太古小學

fan369

有無人收到太古小學既通知

babyduckduck

回復 晴天坊主 的帖子

你夸张啦，我个大女都係太古毕业，上咗英文中学学嘢无问题。细女仲读紧太古

fransco

回復 晴天坊主 的帖子

我有個親戚個女都係太古讀緊，成績幾好，話老師
好有愛心教學生，學業成績老師都跟得好足，經常同
家長聯絡，唔係如你所言喎。

whywhywhywhy

這是滬江今㐿派位

12-9-23 13:44 上傳

下載附件 (100.58 KB)

whywhywhywhy

原來今年果然分開左派位年份！成績好似几好咁！

12-9-23 13:44 上傳

下載附件 (59.94 KB)

Charlie1978

太古唔係夾埋啲數字寫呢，睇佢網頁就知係分開唔同年份嘅，所以都係公道d好,不過我Buy sweet lady，你認同小學理念先會比個仔去讀，間學校唔好個小朋友再叻都冇用。同其他學校比較我唔識，但係太古小學係一間有理念嘅學校我會buy，見到比啲人亂講抹黑覺得唔公平要為其他家長發聲以正視聽。

ps:我識得一位Jimmy媽阿仔岩岩升左上中一讀聖馬可，佢同另外七個太古畢業生有六個入左top class,反而另外一間唔講名嘅小學全部入唔到精英班 ，呢啲就係實證，除非你話人哋家長講大話。

Sweetylady12

在我來講, 我認為學校分band 1/2/3 其實係家長給的, 我小朋友上年入佐太古, 報之前都考慮好耐, 去佐好多間open day, 逐間好似格價咁, 太古畢業生多入精英班就唔清楚, 但呢間o的老師同學生關係唔錯, 升中派位表現理想, 吹噓唔講得上, 家長支持間學校先會俾仔女係度讀, 如果唔係讀黎有咩意思, 大家互不信任, 下下抨擊, 有保留我寧願轉校, 晒氣!
我本身唔鍾意o的太嚴厲的學校, 小朋友以活潑有反應對我黎講仲緊要, train到成碌木咁冇咩用, 所以最後選擇太古!

whywhywhywhy

其實咁講間間學校都有勁學生！不過通常家長會比較學校整體成績！所以先有學校多家長選有學校小啲人選！唔係話太古差，但一定唔係多數人選的學校！最實際看成績真係睇升中所的學校數字！滬江係每年有寫，但太古只寫几年夾埋的數字！

Charlie1978

原帖由 McDonna 於 12-09-23 發表
「多數入哂精英班」....
都要睇下係乜中學至得架!
近呢一兩年太古啲家長吹噓學校好到不得了!

其實無得吹捧嘅，真與假數據可以顯示，如果連中學生着住聖馬可婦女會名校校服返嚟幫自己小學手都唔信冇嘢好講，而且作為家長支持阿仔間小學亦無可厚非，不過我想講既係，如果好似某D小學得唔到家長支持，反而先要諗係唔係嗰間學校定家長有問題！

McDonna

原帖由 Charlie1978 於 12-09-23 發表
我諗你搞錯啦，我個大仔今年係太古讀五年級，上星期佢地開放日睇過，仲見到好多舊生返嚟做校友義工幫手，佢 ...

「多數入哂精英班」....
都要睇下係乜中學至得架!
近呢一兩年太古啲家長吹噓學校好到不得了!
有啲保留!

Charlie1978

我諗你搞錯啦，我個大仔今年係太古讀五年級，上星期佢地開放日睇過，仲見到好多舊生返嚟做校友義工幫手，佢地係中學多數都入晒精英班，系中學都唔知讀得幾開心，證明呢間學校有料到！

purplemelody

樓主, 請問你跨區報太古小學, 填表策劃係點樣的?

leoofhk

明德真係咁差？我見佢campus好大好新好靚，D小朋友（p.1)上堂好活動好開心，似乎係happy learning type

晴天坊主

滬江真係好好唔好晒左個位,我地有好多人都派唔到, 太古易入好多, 同埋滬江校長真係好好, 太古太快樂, 中學會後悔

fan369

剛收到太古小學電話，收左阿仔，原來我都黑唔晒

cmchang0927

回復 jesswong218 的帖子

我朋友仔仔係滬江讀, 完全冇呢種情況！ 反而阿媽見個仔冇九字頭一百分係度駡阿仔, 又問老師佢仔好唔好, 考第幾, 老師話佢仔好好, 好乖, 叫媽咪唔好只CARE名次和分數(只有頭十名會列在成績表), 只要上堂專心, 慢慢會好啦, 最後都冇把名次告訴佢媽咪。 仲有個校長會早上在校門和小朋友說早晨，我朋友仔仔好可愛的, 從第一日上學起看見校長便立正九十度彎身說早, 校長看見了, 也學他彎身回應說早
這間學校不錯的, 愛心程度與基灣不一樣吧?

AAurora

講成績，滬江的確稍勝太古一籌。但是否以成績來釐定學校之好壞就值得深思。據我所知,滬江以及太古都是好學校，都真心為小孩的成長不停改善，小朋友讀得開心品行良好已經比甚麼都來得重要!
加油，支持太古小學，因為我太太係太古小學畢業生

@CKP@

請問有無北官評語, 派左北官....