好心人請幫幫忙 迷途: 派了S位, 但我個仔訓練老師話阿仔程

babecat1

本人小朋友剛收到信派了S...現時他4 YR 4 MTHS.....讀緊K2

但係訓練的老師說他其實已可去到I位

我上星期未知派位結果時, 打去問醫務社工, 佢話有D家長如果好似我咁既CASE,可以試下寫信比番評估中心, 同醫生講番再評估小朋友程度是否合乎所想要的服務....我呢個情況, 可以再幫我去排I位, 用番2010年8月30日個期排, 但因為而家已是大派位, 好多位無晒, 又重新排未知幾時有OFFER.......社工話要等25/4 後先知有幾多人ACCEPT晒D OFFER 先可以睇到我個仔係咪可以OFFER到I 位

唉......其實我諗過真係要S, 讀完一年我會有信心阿仔可以出番來, 再同佢搵番間幼稚園讀K3,因為佢而家只係自理,小手肌同埋脾氣差D, IQ冇乜問題, 但社交都係比同齡有少少距離, 佢係班中細仔, 所以有呢個情況

但係呢一刻,我真係好亂, 知道2-6歲係黃金期, 但又怕個仔入0左去, 佢本來既程度會唔會比其他小朋友影響, 再去讀番K3時又怕冇幼稚園收佢, 又怕佢比人LABEL......

真係好煩....不知有否同一情況MAMI/BABA 可以分享下....

litseed

我最後留返係現時I位, 因為亞仔巳經5歲, 只得一年服務, 如果接受s位之後, 我都會俾佢讀多1年K3, 不過到時要自己搵學校; 而家留係原校i位讀多1年K2, 校長好好人, 應承K3俾亞仔留低.

BKVIP

我地作為有特殊需要的小朋友家長，只能見步行步

babecat1

昨日去了評估中心, 與醫務社工傾談後, 最終都揀了s 位
bebe mama, 多謝你既分享, 我地都覺得不想錯過時間及機會, 到時睇下會否轉到i位/ e位, 但至少下年而家幼稚園校長話比個下午班位我個仔, 咁我都叫有d backup...希望自己努力d同阿仔做training

busy0114

My daughter is 4 years old now, she has the similar problem and got S on the coming August.  I felt sad and 1516 also upon I know the news.  She is taking private class at SAHK in Lok Fu, all the tutors said it is a good opportunity for her.  And the principal of her kindergarden also said it is good to have such a chance to have better fundation before primary school.  Good news is the principal promised to give let her in at K3, if her level can meet.  

Look around Hong Kong, there is no way we can offer such a condition : 1 teacher to 6 students and have different theraphy every days..... I will not shy to let my friends know that she has S on the coming August, because that is truth and as the other parents just said who knows what she will be in the future, maybe after that she could handle much better than the other when she is in primary school.

Best wishes for all parents ....

BeBe媽媽

好似我咁，如你仔細又派到s,我都會入，不想錯過時間及機會。
個人意見

BeBe媽媽

2011年8月尾到而家讀緊s，嚟緊9月就轉番I,因為用番舊號碼，所以派左第一自願。
當初學校報告都配合到建議轉I,3月見過評估中心見醫生疕都問我仲留唔留s,我話轉i佢地都無問題喎！

BeBe媽媽

我仔2歲幾讀左一年i位，唔係仔唔得，係無乜支援，由得佢遊雲，人手不足以應付我地既仔。最後k1而家讀緊s，雖然無乜個别堂比我仔，但始終老師1對6至8，溝通都好左，眼神好左，肯睇書，肯寫字，情緒都大進步（我唔敢包係咪個個小朋友都合適或學校夾唔夾？）

babecat1

回復 BKVIP 的帖子

今天分別到學校與校長老師面談 , 下午就和跟了我個仔2年的特殊培訓老師再傾

學校老師認為阿仔社交方面有問題, 因為佢成日同老師講話唔同小朋友玩, 我知阿仔唔識點樣一開始同小朋友溝通，第一眼見到陌生人就會過於熱情, 同埋有時會講d人地唔明既野
另外寫字方面, 老師話佢唔係寫唔到, 但一教d新字, 其他小朋友講小小就可以自己識寫，佢就要老師特別attention去教佢, 其實老師唔係講得好白, 我都知咁樣係會令其他同班小朋友少0左發問機會

最後我地問校長, 如果我地入一年special, 之後出番來讀番k3會唔會收, 佢應承話可以收番佢讀k3下午班, 下午班因為少學生揀, 相對老師可以多d時間睇佢, 校長認為佢要打好過底先升上小學比較好

最後係特殊培訓老師, 佢地知道阿仔派s位, 我話上年醫生其實評過阿仔可以揀i位, 但當時阿仔情況真係比較差,所以冇改choice......而家派0左s又擔心揀錯

本身訓練阿仔的老師在特殊教育方面有20年經驗, 曾經去過i位學校教, 她說i位學校好不好是靠彩數, 因為有時學校老師人手不足, 那位special老師要頂埋其他老師職務...e位就係好似我而家一個星期一至兩堂, 其他時間則父母自己攪掂

