 你BB 出世都要去到2 月後至叫"滿月".

marcuscyrus

kiuchi314 發表於 12-8-11 22:45
應該話我用左以前果套嚟擺落阿B度.  以前用月計, 唔會逐日數.  而家GE玩法要CUTOFF, 逐日數的確唔夠, 差10 ...

依家間間小學都想做靚個業績(無中學那些)，問題是有幾多本錢做呢樣野，初小蜜月期，高小chur到盡的學校隨處可見，不是家長說中等開心就行，老師都有壓力的，如果想比較輕鬆d，選龍校可能升中壓力少一些，那其實又是將戰線推前，考小一時所考的東西遠超一個k3生應有的水平。你說以前冇cutoff，咁就奇，我係1月出世，我讀了兩年k3，正因我媽搞唔清楚呢d入學野(她從強國來，近乎文盲)，然後我唔可以讀完3年幼稚園入小學，要讀多一年

marcuscyrus

kiuchi314 發表於 12-8-11 22:35
而家GE玩法唔同哂, 以前無CUTOFF 12月31日, 都無計分制. 仲要唔係逐日計. 但係而家GE玩法係咁, 我都無得揀 ...

是我解釋得唔清楚?定是你未睇我attached的link?要參加自行的條件是(以下節錄edb小一入學單張)
參加資格（必須符合下列全部要求）
• 二○一二年九月入學時年滿五歲八個月
（即二○○六年十二月三十一日或以前出生)
• 本港居民
• 尚未入讀小學
• 從未獲派小一學位
呢個係2012入學的申請，即是說你個b係表都唔可以交的，唔係無學分咁簡單!!
我細仔預產期係2008年的9月，但佢自己搞搞震係要早左出黎，冇話無唔無奈，食幾多著幾多整定，你以為早d入學唔駛同龍b爭，但比你拎到個學位，然後讀到隻野咁，搞到小朋友冇哂自信，又值唔值得先?(當然我不能用自己d仔的能力去評論其他人的小朋友，但依家幼稚園唔係以前咁學下abc就放學)
你自己都識講依家玩法唔同哂，何必要用返以前o個套去睇，競爭係大，但係咪大到要咁執著?
多言了，請諒

kiuchi314

LL222 發表於 12-8-11 19:42
讀N班有直升K1呢個優勢之外，我試過LH某分校嘅上午K1班，因為冇讀佢N班，連報都唔比報。你99係上兩代嘅人， ...

而家真係掙得好勁.  我今年仲要龍年, 至於雙非就年年都有, 邊年都要同人爭. 名幼稚園又唔洗.  普通就得喇.  PLAYGROUP只係最後選擇, 等佢見下人啫, 有N班讀GE話, 我寧願得閒喺屋企教下佢彈琴, 同佢一齊畫下公仔, 開開心心.  未必會比佢讀PLAYGROUP.  但如果想報果間有, 都會做下樣報一次半次, 搏多少少分咁.

kiuchi314

w_y 發表於 12-8-11 15:40
你係咪誤會了2yr 8m 的意思? 係足2 歲8 個月喎, 你個係一月BB, 點計到9 月1 日都唔足, 當你用日計都係2 歲7 ...

應該話我用左以前果套嚟擺落阿B度.  以前用月計, 唔會逐日數.  而家GE玩法要CUTOFF, 逐日數的確唔夠, 差10日.

其實我只希望阿B中中等等就夠. 小朋友最緊要有興趣先, 追以後大把日子追.  以我為例, 小學考到間勁好, 谷到行, 中學係BAND 1英中, 又點? 已經無哂讀書興趣. HEA住HEA住就算.  我仲好記得我4-6年班, 日日點樣無停手咁做, 都仲要捱間抵夜, 做功課做到半夜, 喊住咁做. 一日成35, 6樣功課.  成班一齊求先生唔好比咁多, 家長投訴學校懶理.  總之要谷到行, 做到個中學派位表靚. 我唔想阿B同我一樣, 我只想中中等等, 開開心心就夠.

kiuchi314

marcuscyrus 發表於 12-8-11 13:24
http://www.edb.gov.hk/FileManage ... 12_poaleaflet_c.pdf

你提早讀K1，唔止係冇10分咁簡單，係根本唔可 ...

而家GE玩法唔同哂, 以前無CUTOFF 12月31日, 都無計分制. 仲要唔係逐日計. 但係而家GE玩法係咁, 我都無得揀唔跟, 淨係D 9-12月B有權揀大定細.  跟大隊, 未必一定有賺, 龍B雙非B, 唔跟隊, 風險係無學分, 自行派唔到統一就一定派到無雷公咁遠. 都只係一舖賭大細. 不過論無奈, 你個8月B又真係無奈過我.

人不為己天誅地滅, 何況今年係龍B年, 仲有D雙非嬰, 我雖然唔喺北區, 但係北區一淪陷, 跟手就會到我住緊GE沙田區, 有機會早D, 我唔想同龍B血拼.