點可以改善眼神?

manabcd

要上密集訓練嗎?

candyctk

好多謝咁都媽媽分享，我用左要佢要望住先做同回答呢個方法。一個星期，仔仔開始望多左我同其他人！真係好開心。以前囝囝叫我做野只會一直望住件物件重複話要，又或者左望右望就係唔望你。而家叫佢望住我講，佢都會望一兩秒（起碼佢肯應我），同埋有時會遠遠望住我，叫我過去幫佢。我會一直努力再試其他媽媽的方法，謝謝啊。

EUPFFSon

回復 free_style 的帖子

好同意！而家D食物真是不知道有什麼副作用，如果知道呢D JUNK FOOD有影響，介左又不會有什麼問題，只有益處！真是何樂而不為！媽媽！加油！謝謝你詳細分享，可以知道更清楚！

anan3388

日前上左個talk講心智解讀, 都有幫助喎, 可以一看:

http://www.swap.org.hk/cms/node/30

http://resource.twghtttsp.edu.hk/rtweb/mindread.htm

baubaulee

apple~y 發表於 12-5-30 20:49
做多些感統訓練,都應該對眼神,小朋友醒覺度有幫助,

What kind of 感統訓練 can help to improve the poor eye contact?

Please share more.

Thanks,

anan3388

我既經驗係, 千祈唔好托頭, 或兇巴巴的提佢"叫早晨""我/佢係邊個呀?"呢d方法, 不但無用, 仲令孩子討厭望人, 討厭打招呼。

我係用rdi方法 (之前已分享過, 請看舊post)。另外, 觀察一下孩子最有興趣的活動, 然後製造機會令佢唔望你唔得。我仔鍾意音樂和abc, 一唱歌佢就然望住我。

努力了大約一年的rdi方法, 加埋離開左那些會兇兇地迫仔叫早晨的環境後, 仔望我的能力由幾秒, 去到依家十幾秒都ok, 仲係望得黎, 唔係齋望, 係有原因, 有感情咁去望。我覺得自己無選錯路, 真好。其實"為乜要望"真係好重要, 唔係為禮貌而望, 係為學野,為明白人地咩情緒,為認人等等, 所以教也要教到佢明呢d原因而望, 只教望實係無用, 仲係非常奇怪的, 你試試在街中無端端盯著人望, 分分鐘會俾人打的! 千祈唔好用o個d咁既教法, 學錯左要改返仲麻煩。

另, 至於身體基能導致既困難, 就包括要做相應運動強化頸部能力(例如伏地,然後用上肢抬起上半身的運動), 同埋健腦操的"臥8字"一式練追視都有用, 訓練到眼肌。我是用餅乾條, 仔要望住它, 我用它在空中畫出"無限"的符號, 佢唔望就俾我食左一段餅乾, 佢做到10次就可以食, 咁慢慢佢就學到要望實, 而練到眼肌。

apple~y

做多些感統訓練,都應該對眼神,小朋友醒覺度有幫助,

apple~y

回復 catregist 的帖子

作為家長總希望小朋友進步,或者接近正常
有時看到"另類治療"時,我都會自己搵多些資料了解多些,再請教s位老師意見有無聽過或者有無同學仔做緊,方法可唔可以行,再決定比唔比小朋友試,希望再有些突破
好似今年開始試針炙我諗算係比較"另類治療",我先生都唔多信,又好抗拒比小朋友試
當中我花好多心機搵0左好多資料,又同s位老師傾過,原來好多同學仔都有做
所以家長好多時係過程中小心求證,就會搵到出路幫小朋友
我都好多謝s位老師比0左好多意見我
令我條路行得順好多

kelvin_hmlau

我自己用rdi方法訓練兒子眼神，
即係先學 non-verbal, facial, gesture, eye-gazing, tone 等。
雖然進展比較慢，但感覺較穩定及不容易退步。

catregist

回復 Capricorn2521 的帖子

完全同意，自閉症是可做「訓練」改善，真正的家長經驗分享可容易找到可行的治療或改善方法，不要輕信互聯網上「所有資料」。
上言語治療 / 職業治療 / 幼兒認知 等密集式訓練, 家長配合在家重複練習才達到最佳效果;
有食物敏感才要戒口。
這裡越來越多另類治療「廣告」! "點可以改善眼神?" 實在是很好的主題, 我都想知有無更好方法.
當小兒喜歡玩甚麼, 我會參與使大家有共同活動, 他會望我多一點。
抱起他玩氹氹轉, 面對面在床上玩拉上拉落, 手拉手唱他喜歡的兒歌......玩多一點當做訓練!

Hello101

Hello101 發表於 12-5-29 15:58
請問DAN doctor 就是"生物治療"嗎? DAN stand for ??
另驗血要吉手指一定手臂呀?要抽多少血?咪好痛? ...

