呀囡小六今期數學成績.....唉

annafong

我都知道佢唔好, 但無諗過小一既數都唔識計, 仲要係3分, 今次攞得55分. 有無家長既小朋友係小學時成績唔好, 上左中學開始發力? 佢已經搵人上門補習啦. 我想搵人安撫我......:--(

soright

summer 即買中一的書及有關習作惡補,不要灰心,我小朋友小三果年都好差,得6字頭,自此,我年年暑期谷佢,佢上次考試卷2差2分滿分,你都可以的,努力,她今年都係升中一

annafong

Chanv 發表於 12-6-19 22:29
唔使咁灰心，55分即係部份唔識，唔係全部唔識，呀仔小五時數學老師經常講＂基本功＂，要佢地做近低幾年的數 ...

這方法未常不好. 個補習哥哥都話要做多d, 多謝咁多jm分享, 我會努力.

Chanv

原帖由 annafong 於 12-06-16 發表
我都知道佢唔好, 但無諗過小一既數都唔識計, 仲要係3分, 今次攞得55分. 有無家長既小朋友係小學時成績唔好, ...

唔使咁灰心，55分即係部份唔識，唔係全部唔識，呀仔小五時數學老師經常講＂基本功＂，要佢地做近低幾年的數，你由小一數比返佢做，做多d,日日做，一路上，等佢練習好d基本功就好有用。

qkhui

我都覺得係, 諗唔到就字係諗唔到, 點做點計都係唔明.
有時小朋友自己做得多, 見到自己做親都錯, 都會變佐好無自信
噉會好麻煩, 因為會另到佢地連一條好簡單o既數都會無信心, 覺得自己又係計錯,所以最重要唔好另佢地失去信心, 明白做家長見到會好驚, 但都真係無辦法
加油 !

cellon

annafong 發表於 12-6-16 01:05
我都知道佢唔好, 但無諗過小一既數都唔識計, 仲要係3分, 今次攞得55分. 有無家長既小朋友係小學時成績唔好, ...

慢慢教吧。
不要灰心。

annafong

回復 MC1128 的帖子

你們都叻.

MC1128

khmama 發表於 12-6-16 22:38
回復 annafong 的帖子

你又唔使咁心灰, 我自己科數學到中三都只係合格多少少, 到中四開竅, 會考都A到. 所 ...

khmama,咁橋,我都係中四知道會考才發力,不過我係B

Chanpp921

唔好灰心, 數學真係好難講, 唔識就係唔識, 解釋唔到, 因我自己細個都係咁, 迫唔到, 合格就算, 唯有係第二D科目攞分, 加油呀

annafong

多謝晒咁多位jm分析, 我會努力同佢死過. :- ))

nc2000

樓主我諗你要了解小朋友是否不明白，要逐一抽出不理解部份，解到佢明，明白後才可多做練習操數！如果樓主數學ok就最好，叫小朋友計一題數，睇住佢一步一步做，就睇到佢錯在那裡，再加以講解！之前我個仔都係出去學數，但進展不大，索性自己跟返，針對佢那裡出錯，再點返明佢，數學呈分一100分呈分二99今次最後評估99.5！但另方面，數理科都要有天份，不同文科可背可記！加油，一定做到！

khmama

回復 annafong 的帖子

你又唔使咁心灰, 我自己科數學到中三都只係合格多少少, 到中四開竅, 會考都A到. 所以唔使咁担心.{:1_1:}

cameo

orangebb 發表於 12-6-16 20:13
回復 cameo 的帖子

聽得出你真係幾氣餒, 先唔好咁樣, 放低呢件事小休一陣, 再諗諗點做.

haha...又唔可以叫氣餒o既,,,話我化左可能貼切D  
我個女中學嘞,獎勵呢樣野其實已經唔太work,因為佢思想略為成熟,用大人心態去睇佢都明白/接受佢為交代而付出啫,佢唔鍾意數學係事實,,,

其實想喺自己討厭o既事情上面做得好,呢點真係好高難度~

唯有做得幾多得幾多

Carmen2004121

阿女小四前數學都好吾掂 , 放學已每天到補習社 , 科科都係緊緊合格 , 后來出外單補數就有好轉 . 但英文就點補都係得個吉 . 加加埋埋單補數D費用去讀平民直資都得 . 雖然文法方面不一定好 , 但 Oral 方面就一定會比讀津校強 . 因身邊有認識的朋友仔女就是讀直資小學 . 成績雖不是特別好 . 但一般英語對話表現不錯 . 對升中面試果部份一定有好處 . 因升中面試計分佔 % 很高 .

orangebb

回復 cameo 的帖子

聽得出你真係幾氣餒, 先唔好咁樣, 放低呢件事小休一陣, 再諗諗點做.

