小一生做功課好慢

加而晴媽媽

我個囡學校功課唔算多, 但差唔多晚晚要2個鐘, 甚至2.5個鐘先做得完d功課. 試過好多方法, 威逼利誘都試過,都唔得 . 其實佢自己都開口話過想快d, 但硬係就力不從心, 請問大家有無方法提供比我試下....

leeyin

三樣一時係大量, 一時只是小量, 係佢唔知點解習慣性一放學就眼訓, 就算前一晚8:30訓都係咁, 我諗住呢個暑假試試同佢改變呢個習慣, 希望可以啦~

naiviv

我都覺得回家後儘快做功課,做完剛好食飯,晚飯後,就係自由時間啦!

alice44

其實, 除了測考之外, 做完功課就可以自由, 阿仔明白, 所以一向做功課都快.
我覺得有些家長會見到佢做得快就比d練習佢做, 攪到d小朋友情願做慢d比人鬧都唔會做快d功課, 怕要做練習.

點算好

我成日同佢講，炸炸林專心做完自由時間系你既，唔系我既，有幾多自由時間系你決定，唔系我決定．爽手咪玩耐ｄlaw, 拖拖拉拉都要做完嫁啦．

danielboy

我都認為要盡早做，4：30返到屋企即沖涼，沖完涼喺精神狀態最好時做，5：00做到開飯，6：30食飯時咪當中場休息囉。7：30先開始小朋友已經步入眼瞓之門，其實小朋友眼瞓就影響專注力，專注力差就自然影響思考能力同做功課速度。

點算好

回復 leeyin 的帖子

3樣都系大量? 例如一樣要寫幾十個生字?

leeyin

我個仔咪又係咁, 4:30回到家, 換好哂衫就開始做功課, 做唔夠20分鐘又話眼訓, 坐係佢側邊望住, 佢真係眼訓到訓得著, 攪到做3樣功課都要做2個幾鐘, 每晚已經盡量要佢9時前訓覺, 6:30起床, 我都試過用好多方法希望佢唔好做功課眼訓, 如比佢行開食野, 飲水, 玩陣, 點知一開始再做功課又係咁, 激到我呀  

mansum92

我個仔番屋企我最多比佢休息15分鐘就開始做功課 做完可以玩 佢就好快做完去玩 半個鐘攪掂
夜麻麻先做 做完仲要係去訓覺 完全冇動力比佢去做快D!

karenlyk

放學後有2個鐘先食飯,一個鐘休息,一個鐘做功課
佢做得慢的原因係唔識?好攰?寫得慢?

cutiebebe

我估小一做得慢其實都情有可原, 因為佢都仲細, 而且唔係個個小朋友寫字都咁快嘅, 我相信大個D會越來越快的. 好似我個女咁, 今年讀小一, 初開學時都慢架, 宜家都快左好多了!

janetgordon

我仔都係要咁, 就算少功課都要做兩個鐘
我仔返到屋企3:45, 休息15mins就開始做; 如果由得佢自己做, 真係磨幾個鐘都得;所以要响佢隔離睇住佢, 尤其抄寫既功課, 唔睇住佢, 試過真係訓著

wister

建議你培養小朋友返屋企盡快開始做功課，做哂啲易嘅先，抄寫可最後，否則咁夜先開始做，都已經開始眼訓啦，邊有心機丫，一做又做咁耐，擔心佢會越來越無興趣做功課同讀書呀。

MC1128

回復 加而晴媽媽 的帖子

3:30pm 返到屋企,即做功課,一小時內一定做完,唔識的除外,做完功課還要練琴,之後的獎勵是自由時間:吃柬西,玩玩具,看電視,看書都可以,呢個係小一,小六嗰個自己編配,總之搞掂為止

個人經驗,及早養成習慣很重要,幼稚園讀下午班時,同樣放學回家即做功課,同現在放小學時間差不多,小孩子習慣了,便不會覺得放學後做功課可以拖

A-Mum

我地又係 4:15 先番到屋企，食吓嘢、玩一陣、仲埋涼，5：30 前開始做功課。鼓勵佢做咗啲最唔鍾意或最難嘅先，因為越夜只會越跌 watt。見佢開始遊魂就 break 一 break, 俾佢落地彈吓、搵爸爸格吓劍，玩個快遊戲，乜都得；等佢醒啲再做過。
小一都係要做到九點，依家小三可以七點食飯前做完功課。
快遊戲推薦 立體過四關、Quardro, Quoridor & Gobblet, 都係幾分鐘玩得完又可以俾佢活動腦筋的。通常…我會讓佢嬴，開開心心再埋位做功課！

VaVaBaby

放學後先完成抄寫功課再食飯可以嗎？因為食完飯比較眼訓，再寫生字好自然就會好慢了

JustAParent

原帖由 daniel2012 於 12-05-19 發表
一個小一生集中唔到咁耐
做九個字休息下再做 會好d

對對 ... 早開始，有時間比佢中場休息一下。

daniel2012

一個小一生集中唔到咁耐
做九個字休息下再做 會好d

marcuscyrus

As ur family has dinner early, can she just skip the snack time?  Take a bath rite after get back home and do hw before dinner.  Just try out different schedule that maximize her efficiency.

加而晴媽媽

4：30回到家，換校服，食少少野，休息一陣，跟住就沖涼，等開飯，由於早食飯，所以其實個gap唔係好長，一般就食完飯開始做。已經有大人坐响身邊，特別寫生字慢。