謝謝! 係咪好似大人咁吉手臂??

apple~y

以前我小朋友番幼稚園時老師都係HOLD住仔仔個頭講0野
攪到我仔仔班中有同學仔有樣學樣,同我仔講0野都HOLD住我仔個頭
感覺我小朋友好另類,好似好怪0甘,
呢方法真係唔work,

現在眼神接觸很好,一叫小朋友個名即刻望過來
可能大0左,可能番s位跟開做訓練,又有可能針炙
連老師都讚小朋友眼神接觸很好,反應快
我都留意到s位老師同小朋友講0野從來係唔會HOLD住個頭

Hello101

請問DAN doctor 就是"生物治療"嗎? DAN stand for ??
另驗血要吉手指一定手臂呀?要抽多少血?咪好痛?

Olympian

我都覺得HOLD住個頭唔係幾好。有個家長個仔成日拎阿媽個頭叫佢望某樣野，阿媽好唔鐘意，我諗小朋友都唔會鐘意。

樓上個方法幾好。

之前家長分享話如果佢唔望你你就當聽唔到，唔理佢。呢招我成日用，我覺得好有用。

Capricorn2521

我地初初都係用”Hold頭姐眼”果招，有時就由下而上望住佢。後來我果仔吾鍾意人地攪佢果頭﹐發"蚊爭"，我就同佢講，咁你要望住我先得架。同佢頭貼頭，指住眼睛，說：要眼睛望住眼睛。佢做倒一秒都要勁讃佢。佢知道咗呢個係好行為時，就會好肯配合。我會成日提佢，而佢亦樂意跟隨。不過，佢d eye contact都係維持5秒左右，吾會耐，但我覺得合格。依家我會提佢在做回應時，不只用口，要轉頭望住人講野，做倒之後又讃佢，攬吓佢。而當佢有要求時，一定會走賣黎我度，用渴望嘅眼神望住我，說：媽咪，我想要xxxx呀！因為佢要等我話可以玩先可以攞 (初初可以將玩具收起，由大人攞)。

小朋友在吾同階段..... 我們的處理方法都不同，要細心揣摩，真係好有挑戰性。

myson727

回復 free_style 的帖子

但DAN Doctor 或用"生物療法"的醫生，香港唔多。

free_style

manabcd 發表於 12-5-28 14:14
我都聽過戒口, 係咪要驗血先知要介咩?  邊D醫生可以做這類生物治療?
咁係咪終生都係要戒架?會唔會好呢??
...

答漏了最後一個問題：貴唔貴。

睇你點睇。我個女，試過針炙，每月千幾，上不同類型的TRAINING，每個課程每月學費約二千元或以上。而家戒口七個月，每月醫藥費三千幾，另買佢可吃的食物，每月大約千幾掛，但CUT 左針炙，將會CUT 些訓練，只針對性餘下一個，此消彼長，實際花費無特別增加，甚至說，其實是減少了的。

但是，我覺得資源運用得更有效，因為戒口兼睇醫生，七個月來情況不斷穩定地好轉，每隔幾個月就上一個新台階，學習、眼神、溝通，都持續改善。

free_style

桃哈多 發表於 12-5-28 22:40
請問可以響邊度驗呀，成日叫個囝，佢都係掛住做自己野，唔彩我



  ...

你可以找這裡不同人提過的 DAN doctor。搵個唔太遠你住處的最理想。因為若你會長期睇，咁就唔駛坐咁耐車。

鼓勵你試下生物療法，在改善眼神方面，我覺得好有用。上 TRAINING 的效果實在不能與之相比。以前是外在壓入去，要小朋友改，現在是由裡面發出來的改善。以前花九牛二虎之力都搞不好的事，而家佢自發性地進步。但當然，有代價，包括：
- 戒口要戒得好 (戒得好不等如戒得清，我個女，食蛋糕、麵包、朱古力，但全部是gluten and dairy free，這些全部都係不斷研究的成果，唔懶得)
- 睇醫生  - 過程中不時遇到問題或疑難，有醫生跟進及調節，可以確保過程安全
- 抗拒外在誘惑 - 一些不明白的人，會亂說些什麼，什麼以毒攻毒，食多些致敏源等身體適應呀，戒口咁慘，戒成世咩，有乜可以食喎..........這些全當作聽不到。因為，我花了咁大氣力才令個女有進步，今天不戒口，豈不是前功盡廢? 再者，人地糖尿都要戒口啦，唔食 junk food 唔會死。而家佢戒口，可以吃的盡是健康有機食物，錢係會駛多些，但全家人一齊健康左，諗深一層，無蝕底喎。

桃哈多

原帖由 free_style 於 12-05-28 發表
驗就肯定驗，但驗邊樣先 ( 血、尿及大便) 則看醫生建議。我個女係先驗血及驗大便，後來我覺得效果不俗，才 ...

請問可以響邊度驗呀，成日叫個囝，佢都係掛住做自己野，唔彩我