如果可以再揀，我唔會再俾仔仔PN時讀下午班

feiji

只想分享自己的經驗...

仔仔是細仔，當年有一個a.m. Offer, 幾個p.m. offers，結果我揀了一間我最鍾意的，但較遠的幼兒園返下午班，要每天12：40pm 上車，5：15pm 回到樓下的校巴站。  他平時通常2時多開始睡午覺，可以睡2至3小時。我知道有些小孩可以自己坐校車時睡個夠，但唔知點解，我仔仔係唔會自己坐喺車上瞓的。結果，他日日在學校哭，足足哭了2個月。

現在回想，十分後悔，那是他人生第一次離開父母，偏偏又是他每天最眼瞓的時間，怎能不哭呢？　

如果有得再揀，我寧願揀一間次一等的學校，也要讓他上上午班，如果只有下午班的offer,就揀間喺樓下的，最多K1時再考過，或者repeat PN 做大仔。宜家諗返起佢日日在學校飲泣的情景，仲好心疼呀。

simplelife

已報屋企附近AM班，前兩日有間心儀嘅PN叫我去IN，但係PM 班，睇完你哋講，心希望面試會失敗，等我蝶埋心水唔洗考慮。佢係細B，晏覺好難調校。

tsangnamnam

當年我地有間好近嘅pm offer. (馬路都唔使過) 其他都係am offer, 但全部要搭車。
於是我送女女去上pm playgroup.點知佢成日上堂瞓著，試左兩三個月都係咁。最後放棄，揀左要搭車嘅am班。搭車佢反而冇問題， 日日都好開心。返黎沖完涼瞓覺。
不過真係個個唔同，我朋友仔仔好早已經唔使瞓妟覺，精神開心地上pm班。
如可以，趁依家試下tune唔tune到下午唔瞓，如果唔得，可能真係要考慮揀返am class.

PiyoC

回復 winnietingting 的帖子

我以為你已經選定左? 咁你決定如何?

媽珠

樓主你都唔好太自責, 你當時嘅選擇都係為小朋友好.小朋友去到新環境冇咗家人響身邊情緒實會有起伏. 你嘅小朋友就算唔係扭眼瞓都可能會因為第二樣嘢而喊.
小女當年 pn class 我都係比佢返樓下嘅 am班, 又係因為佢要午睡 . 但每朝佢返學都有小小扭計, 要在學校對開的公園玩一陣先肯返學. 都持續咗幾個月. 現在回想當時的麻煩我會當係一個過程.

winnietingting

原帖由 PiyoC 於 12-05-18 發表
回復 TKO_NANA 的帖子

我本人都係工作mom, 放工番屋企都想同小朋友有親子時間. 因學校唔近, am or pm offe ...

我下星期一要決定放棄心儀pn offer定選am offer.

sbux

婆婆始終喺自己屋企會自在D,又可以做吓家務。佢幫我湊仔已經好辛苦，真係唔想剝奪埋佢無自由之中嘅小小自由。。。

PiyoC

回復 TKO_NANA 的帖子

我本人都係工作mom, 放工番屋企都想同小朋友有親子時間. 因學校唔近, am or pm offer都將會要工人姐姐接送. 途中不需要過馬路, 應該相對安全. am offer 那個另一好處係佢可以有機轉全日, 我會較想囝囝有好些discipline, 好過下午比工人或婆婆過份疼壞哂.

我有個迫切性, 最遲要下星期二決定放唔放棄am offer了. 真係有得揀又煩, 無得揀又煩.

(並不是唒命, 不喜勿插)

cycream

多謝樓主既分享!  但有頭髮邊個想做癩痢?  有幾個offers就話考慮呢樣考慮個樣, 我細仔1009細b, 得一個pm offer, 有咩好揀  有, 揀唔讀lor!  

