請問有無試過做自閉症評估出來的結果是沒有自閉症

cody2Amama

因我懷疑阿仔有自閉, 但老公又覺得佢好正常, 我排咗協康同政府做評估, 但老公又唔想去
唉! 孤軍作戰好辛苦, 其實我係呢個世界上最唔想阿仔有事既人

veroshea

回復 cody2Amama 的帖子

會唔會係亞氏保加??

idak

原帖由 QCutebb 於 12-05-09 發表
想問各位媽咪如懷疑仔仔有可能有自閉特徵，點可以排政府做評估？

去健康院時同姑娘講，之後會見醫生作初步評估，再寫信轉介你去專業評估，如果封轉介信上寫上有自閉特徵，千祈唔好唔開心，重要多謝個醫生，因為排期會快好多架！

淇淇0223

我仔又係成日打人周街拍人。見小朋友就會好肉更好大力咁㰖。係公園玩會重複㰖人好多次。現在2歲半了。一歲8個月時確診自閉症。我俾好多好多治療他所有別人話有機會進步的我也去試，由確診到依家已經進步了很多。唯獨重複打人㰖人咬人哩種行為我每日教到口水乾埋都無咩進步。。。！

idak

cody2Amama 發表於 12-4-23 23:47
回復 szeszes 的帖子

阿仔言語遲緩, 現在兩歲多, 返緊學, 但只有單字

我個女d行為同你個仔一樣, 做咗評估係有自閉特徵, 以家係協康做緊幼兒訓練, 改善行為, 之前去咗另一個機構做, 無時停及專注力有改善, 七月就去精神科驗血見醫生。 唔洗怕好似得自己一個人面對, 以家我老公見到個女有改善, 佢都會跟住我的教法, 我見咗咁多社工同醫生, 其中一個社工講得好好, 佢話你發現問題先係你聰明, 改變自己係容易過改變別人, 當老公見到我日日都同個女係屋企訓練, 每日都有進步, 個女坐定咗, 講生字多咗, 以家係老公提我七月去見醫生添﹗

apple~y

回復 why-me 的帖子

你小朋友係咪番主流小學??
學習情況如何?

why-me

"黃金期"只係D人搵錢其中一個手法.
我仔在6歲後學習進度比以前好, 所以6歲後亦可以進步, 唔好比"黃金期"嚇親:;pppp:

why-me

回復 apple~y 的帖子

每個A仔能力都唔同, 有時可能去到某一個階段有"平台期"但你唔好氣餒, 要繼續 INPUT 比佢, 佢地會記係腦入面, 終有一日會爆發出黎, 要記住:希望在明天, 永不放棄!

why-me

回復 QCutebb 的帖子

去健康院同醫生講並作初步評估, 如醫生認為有問題會寫轉介信, 排期去CAC見醫生.

fatpam

講真，我地每去一個訓練地方，同一個導師，小朋友能力唔同，見住各人進步好唔同。
不過一定係有幫助嘅，倒轉想吓，做左都係咁，唔做可能仲差，何況你點知而家做左教左既，第日會唔會佢用番出來，自己盡左力都算盡左責任。
我都好明白人地唔訓練都咁自然有進步嘅感受，人人命運際遇唔同，好似訓練咁，有無遇到合適學校，老師，教法都好講彩數！

QCutebb

想問各位媽咪如懷疑仔仔有可能有自閉特徵，點可以排政府做評估？

Olympian

其實某程度上我都認同。

囝囝3-3.5yr時，進步得好慢，亦可以話有點退步，屋企人同老師都有點失望，又唔知點解，我都教到有點迷失。但係之後個兩個月，突然間又進步得好快。

其實一定係有原因突然學得慢下來，只係唔知/唔肯定點解。但無論點都要積極教，因為係自己個仔，唔可以放棄。

pollybell

回復 apple~y 的帖子

絕對同意，什麼黃金期其實睇你點演繹，跟本好睇小朋友本身能力。

apple~y

回復 Olympian 的帖子

training 係重要,但小朋友本身能力都好重要
你小朋友有0甘大進步,係好好
我仔仔2age評估後,
即刻番私人s位,我都算積極,小朋友其間開始講單字,有好大進步,我以為見到轉機
評估之後都兩年幾,都好積極教小朋友,之後番政府s位,老師同我都好比心機幫仔仔
治療師,政府s位老師都話我小朋友自閉徵狀好輕微,私人s位老師,上門訓練導師話係發展遲緩唔係自閉
諗住情況不算太差
可惜現在4age幾都仲單字,詞語,對話,表達都無咩,最鍾意叫
真係好sad,好down
我0甘辛苦都係希望小朋友第日,可以出番主流小學
原來有0的0野,係點努力都無用,.........

好似我哥哥仔仔,2age時係無語言
其間只等政府服務,經濟問題,所以無番過私人訓練
只係平時多些同小朋友講0野
到現在(政府服務仲未有),3age都開始講到短句
巳經能力好過我仔仔,但我仔仔大人一年有多
真係好down,可能係命運
唔好意思只係想呻0下

pyalisa

原帖由 daddykei 於 12-04-26 發表
請問STEP 評估表可以係邊度download得到? 謝謝

http://www.step-hk.com/2010/publishing_OrderForm.html

個link 最下面嗰個

szeszes

cody2Amama 發表於 12-4-23 23:47
回復 szeszes 的帖子

阿仔言語遲緩, 現在兩歲多, 返緊學, 但只有單字

我仔都係有呢方面問題 (即係樣樣中少少), 保母, 親友及老公都係唔好接受, 成日話係性格, 而精神科醫生確診為: 非典型自閉, 要觀察到小學三年級 (半年回去一次跟進, 暫時醫生無任何訓練或藥物給他); 我仔主要係言語及社交弱, 與人討論及合作差些, 我就比佢返小童軍

你自己搵到你小朋友有自閉既三大問題, 總之自閉唔一定係好嚴重既, 有些只係一些小問題, 你可以在旁邊糾正下佢, 訓練下佢 或 幫助一下佢, 佢都可以與正常小朋友沒大分別的
言語方面: 言語遲緩
社交方面: 眼神接觸短暫
行為方面: 專注力低, 易發脾氣, 成日打人

你話唔怕痛, 可能連 "感統體" 果方面都有少少

你小朋友仲細, 真係唔好過左黃金期

信我啦!! 只要你肯比其他人花時間, EQ 及 心機, 同佢打開溝通果道門, 就會見到小朋友有脫胎換骨感覺的. 我仔係一個好例子

Olympian

回復 cody2Amama 的帖子

S位即係特殊幼稚園，裏面有語言治療師、職業治療師、物資治療師、幼兒導師跟進小朋友
E位係早期訓練:　一星期按需要比一兩堂訓練，小朋友可返主流幼稚園
I位係兼收位，即係主流幼稚園兼收一些較輕微的個案

都係政府提供的，坊間亦有私人S位

唔好意冇時間寫太多Details...

你評估完又有需要的話，醫生就會refer你去排呢d學位。
呢個亦係要早D做評估的原因，因為要排1-2年先有得讀。

daddykei

請問STEP 評估表可以係邊度download得到? 謝謝

cody2Amama

回復 Olympian 的帖子

咩係私人S位? 同我成日見人講E位, I位, 其實係咩嚟?

Jcmfong

............