今日同亞囡in完音小,我(媽咪)嘅表現好差,好驚影響倒佢=m=

豬婆

今日同亞囡去咗音小度interview , 其實之前已經做咗D資料搜集 , 但琴晚依然同老公上網睇完又睇, 好緊張呀, 今日重要早咗成個鐘去到!!! 我地驚亞囡會怕醜影響表現 , 不斷咁同佢講"陣間唔駛驚呀,老師想見吓你地,你黎同D同學仔玩下咋" 點知佢真係唔驚 , 重好定!!! 反而我地兩公婆就渣啦 , 未in之前老公同我講咗幾次<<陣間你答啦>>, 其實我地兩公婆講嘢不嬲都唔叻 , 不過我比較清楚學校背景多D , 所以都決定由我做主 , 但到正式in家長嘅時候 , 我一入去突然間覺得好大壓力,超緊張, 唔單止講嘢好快 , 重有D口震同feel倒自己有D離題 , 最終......老師只係問咗我地四條問題 , 五分鐘都唔夠就走得(=死得),老公出到黎話我頭先好似玩緊搶答題咁,條條都比你搶晒,佢無聲出 , 事後我諗返自己嘅表現真係好差勁 , 反觀亞囡就好好多 , in完好開心咁彈住入嚟搵我地 , 我覺得自己真係好渣 , 好驚因為我而拖低咗亞囡嘅機會
返到屋企同亞女沖涼嘅時候,我又諗返起今日嘅事,不禁嘆咗一口長氣,亞女問我咩事,我同佢講"媽咪今日好緊張,同老師傾偈果陣答得唔好,好驚影響倒你入唔倒呢間學校,所以唔開心",亞女即刻話"唔緊要啦媽咪,你唔好唔開心啦,你唔開心我都會唔開心架!!!!!"聽到呢句話 , 個心即時甜晒
亞女: 就憑你呢句話,媽咪會更加努力為你之後嘅面試作好準備!!!!
加油

豬婆

多謝各位!!!!呢兩日已收拾心情準備再作戰 , 我唔可以比自己再失敗嘅

susuwai

加油，樂觀點

ohmama

如小學是一條龍上中學, 根本沒把學生分banding, 應該無法統一派位. 不過應該可以自行派位, 報考兩間中學.

jeremyphlam

ohmama 發表於 12-6-11 10:31
收了, 交了留位費, 但最後進了另一所私小.

希望沒有開罪其他人: 我個人覺得音小成功率很高, 大部分報考都 ...

如果有二千人報考，就算誇張點有一半人不太認同理念及有更佳學校的話會放棄，你仍要面對7揀1。去年認識不少人都沒有offer，成功率應沒有想中高。

mandy304

平常心去面對.( 命裡有時終須有, 命裡無時,  莫強求 ). 共勉之.

新在職媽媽

回復 ohmama 的帖子

以我所知, 今年有二千多人報考音小. 雖然我相信很多人只當熱身, 最後未必會選讀. 但成功率都不一定很高吧. 家長抱平常心, 神自會安排一所合適的學校給每位小朋友!

ohmama

ming2 發表於 12-6-10 10:44
想問下...你大囡宜家係咪係音小讀緊??

收了, 交了留位費, 但最後進了另一所私小.

希望沒有開罪其他人: 我個人覺得音小成功率很高, 大部分報考都會取錄. 所以不用擔心. 始終大部分家長會選擇學術較強的學校為首選.

shirleyysy

請問音小是否只可直上音中或考直資私校㗎？是否不能參加升中統一派位㗎？

jeremyphlam

音小真是一間充滿愛的學校，學生是幸福的一群，尤其在這個已瘋癲的社會，是不可多得的好學校。

bakusensei

原帖由 pandabonita 於 12-06-10 發表
分享左會對已in的不公平

同意，但不用太擔心，因為
1）根據以往經驗，音小的重點面見是父母，不是孩子；
2）今年已發現孩子的面試部分超過五種不同內容。

主自有安排，平常心面對吧！

pandabonita

分享左會對已in的不公平

vvmikeyvv

請問你地IN既時候老師會問D咩問題呀,係唔係好難架,小朋友會做D咩,要唔要考中英數寫讀,可以分享下嗎?

Angelakibb

其實小朋友表現先係最主要 。。 父母個部分唔好令老師反感就可以。唔好諗到咁複雜

Tang614

其實都想提一提家長們要練習一下面試技巧，我們在舊年面試私校時，阿囝表現差到爆，但卻靠我倆公婆力挽狂瀾，神奇地取錄了。所以家長們都要加油呀

Charlotte_mom

其實有時學校見家長，都係make sure家長係咪了解同配合學校理念姐，吾好俾咁大壓力自己，加油