而加考n1又難咗架啦, 尤其細b,可以一個offer都無! 我大仔而加k1, 0810細仔, 考n1時都有幾個offers,考慮咩都得.  細仔而加no choice, 只可以改變佢作息時間, request am信都做咗, 到時喊都無計. 不過我仔而加上playgroup都係下午, 返下午都應該ok.

TKO_NANA

PiyoC 發表於 12-5-18 09:49
回復 careysum 的帖子

你情況可以再考慮看看喎,我也不是完全不能接受下午班的媽咪啦,只是因為考慮到學校地點較吊腳,又不想咁細個小朋友坐校車,加上係下午班所以先忍痛放棄咋........那些講無最好的學校,只有最合適你小朋友的學校既都係自我安慰的說法啦,如果有出名好的學校收你個小朋友,時間地點又就到既話,邊個父母唔想比自己個小朋友試下.......我另一個放棄下午班的原因,是因為我是工作mami,如果我是全職mami,可以陪個囡一早8,9點就睡覺,朝早6,7點起身咁又無妨,但就因為我不是,所以如果夾硬要個囡讀下午班,我驚自己會好辛苦呀(做媽咪既都要愛惜自己嫁嘛,係米?)

PiyoC

回復 PiyoC 的帖子

我已經有寫信去要求轉am, 但係都係嗰句, 要排隊, 叫我地讀著先再睇下有無位. 因為我囝囝係細仔關係, 要十月先開學, 要輪都會輪比8月入學啲同學先. 所以我覺得機會唔高.

angelparis

Everything has its time, just take it easy, i believe our kids will get used to what should be used to soon, don't forget, they are great kids.

gwlam

sbux 發表於 12-5-18 12:46
我都好擔心，心儀嘅得下午offer,呢排亞囡午睡時間已經攪到婆婆發晒癲，我哋上晝要搬亞囡去婆婆度，一定要起 ...

可唔可以朝早叫婆婆過你到等個女可以瞓晏d?

sbux

我都好擔心，心儀嘅得下午offer,呢排亞囡午睡時間已經攪到婆婆發晒癲，我哋上晝要搬亞囡去婆婆度，一定要起身但十一點一定瞓唔著，跟手最眼瞓兩點幾就係番學時間

申請轉上午，學校就直接call am waiting，無處理我哋嘅申請，真係有d 嬲

PiyoC

回復 careysum 的帖子

呢個post定確讓我兩公婆好好想想, 自己小朋友係適合返邊一間. 如果我只有pm offer, 都要馬死落地行, 小朋友唯有辛苦啲, 不過, 同之前一個媽媽一樣, 我的困難係, 較心儀的係pm offer, 次選係am offer. 兩間都同屋企差唔多遠. 又怎樣選呢?

常聽到bk媽話沒有最好的學校, 只有最合適你小朋友的學校. 但在n班黎講較困難, 因為之前無返過學, 沒有經驗可support到我地決定何為最合適你小朋友的學校 (包括上課時間, 教學課程, 語言等等). 而家只能夠用一個試一試的心態, 選對佢身體成長一定最好唯先 (which is definitely am offer). 我小朋友呢年多己經建位了一個睡午攪的習慣, 如果要調節, 可以嘗試但並不肯定會否成功, 到頭來見著佢辛苦, 自己都無能為力幫到佢, 每日都好似要迫佢上學那樣的話, 恐怕大人同細路都會唔開心.

feiji

gwlam, K1 比起 PN 大了一年，又已返了一年學，適應力強些，心理生理都成熟了很多，該不用太擔心。我明白你的意思，如果K1 有龍校收下午班的話，我都會揀龍校的。我之前是分享我仔仔讀PN的情形。

