做評估也想逃避，很害怕結果

嘉儀媽咪

我和先生和女女剛剛和一班好友晚膳，他們也留意到嘉儀的反應不像一般的小朋友。
我當然不開心，但先生和我說，如果真的有問題要去面對。

其中一個好友更建議我去做評估，還要快些去。

下星期我會約時間做評估，但看了各位很多意見，還是不知道去那做比較好，最重要是嘉儀要報讀學校了。

YingYin

回復 ada605 的帖子

私人S位很貴,但都要, 小朋友未tune好,番主流是學不到太多野,試問不望老師,上課走來走去的小朋友,怎樣吸收,可能有,但不會太多,我試過(N1時)當學校有家長觀課/政府D人來學校,學校叫我唔好帶小朋友返......唉,真係好心痛的,而那間是有I位,出名是有愛心的幼兒園

ada605

關愛基金是給家庭總收入低的人, 我們不合資格

pyalisa

經濟可以，排私人s位。經濟不可以排協康私人s位同申請關愛基金。亦可以打去政府s位申請暫托。

ada605

有事請教。
本來有主流幼稚園收了囝囝 ，在interview 時未知囝囝有自閉，後來我本星期和校近說，他們的語氣話要再觀察。
我們現在排＂特殊＂那偹隊，起碼要二年，主流又不收，咁我囝囝點算

嘉儀媽咪

多謝咁多位的意見
我和先生經過討論後，我地都係決定去私家做評估先，因為唔想過左個黃金時期

ANAN3388 :你提醒得好好，若孩子真的有問題，要盡快得到合適的幫助。

anan3388

政府和私人都做吧。當初我都想逃避, 結果沒有, 幸好沒有, 所以孩子更快得到合適的幫助

私人的建議你一定要問清楚會否可以幫你填 form 2 去排政府服務的, 不要浪費時間和金錢, 因為孩子成長不等人

而且有個客觀的評估, 自己會較清楚有咩問題, 亦有可能問題無你想像中咁嚴重都未定。

加油

pyalisa

個system 係咁。總有個period 私人s位又未有政府s位更未有。
好似返下學好d. 當然好有錢的話就一對一訓練，約四百至八百元一個鐘。

autunmbb

係要見姑娘先，有錢就去私家，等成年先見醫生就太耐，轉校問題，講真，普通小朋友普通學校唔啱都有機會轉啦，唔好諗埋咁多假設性的事，你要排服務乽係以年計，你路排一路觀察個小朋友，就算現家建議你排s位，過左一陣毎細路好番好多都可以轉服務，加油。

kaka1128

未必要轉校, 要好睇女女既情況, 一般小朋友如果智力正常, 都唔會安排S位, 可能會安排 I 位/E位. 以我囝為例, 佢可以專心上堂, 同埋會主動同同班同學玩, 咁醫生就唔建議佢轉校, 怕佢轉左校情況會更差. 所以就安排佢排E位.
而CAC果邊就照排先, 如果你唔想等咁耐, 可以搵私人做左先, 最多到時多個參考囉...  因為宜家需求都幾大, 就算搵私家做左評估, 可能都要排期做訓練. 最起碼可以知道女女既問題起邊再對症下藥.

lambk

政府要等1年先見醫生，快d去私人做評估吧！

嘉儀媽咪

EKME︰我都明白，其實老師一定睇得出小朋友有問題既。一開始我的心態係，希望嘉儀大個左就自動冇事。不過好明顯唔得:(。

pyalisa : 如果讀讀下，證實到嘉儀有問題的話，咪要轉學校？

autunmbb :我今日打電話去有政府資助的測試中心問，原來要見姑娘先KA，之後要見醫生最少等半年至一年.....係咪去私家會好D呢。

嘉儀都有返PLAYGROUP 既，哩間係第二間黎KA，因為第一間playgroup的小朋友唔同佢玩。

autunmbb

嘉儀媽咪 發表於 12-4-27 19:44
我和先生和女女剛剛和一班好友晚膳，他們也留意到嘉儀的反應不像一般的小朋友。
我當然不開心，但先生和我 ...

你知道嗎，如果要排CAC的評估要半年時間才見醫生，如果到時真係咁唔好彩要排服務要等1－3年。就算有需要都唔係即刻有服務比你架。

你的好朋友係想嘉儀好，如果有問題而你又因為怕個結果而選擇現在唔去面對，但係將來都係要面對的。

如果你係想等CAC做評估，可以先排隊，係唔會影響嘉儀報讀幼稚園的，如果有N/K1/playgroup返，你可以比個小朋友返，當你見到其他同學仔，就會更加了解自己小朋友的發展。

我建議你唔好逃避，我見過有家長就係逃避唔想個小朋友返S位，到小朋友現家5歲幾才後悔想同佢再排過S位，時間都過左又要面對升小學問題，真係好慘架～～～

pyalisa

N1可以報住先甚至讀住先，事關評咗，政府s位排成年，私人s位排一個月到六個月都有。

因為讀s位第一年唔讀n1, 學術損失是零。因為大部份n1都是學適應。

S位幼兒園大約差普通幼兒園20%的課程。如果進度可以，有不少人讀完s位讀k3 才入主流小學。

加油。

EKME

其實知道結果, 可找合適訓練給她, 對她對你們都是好的, 當她讀書時, 學校覺得她有問題, 都會不斷叫你去做評估的