請各位媽媽幫忙 ! 求救 !

jloklok

仔仔狀況如下

1  就來三歲  只會講英文單字

2  會同小朋友玩  但唔會主動

3  有眼神接觸

4  很喜歡唱歌跳舞

5  上堂有音樂就開心  無就無興趣

6  雖然不會流利言語表達  但會有身體語言

請各位媽媽幫幫我  是否有自閉傾向   我想帶仔仔去看醫生   但先生話我過份緊張   浪費錢    請大家幫幫我呀

anan3388

有懷疑就去找專業人士幫, 你去做左, 最多俾人話浪費錢, 過份緊張, 但若結果出黎無事, 你都得個安心; 但相反, 若你唔去做而touchwood仔又真係有時, 到時就後悔, 因為孩子成長不等人, 好多服務都要排隊。

你可以去健康院同姑娘講你仔既情況, 要求佢地俾你見醫生, 然後再由醫生轉介到醫院的兒童體能智力中心。不過成個過程都要等半年或以上。

而私人的, 就建議你找能夠寫紙去社署排政府服務那些。

最好兩樣一齊做, 因為到開始排隊, 到接受到政府服務, 最少等一年, 有些要等二年。評估後, 若有雖要, 也要盡快找些私人訓練做下先。