經過一輪討論及各方好友的經驗和suggestion, 我和先生應會偏向選番s位, 24/4 再要見多次醫務社工, 睇下派位情況

再次感激大家的分享, 希望真的幫到阿仔:

jessiechengkw

1) s 位已經收咗, 去會對小朋友好d, 始終早d比多d治療比孩子會更好
2) s位都會評估小朋友的能力, 如果你的孩子可以達標, 她們都會幫小朋友轉到合適的學位
我會讓孩子讀s位 (但我不知你孩子的能力)

litseed

babecat1, 你好, 我個問題同你差不多, 亞仔今個月就5Yrs, 而家讀緊K2 i位, 剛收到信有S位, 好迷茫轉唔轉S位, 早前參觀過S學校, 雖然話S有齊3T, 不過亞仔最需要係ST, 其他2T需要不大. 但S位接受言語訓練會同現時i位差不多, 每兩星期會有1堂半個鐘.  如果分別不大的話, 我想佢留返i位, 而且只可接受多一年服務便沒有了..................

babecat1

多謝大家的回覆及幫助

而家同學校及社工約見傾番問題.....社工話好在乎家長自己選擇.....佢叫我地可以重新排e位, 不要排i位, e位可能較i 位早有offer....睇到好多人reply, 我真係好感激, 希望揀邊條路好, 都是出路.....有新消息會告訴大家, 願互勉

BKVIP

我同樓住你一樣，S位收左，而讀緊的E位訓練導師就話小兒讀普通幼稚園+E位都可以，佢地話小兒最近都有大進步。

我同你一樣1516，好怕做錯選擇，因為依家收阿仔的普通幼稚園是區內頗有名氣，收生很多，放棄了就不可能再搵得返，加上E位訓練導師的建議... 但最後，我都是選擇了S位。

樓上有媽媽讀得無錯，最清楚小朋友的是媽媽，我寧願俾佢打好個底再出黎，好過出左黎發現追唔到又排返S，到時恨錯難返。如我接受S位，我有信心小兒1年可返出主流，到時再搵普通幼稚園+E，真係搵唔到先排返I位。

pinkdoll

回復 sunflower00 的帖子

你意思唔會再幫讀過s位的小朋友轉i位 但就會幫讀過s位的小朋友轉e位? 咁咪好唔公平, 況且e位好多人排緊隊 相對i位學位反而唔太緊張

我今天問過大仔的i位老師, 佢話學校有小朋友係s位讀過2年, 之後轉i位, 去咗佢哋學校喎.......不過我冇時間問太details既嘢...我細仔8月會入s位 我打算到時問清楚s位個主任

autunmbb

係s位年年都有小朋友轉出i位，轉得出去好多时都會係高班，唔明你講的評估中心唔再排，可以多講一点嗎？

sunflower00

回復 pinkdoll 的帖子

基本上,如果孩子曾讀S位,想在高班轉讀I位的機會比較小,因為評估中心唔會再將小朋友的個案再排隊,所以你的孩子轉讀幼稚園高班下午班再加早期訓練是比較可行.

Olympian

我會擔心多一樣野，就係個仔會唔開心。
4yr-old好多事情都已明白，又讀開一般幼稚園，可能會唔鐘意返特殊。一定要花些時間心思，令他明白及接受。

Capricorn2521

冇錯，你個仔係細仔 (即8月31日後出世) ，仲有2年可以享用服務。我個仔係大仔，用多一年就完了。

autunmbb

我都覺得最了解小朋友的是媽媽，小朋友讀緊普通K2，你覺得他追得上嗎？自理差d，又有幾差？不如咁問自己，如果佢keep住現在的狀態，讀普通學校，你又覺得如何呢？你對了其他同學仔都超過一年，我諗你點都睇到分別，如果唔係都唔會十五十六。

以我睇其他家長問的post，有人會選返普通幼稚園，心情可以明白，但係到了5歲還覺得有問題，咁可以選的路又會再困難好多。

你個小朋友係細仔，如果你accept個offer，讀左發覺都幫唔到個小朋友，都係浪費1年的時間，再轉i位可以讀番k3；如果發覺小朋友其實有好多野要追番，咁讀S位就最幫到佢，仲有2年比佢追番d野。

同時，你accept左個S位，早d約見S位的老師，同佢講你的憂慮，等佢地見下你個仔，問下佢地意見，再唔放心就自己比錢去見下心理學家做個評估，唔好只聽一個訓練老師的話。

pocoyo123

請問訓練老師是什麼的？　是ＯＴ，　ＳＴ，　ＰＴ，　不要只聽一個人說而去更改，　除非佢係醫生或心理學家，　坊間是有些商業機構為生意而為的，　聽多些人意見最好，　當初小朋友為什麼選Ｓ位，　相信家長最清楚，　今日小朋友是否已追到，　家長亦心裡有數，　可以先接受Ｓ位ＯＦＦＥＲ先，　小朋友已４。４歲，　再１５１６到頭來乜都排唔到，　浪費小朋友黃金治療期