你對你小朋友嘅要求其實係好合理, 問一題, 做一題, 比著我, 一題唔識, 起碼做返一阪練習, 做到識先收貨; 所以, 其實聽落你囡囡係欠缺主動性, 呢樣先係最難攪, 反而數學問題唔係佢最大弱項.

其實數學概念係好重要, 學校一般都係最花時間去教識小朋友由零開始嘅概念, 做練習就係多面對題式變化, 然後操熟以加快考試時嘅速度, 因為識而唔夠時間, 都係好多人嘅問題, 仲有就係唔小心, 都係要有足夠時間去double check先發現.

或者你試下用分析角度去同囡囡傾佢弱項, 然後定位目標, 達標就有獎, 平時一定要忍手, 唔好咁易滿足佢嘅原望.

andy.ma

上到中學很難追,一來要解題,二来是英文數,而且女仔差些,但如根基好非常有利,取分易又不用讀,快些現在開始操啦,有三↑月時間

cameo

ohnono 發表於 12-6-16 16:50
數學好講根基，真係要好好攪攪佢。補習又視乎個老師識唔識處理，如果求其只係幫小朋友做晒d功課那些就唔補 ...

我自己初中時,唔理咁多,知升中用英數就二話不說自己買本maths exe做吓英數,到開學發現自己睇題會比人快!
但我見現讀書同以前相差太遠嘞,係唔係都一堆功課,弱科當然吃力啦,但連強科都做到有少少無癮,所以我都理解點解小朋友無乜學習動力,,,,

cameo

花花花 發表於 12-6-16 16:23
小朋友要多鼓勵，常提點，適當加深進度，多觀察，多與該課老師講通，讓老師能作出適當的教導，因每個小朋友 ...

好老實講,,,如果該科能力弱兼無興趣,以一個小學生年紀,好難有以上動力做到!!
小朋友或多或少有依賴性,你今題教識佢,真係要即時搵同類題目做一題,但往往就算佢肯去問學校老師/補習老師時,我發現問題係無在後者,即教識佢呢一題,無即時俾一題同類題目佢,要100%由佢自己做到先當啱~

我女正正就係呢類,佢會問學校老師,重會拎埋校外練習搵校內科老師問,上問私補亦如是~~
做家長有時係角色問題,我叫佢做多一步(問一題,自己再一題)佢始終覺得學校老師/補習老師都無咁o既要求,,,當然我將呢個方法有問過老師及tutor,佢地係認同但無實行,咁唔通我要求校內老師依我做法,我個女嚟問你數時,你就俾多條數佢做俾你睇?? 始終,有難度,,,,,唉~~~

ohnono

數學好講根基，真係要好好攪攪佢。補習又視乎個老師識唔識處理，如果求其只係幫小朋友做晒d功課那些就唔補好過補，還養成一個依賴的墮性添。

我自己就身受其害，因為以前讀書時一遇到唔識計，家姐阿哥一定會幫我攪掂。所以我今天要求小朋友自己去計，自己諗辦法去解決先，除了讓他明白唔小心的問題之外，你會好容易知道佢個問題係邊，一定係某一個概念出現問題。如果小學都攪唔好，上到中學就會太遲，尤其是某些追求成績的學校，教得還特別快！

花花花

小朋友要多鼓勵，常提點，適當加深進度，多觀察，多與該課老師講通，讓老師能作出適當的教導，因每個小朋友都有個別差異的，若果真係教到差不多火都黎埋，甘大家就小休一會平靜一下，功課上真係唔識，就請願漏空唔好做住，待明早回校或致電老師向老師指教，相信老師一定樂意教導，點都好過自已亂甘教誤左小朋友，自已又激氣，學乜都好，小朋友唔識就唔識，識佢早就做左啦，唔使等你黎罵。家長應進取找補救方法，我孩子以前就是好似你小朋友甘，後來我就與老師講通，如何提昇孩子。