我仔小一剛評估有學習障礙，好唔開心。

bigmagmag

我仔升小左小一之後科科都肥，連電腦都係，除左默書，每次都有90分以上。功課要我地跟住先完成到。上堂成日遊雲。加上佢有輕微言語delay.中文科同英文都好差。我成日被佢呢d問題困擾，攪到自己心情好差，開始同仔關係唔太好，打閙都試過。唉。。我都唔知點算。。唔識面對。。自己本身學歷ok...點解個仔會咁。我打算今年repeat,不過怕影響佢心理。有無人好似我咁。一齊share下。。支持下呢。

sunflower00

回復 bigmagmag 的帖子

媽媽，請不要灰心，孩子見到你這個樣子，心情定必難受。媽媽可以觀察孩子的興趣，看看他那方面感到有趣，鼓勵他嘗試學習或先以輕鬆心情試玩，提升他的自信心，對他的學習有一定的幫助。復活節到了，媽媽,爸爸就以輕鬆愉快的心情跟孩子到郊外遊玩吧。學習是重要，但身心的健康同樣重要呀。

kelvin_hmlau

重讀是否真的有用? 其實可唔可以嘗試觀察下個仔行為, 同訪問老師, 了解個仔面對緊甚麼困難(ADHD / 自閉 / 言語 / 理解 / 讀寫障礙等), 同老師商量對策. 就以我個A仔為例, 好多學習上的野都要由好基礎做起, 慢慢建立.

另外可以發展下佢的優點(運動, 繪畫, 音樂等), 你同佢都會開心d!

bigmagmag

唉。剛剛派左中期試卷，又係科科肥，心up到不得了。今次已經溫左好耐，諗住起碼有一科合格。點知。。。復活節都無mood放呀！把心一橫今年重讀一年班！

殷!!

回復 bigmagmag 的帖子

可會考慮比亞仔學游水, 有些小朋友從運動中取得認同, 增強自信!!

prmama

我哋呢度啲媽咪嗰嗰教細路都教到有血有淚，但哭過、痛過，就要鼓起勇氣，再次上路。現在最重要係你要先接受小朋友有這問題，如果連我哋做父母都不接受他們，你話其他人又點會接受佢哋呢？
其實，佢哋都唔想咁，係佢哋嗰心入面都唔好過，曾經上過堂，講員要我們在幾分鐘內抄寫一句韓文，那時我緊張，怕抄唔到，因為那是我不認識的文字，之後，講員話佢哋就是這樣，文字對他們可說就是這樣陌生，佢哋面對文字時就好像我們一樣，會感到害怕，所以多些從他們的角度去想，你就會對他多些了解，會明白佢多些。
我都係咁對阿仔，有時啲人唔明佢講嘢或作文，成日問我點解，我會幫佢解釋，次次都中point，我成日講笑話我係佢嗰翻譯。
父母讀書有幾叻同佢哋係無關係，放底自己嘅成績，多從他們出發，咁會輕鬆好多，努力，其他人唔會咁明我哋，但呢度嗰嗰都會明白，你不是孤單的，我哋有好多同路人，努力！！

autunmbb

bigmagmag 發表於 12-3-26 23:37
我仔升小左小一之後科科都肥，連電腦都係，除左默書，每次都有90分以上。功課要我地跟住先完成到。上堂成日 ...

有時係因為我地呢d有少少學識的媽咪，見到個仔咁就好難過。但係有時又會咁想，個仔係出面日日都面對咁多挫折同唔開心，返到屋企見到我呢個咁緊張佢成績的媽咪，佢都好辛苦～～

你的心情我好明白，最近聽d大個左的自閉症人士講佢地的經歷和理解人地的說話，我好有感觸～～ 佢話細個返學時老師同佢講，如果被同學欺負要同老師講，不過佢話老師無講欺負是什麼，e.g.老師無話比同學收埋筆袋＝欺負佢～～ 所以佢唔識同老師講，同學就繼續蝦佢～～～

小朋友有學障，真係好需要我地支持。每個小朋友都係自己長處～～ 加油呀～～～

baby_cat

有時我會想, 我阿哥小時讀書好差, 小學留左級三年, 中學讀到中二就無讀, 佢真係科科都肥架. 我都覺得佢有學障.

但阿哥之後去做廚房學徒, 做左好多年, 雖然做唔到大廚, 但就儲到錢, 買到樓取到老婆又生埋女, 生活都不錯.

我想講, 讀唔到書都不是問題, 放心.

殷!!

曾於一講座聽到一心理學家說 :
高EQ  才  有高 IQ, 當家長處於情緒高漲, 小朋友的情緒同時亦被帶於緊張,
試問, 此情況下, 小朋友如何可以或比較容易消化書本內容?

這已是3/4年前的講座內容, 但我仍常記心中....

學障既小朋友唔代表會失敗, 只要家人向正面看, 小朋友感受到愛和關懷
一樣可以快樂成長!!

http://www.hkedcity.net/specialed/

bigmagmag

多謝你呀！學校話要升左p2先可以見心理醫生，所以呢半個學期係要黎觀察。我都明白迫唔黎，至衰自己忍耐力唔夠。放工返黎已經好累，晚晚同佢溫書都係咁既成績，試過嬲到出左手，之後都好後悔。我係呢度睇左好多資料，我要快d接受現實，睇下有咩可以幫到亞仔啦。

殷!!

好明白你現在的心情....
我當時, 初初知道時, 心情打擊很大, 也問了很多為什麼, 很灰....很灰....
教仔過程中, 經驗比一般人更加多的挫折感, 親子關係破裂.....
但你要知道, 亞仔的問題, 必須要家人的支持才可改善, 你的不開心是過渡期,
當你重新思維, 一定可以幫助小朋友!!
坊間有很多書籍, 可以增加你對小朋友的管教方法, 你要努力增加正能量!!

另外 , 一些文章給你參考 :
http://www.swd.gov.hk/tc/index/site_pubsvc/page_cps/sub_946/