8月8日去政府做評估，如果有得選擇你地會點決定？

antheaanthea

大家好，我仔仔現在2歲7個月，係2歲返PN班的時候好坐唔定要走來走去，唔聽指令好大皮氣，幼兒園老師曾經同我講過，叫我找位有I位嘅幼兒園比仔仔，話佢地會識得點照顧仔仔，因我仔現在讀的學校是大班教學的31人得兩個老師，佢話照顧唔到仔仔，個時我已經排緊政府，因為仔仔2歲都未開口講話，就聽朋友介紹去左一間私人發展中心睇下幫下仔仔，職業治療師做過評估後話佢感統有問題，到現在做左幾個月感統治療確實係好左好多，會聽指令都可以坐定10 分鐘，如果有佢喜歡嘅野做可以更專注多一會，言語開始發B,M,S音，PN班到就由返1個鐘加到2個鐘，但始終都適應唔到3個鐘，佢返學係唔會喊，入到學校就頭也不回咁自己行入去，我知道佢返學係開心嘅，但到一定嘅時間就唔耐煩自己攞書包要走，唔比走就開始發脾氣"mum睜＂，如果做完評估有得簡服務，你地會簡I位定E位呢？請給我些意見，謝謝。(其實我好擔心仔仔唔適應3個鐘嘅課程）

owl_2046

政府S位都係經醫生評估後轉介. 都要等1年以上.
私人S位收費貴, 約$9,000 3/hrs.

kyokozhk

當然s位最好啦！六歲前係黃金期，就算比你大把時間去私人訓練，有咩好得過每曰八個鐘嘅學校訓練丫？

fandd

回復 antheaanthea 的帖子

你帶囝囝去私人做評估，係咪想知佢有無患上自閉症或阿士保加症？如果係，就唔應該俾「職業治療師」做評估，因只有「心理學家或合資格的兒科醫生」才可以做，其他人是不合資格的。

「……坐唔定要走來走去，唔聽指令好大皮氣……唔耐煩自己攞書包要走，唔比走就開始發脾氣"mum睜＂……」如果你囝囝仍有上述問題，主流既幼稚園真係未必啱佢！建議你盡快揾私人認可既專家做詳細評估，睇吓囝囝喺邊方面急需關注。

414928

i 位e位各有好壞,每個小朋友需要都唔同,父母同小朋友選擇,個人意見:應該是父母想小朋友在這階段學懂什麼,然後選擇那一種位能給予小朋友最大的幫助,這樣揀學校比較易選擇。

antheaanthea

其實如果有s位簡，我就會簡s位，我而家都有做職業治療同言語治療，做左4個月都好有進步，但負擔就好大囉。我有做家居訓練的，但仔仔好蝦人，唔會常常聽講，但老師嘅說話就好聽，唔知用咩方法搞點仔仔，我有個大女嘅，阿女我就處理到，但唔可以用教女仔嘅方法教，都想問下大家用咩方法教男孩子?

monssa

如果你有時間教咪e位，始終都有3T睇住！如果你唔會做home training就i位，但未必個個月有ot,pt,加上唔係間間i位都做得好，未必有個別訓練！

Anpanmama

等醫生評估咗, 睇佢有乜提議至算啦!
選咗I or E位都要等成年幾兩年, 計劃下等位其間有啲乜嘢訓練俾仔仔, 或者响等侯其間會有變化式進步呢!

Surveyor

I位 is full time 6 hour per day