四月考琴既RESULT出咗喇!

十月媽咪

4月14日考五級PIANO, 昨天5月19日就收到了! 完全無心理準備下, 收到呢封信! 好SURPRISE呢!

ohmygosh

回復 SAGO 的帖子

不用急﹐五歲開始會比較適合。我早年收過四歲/四歲半的學生(鋼琴/小提琴都有)﹐都係吾得﹐最後小朋友辛苦時﹐大人又辛苦﹔所以我近年堅持滿五歲的才會安排接見和試堂。

SAGO

你地小朋友好叻....我個女...同我講想學琴...但依家3歲半多D....我問班主任佢話...5歲才學好D....你們覺得如何?....

十月媽咪

回復 chrwan 的帖子

我女八歲七個月!....原本一直諗住鋼琴是主, 大提琴是副....但明顯地, 大提琴既進度係快過PIANO, 雖然PIANO已考五級, 大提琴卻只考了三級, 但大提琴七歲才學, 鋼琴四歲已開始學, 又大提琴九月都會考五級, 響成功感上, 大提琴畀到較大既成功感我女....唔知係咪咁, 佢享受拉琴多過彈琴....練CELLO亦較練PIANO主動....如果照而家既情況睇, 不久將來, 主副地位將會調轉啊!

chrwan

回復 十月媽咪 的帖子

好多謝你的分享, 我個仔都一樣, 佢另有學小提琴, 雖然已決定了何是主, 何是副, 但仍希望他可KEEP住, 學下享受音樂.
十月媽咪, 你女女多少歲?

十月媽咪

回復 Master167 的帖子

我嗰個對PIANO既興趣越嚟越小咁, 唔知係咪考完個五級之後, 個人好似少咗啲動力呢?!....但佢對CELLO既興趣就越嚟越大, 但又好明顯CELLO啲技巧真係.....不過唔知係咪同嚟緊考CELLO試有關, 佢有試考個人就有動力吧!?! 說實在的, 我都唔知佢究竟想點....不過佢好清楚, 無論佢有無興趣, 呢個階段, 佢都要KEEP住學!

Master167

果然係一分耕耘一分收穫, 你地d 小朋友咁乖可以坐到兩少時練習, 犀利兼抵讚....是否對音樂很有興趣?

十月媽咪

回復 Master167 的帖子

以往考琴準備大約六個月, 期間琴老師會夾住考試歌以外既樂曲叫佢練習 (著實練足咁長時間都係嗰三首歌, 真的悶鬼死)....至於今次, 由於決定報考決定得好傖促, 所以實則教考試歌前後只係得四個月, 又中間夾咗三個校際比賽, 仲要派咗一個四月初既考試期, 準備嚴重不足....最終PIECES & SCALES係教得晒, 但其實老師同我都覺得可以再做好啲.....至於SIGHT READING同埋AURAL, 唉.....只係響復活節假期嗰幾日補咗兩堂去講咗一講....所以個女考AURAL時, 其中一條問時期就答錯了, 幸好都仲合格多啲啲!

由於今次考試準備時間緊湊, 佢自己都知道唔HEA得, 所以每日功課都盡量響學校完成, 返嚟畀我DOUBLE CHECK再做少少改正, 食個QUICK TEA就已經開始練琴, 每日最少兩小時, 由食完TEA開始練到我煮好晚飯....有時食完晚飯會再練, 又或者爹哋放工返嚟借啲意話想聽吓佢練習既成果, 佢又會再彈畀爹哋聽....

其實我個女好固執, 佢成日覺得, 咪彈得幾好囉, 咪彈到囉, 做乜梗係要加呢樣加嗰樣既啫?....畫畫佢就鍾意加呢樣加嗰樣去令到幅畫更靚更色彩繽紛, 梗係彈琴佢就覺得彈到就得.....唔洗加咁多嘢落去.....真係激到嘔血!....我哋同佢講, 今次叮到, 都唔知係因為你響個考官面前做咗啲平時老師教咗又唔肯做畀我哋睇既嘢去畀個考官睇? 定係個考官見你好似好認真, 所以放你一馬, 畀個叮你!....所以叮囑佢唔好自滿, 學上去面對既嘢, 唔係佢而家呢種學習態狀&彈琴技巧可以應付得嚟的, 希望佢明我哋講乜啦!

bbpoon

4月26日考的，有冇人收到result? Thx!

Master167

恭喜晒各位取得這麼高分 ....我想請問你們的小朋友每日練琴練幾耐? 同埋要用多少個月去準備考試?  ....因為我的小朋友十分懶練琴, 之前考試只得108分, 想了解吓你們的練琴習慣, 謝謝

719117

Congratulations!!

chrwan

回復 chrwan 的帖子

十月媽咪 :

4月18日考都係GRADE 5, 今天亞SIR剛收到.

137分, 很心滿意足, 已多謝了亞SIR.

3隻歌 28,28, 30  Sight reading and aural 欠少少.

現在可以安心努力準備考試了

無氣同你講

loloyen 發表於 12-5-23 00:45
阿仔係4月中考,本來以為係5月先考,點知突然早咗,嗱嗱聲改進下,之前老師幫佢模擬考試有115到,現在有128已經 ...

強呀！！！！！！

４　ＹＲＳ　ＯＬＤ　人仔已經考４級。

loloyen

loloyen 發表於 12-5-22 01:36
阿仔考2級有128 MERIT,已很安慰!

阿仔係4月中考,本來以為係5月先考,點知突然早咗,嗱嗱聲改進下,之前老師幫佢模擬考試有115到,現在有128已經好安慰!以4歲多人仔叫好好架啦!希望嚟緊年尾既4級佢可以KEEP住呢啲分數!

louis媽

我都報喜先,阿女考五級violin有130分,我放心曬,阿女第一次考試炸.好開心.

ohmygosh

我都等緊學生出成績...  18號考的﹐仲未收到...

grace_xian

Congratulations!!
我仔長笛都是四月考的, 仲無消息呢

禮禮媽

我仔都係4月12日考五級，仲要報左考試至教其中一隻歌，scale到考前一星期還未熟。個仔仲以為五月尾考，成日話大把時間，點知 4 月12 日考，考完我諗實瓜得，怎知昨天收到 result，竟然有merit。Surprised.

MeiMei

回復 loloyen 的帖子

呀女四月十三日考鋼琴五級，昨天收到result, 竟然有132分，很意外。她自己都很意外，但很高興。當時諗住五月考,有多少少時間練習,點知派了四月考,唯有成個復活節假期努力練習, 當時我諗住她考得不好,所以在三月份報了名八月再考一次。 果先吾報名，慳番啲報名費。

loloyen

阿仔考2級有128 MERIT,已很安慰!