強迫要入讀兩所幼稚園，每日讀完上、下午校

florence118

催谷入兩幼稚園 每日須默寫
家長迫讀書 3歲女變不讀書

今日是「世界閱讀日」，想子女透過閱讀而學有所成，必須讀得其法；有家長擔心幼女落後於起跑綫，強迫每日要到兩所幼稚園上課、默寫當天所學、閱讀課外書，最終令女兒厭學，看到書本便「調頭走」、哭鬧發脾氣。

小朋友並非不愛書，調查發現9成幼童渴望父母陪讀，專家指，幼兒0歲便可看書，但必須為無字書，且要氣氛輕鬆，切忌記認生字，否則造成反效果。

本身是西醫的王太（化名），育有一名3歲、讀低班的女兒維維（化名），除媽媽是專業人士，婆婆亦是退休幼稚園校長；但維維並無因此感受到學習的樂趣。

9成小童 渴望父母說故事

外婆擔心孫女學習期間落後於人，強迫要入讀兩所幼稚園，每日讀完上、下午校，更要閱讀課外書，而且放學後必須默寫每日所學，希望為將來升讀小學做好準備，結果，3歲的維維遇書即哭、不願上學，更對家人發脾氣。

香港大學教育學院教學顧問羅嘉怡指，幼兒並非不宜讀書，亦非不愛讀書，只過分壓迫感會令任何年齡的兒童產生抗拒、恐懼感。

牛津大學出版社今年3至4月進行有關親子閱讀的調查，受訪的2,367個、育有學前班至幼稚園高班的家庭當中，89.9%小朋友渴望聽父母說故事，希望他們陪伴閱讀；只有約1成表示不喜歡閱讀。

香港教育學院幼兒教育學系助理教授黃國成指，抗拒閱讀的原因包括父母強迫閱讀、看書只為記生字、讀字、默書、甚至「不看書會罰」；只有小部分小朋友是專注力不足不愛看書。

親子看書增趣味 每日20分鐘

雖然小朋友都愛與父母看書說故事，但調查發現只有2.1%家庭每周能用3小時以上時間說故事，大部分每周只花少於30分鐘的時間講故事。

黃指，雖然父母日常工作繁忙，子女年幼又難於專注，但每日要抽20分鐘作親子閱讀時間，無論任何年齡子女皆可閱讀，而且要配合手指指圖畫、身體動作、營造氣氛，增加投入感（見表）。

羅嘉怡又指，即使0歲嬰兒亦可由父母陪伴看書；幼兒則可看由布料造成的簡單書本，主要領略「甚麼是書」及學習看書，接觸不同質料；至初小可定下目標，例如一星期3本。

torunpoland

我有朋友俾佢個仔讀兩間, 上午一間比較出名的, 即係連鎖式集團的幼稚園, 下午一間係村校, 非區內人不會認識的那一種.

其理論: 我只係俾多幾百元(即一千元以下), 就可以安排佢去學野, 去玩, 去學自理, 又冇壓力 (學業的要求由上午那間略有名氣的學校包辦), 我又可以輕輕鬆鬆過一個下畫, 幾好呢!!

那麼, 睡眠呢?

晚上早些睡, 八點幾就睡, 沒有下午覺.

ohdearcarol

其實唔返學既時間, 都可以學到好多好多野, 我囝囝除左返半日n班, 每日都會同爺爺嫲嫲飲茶, 同d街坊去超市, 街市, 同小朋友在公園玩, 好多生活既事佢都明, 例如佢會同我講百佳裝修, 要去惠康買野, 冒險樂園執左笠, 無得玩保齡球, 知道硯會噴水, 知道伯伯會係公園捉棋捉好耐, 呢d野, 返學點學?  

Lingfung813

我就係唔想返2間幼稚園嘅細路見報！所以呢班家長要三思！他們完全沒有想過孩子感受！！！

Happy_funny

some schools explicitly state that they will terminate the student's enrollment if they found who are studying in 2 school.

Support Support!!

creambun

小朋友出世就只係為讀書.........童年應是人生最快樂的階段, 結果只能在返學, 補習中渡過....

alovea

你唔好咁講，你也唔想見到，係咪？

Jane1983

Lingfung813 發表於 12-12-13 01:37
最後呢班返2間幼稚園的小朋友會....＂自殺＂
好快見報

甘又吾好甘講，小朋友好無辜！

Lingfung813

最後呢班返2間幼稚園的小朋友會....＂自殺＂
好快見報

阿豆豬

但係我仔唔訓中午覺，由九點幾十點到夜晚十一二點先肯訓，成日就係跑跳碰，我湊到無哂符，揾唔到全日，真係諗緊俾佢返兩間好唔好，至少等佢夜晚可以訓早d, 正常返d啊，我都怕佢辛苦，但我真係投哂降，佢好似行核能甘，唔會無電啊

minirat

只想仔仔可以有個健康開心的童年
其實要他讀2歲班已經令我覺得自己好殘忍

sallyksleung

cccbaby 發表於 12-4-23 23:43
其實呢個topic講過好多次，次次都有家長講長編大論去support 自己決定。我覺得完全係虐兒，握殺兒童權利， ...

但CY忙於大辯論，看來有排先排到

Toffee888

Nice sharing

SCKnight

唉，由一出世就要OT，仲要係俾自己父母迫。（有乜野research支持小朋友讀兩間KG會醒啲？）
我認識嘅成功人士如Steve Jobs，Bill Gates，Jack Welch都冇人係咁讀書法。

whychan777

原帖由 chongnicole 於 12-04-24 發表
做得出的家長係吳會因為一篇報導，或者其他人的勸告而改變....

深信不疑

chongnicole

做得出的家長係吳會因為一篇報導，或者其他人的勸告而改變....

whychan777

有家長認為返幼稚園大部分時間玩，所以返兩間無問題!

不過日日都玩，仲要玩完上晝+下晝，玩足5天！條數有冇計錯！

不過呢d家長好似著左魔咁，完全吾覺有問題！

karenbabe

我覺得一間已很足夠，再加少少佢鐘意的課外興趣班亦可，讀2間真的很變態，倒不如返全日班，起碼有休息時間

bearmimi

真係好折磨,,無時間有童真,無時間玩吓,真的可憐

cccbaby

其實呢個topic講過好多次，次次都有家長講長編大論去support 自己決定。我覺得完全係虐兒，握殺兒童權利，政府應打擊！