TKO_NANA,  我仔仔宜家4歲半了，想起來，其實PN時讀哪一間，跟K1時考到哪一間，應該都沒什麼關係，所以，不如揀間時間地點適合的。希望大家的小朋友都可以開開心心地適應上學的生活吧。

careysum

我都分享下我小朋友返PM班既難處吖! 我小朋友係0912B , 返左N班差不多5個月喇! 好慶幸當初放棄IN ST.CAT(HM),宜家讀緊火炭BOX HILL,我住大圍火車站附近, 因為BH 近D,唔駛行咁遠,所以選左較近既火炭. 小女由細至大都好鍾意瞓覺,但不論佢幾夜瞓,第二朝都係會7時左右就起身,有時6點都會,起身之後就唔會再瞓,直到下午1時左右,佢就開始瞌睡,喺10時左右開始想佢再瞓,簡直難過登天,有時小朋友唔係話我地想佢瞓,佢就會瞓麻,好喇,當佢眼瞓時又要返學喇!放左學返到屋企,沖涼,食野,同佢傾一陣計,6:00PM佢開始不省人士,累到企喺度都可以瞓著,接住,會瞓到第二早6-7時,瞓12-13個鐘,我老公放8點PM,想見下個女都唔得,最慘係,我地既家庭日係MONDAY,佢要返學,放左學無耐又瞓12-13個鐘,家庭日都無埋,好多人會講~唓! 你調較下佢作息時間咪得囉!下午回到家,比佢瞓兩三個鐘,之後摷醒佢,又或者,再夜D比佢瞓....., 其實,佢地諗到既方法我都用過,係無用既,我女好似拍周星馳咁,佢瞓左,我係無法攪醒佢,所以,我女係絕對唔合適返下午班,慶幸,學校剛打電話比我,我女喺新學期終於可以調返AM CLASS,好開心呀! 終於可以有返正常既生活,有返家庭日喇!佢放學返嚟都只係12:30PM, 食完飯,沖完涼,2時多就可以瞓喇!尼段時間瞓,佢又唔會瞓十幾個鐘喎!好奇怪,佢通常2時多瞓,4-5時就會起身,終於我老公放工返家可以見到個女喇!好期待呀!

Starrylau

原帖由 feiji 於 12-05-17 發表
lymchau, 由頭到尾，我只是善意地分享自己的 case, 亦只是在怪自己，幾時有 complain 過或埋怨過？

你說 ...

Thank you for sharing. Agreed that Each kid is different. I have the same case and my kid is a super early bird. Every day wake up at 6 something and latest is at 730. I have tried to tune her sleeping time, but it's not very successful  after one month trial. This method success in other kid but not mine. She will lose temper if she is sleepy. So, finally I choose the a.m offer for her :)
It's just pn class. I hope she can go to school in a happy mode,  enjoying the group life :)

Good luck to others

gwlam

好似feiji講，每個小朋友都唔一樣，有人係early bird, 有人係貓頭鷹，其實最緊要小朋友上學開開心心，適應上配合到就okay喇。今時今日，根本唔係我揀學校，而係學校揀你，有時都好無奈，如果全部都pm offer，唔通唔讀書？家長能做的就只有盡量安排吧。

TKO_NANA

feiji 發表於 12-5-15 10:28

我相信你只是以過來人的身份說出自己的經歷,給抉擇中的媽媽作參考而已。

我囡囡今年PN都有1個am offer,2個pm offer,而2個pm offer入面有一個是我非常心儀的,所以在自己湊囡囡番am班,和坐校車番pm班之間,真係猶豫咗好耐。最後,我決定揀am offer,雖說B校評價很好,但誰能夠說我個囡在A校不能學到跟B校一樣多,或更多?只是2歲多的人仔,如果要在讀間好學校和愉快成長中選擇,我寧可佢維持良好的作息,也勝過舟車勞頓,為改變作息時間而令大人和小孩也辛苦。

已經揀咗pm class既家長其實無必要咁大反應,既然當初選擇時也認為那是最好咁米得囉......每個小朋友的適應能力不同,我個囡可能同Feiji仔仔一樣不習慣提早11點就午睡,或不午睡,所以我也忍痛放棄了當初的1st choice,因為那是我認為目前對佢最好的。

Feiji,你仔仔而家幾大了?