有沒有人用數碼琴練琴, 直到考到八級琴?

wanho

我知鋼琴比數碼琴好, 好多人都踩低數碼琴, 話佢唔好, 但我資金有限, 屋企又細, 衡量過可能要取捨吓。  我見有朋友的小朋友學到4級, 都係用數碼琴, D人話高級D就要換做鋼琴, 但有冇識人用數碼琴, 直到考到八級? 個數碼琴係乜質素? 大約幾錢?

marcuscyrus

miss321 發表於 12-3-28 13:39
我細個係住二百幾呎公屋，無廳無房一眼看得見，但居然仍可放下鋼琴同電腦一台。因無梳化無飯台。



  ...

我屋企都係細到無譜，琴放床旁，已經唔可以放到琴櫈，我是坐幾個枕頭來練的

miss321

我細個係住二百幾呎公屋，無廳無房一眼看得見，但居然仍可放下鋼琴同電腦一台。因無梳化無飯台。

pamelaywy

我一直都無回應呢個topic, 因為我知道每次講俾個仔用數碼鋼琴練琴, 就會一面倒俾琴老師反對.
我個囝, 正正係樓主所講, 用數碼琴練琴, 己經考咗四級, 打算來年考六級的人. 聽過不少反對聲音, 但人始終要面對家庭環境的現實.
在我買家中的數碼鋼琴時, 小朋友只是讀tom lee 的jmc 音樂班, 每次都只靠在上課時在琴行練幾分鐘. 經過幾番思量, 決定買一個 $8xxx的 yamaha 琴. 錢不是唯一的因素, 而是家中唯一可放琴的位置, 是一個窗台位. 如買直身琴, 會完全擋住窗台的地方, 亦頂著梳化與電視之間的位置, 數碼鋼琴卻只高窗台一點, 收琴後亦不阻礙.
當日不知道囝囝會否學琴下去, 只覺得這在自己能力承受範圍以內. 誰不知道每項東西貴有一定有其價值, 如果有能力, 不說說直身琴, 三角琴, 過百萬琴我都在所不辭.
說回兒子進度, 在學完音樂班後, 學琴進度很理想, 第一次考琴四級. 但由於我們家庭結構改變了, 為了各種原因, 將買的樓變成租的樓, 雖然家大了, 但幾乎每兩年都要搬一次屋. 要搬琴, 真的很煩.
再加上, 我們最近一次搬屋搬到一些舊樓, 琴要搬行幾層樓上樓, 自己不介意俾錢人搬, 都唔好咁樣辛苦人地. 搬一部琴又上又落咁多層樓. 所以, 縱然囝囝要考六級, 我們仍然用同一部電子鋼琴, 考試或比賽時再額外到琴室加練. 個人覺得, 在家有琴隨時彈方便, 而且在琴室練時, 又令他倍加專注, 不是一件壞事.
我未有資格回答樓主我囝可否用這琴考到八級, 但我們短期內真的不會買琴 (其實這數碼鋼琴也只用了三年多).
你問我,既然無能力, 何苦要他學琴 ? 但是, 看到他keep 住仍有興趣和天份, 為何那麼快就要放棄 ?

卓然

ROLAND V-PIANO 貴過真琴,質數好高 好耐之前在尖沙咀TL 玩過.

babybear

原帖由 哈比 於 12-03-27 發表
十幾年前, 我在 Tom lee 買咗 Yamaha Clavinova 大約$18xxx,
for 大人, 我覺得冇問題!

同意！有心學(學到咁上下)始終都要換番部鋼琴。
但對初學/又未知有冇真正恆心去學上去，用數碼琴也是一個選擇。

iamegg

依個係我以前回覆相似問題時嘅意見. 比你參考.

-------
電子琴基本上係只要㯲落去就會有音. 而彈電子琴嘅都偏向走流行曲路線. 綱琴就要講埋力度. 如果你有用過舊式嘅打字機, 綱琴就好比舊式打字機, 要用手指力先打到字. 細力D就淺色D. 電子琴就好似電腦鍵盤咁, 打幾大力打幾細力, 出嘅野都基本上係一樣. 但係大家都會出到ABCD. 所以視乎你要D咩. 當然, 打開舊式打字機嘅人打電腦鍵盤就一D問題都冇. 相反, 打開電腦鍵盤嘅就好難打舊式打字機, simply因為從來都冇訓練過力度.

係你個case. 我同樓上一樣唔建議因為方便而比囡囡用電子琴. 寧願比佢去琴行練琴. 四五十蚊一次, 一個星期我當你比佢練兩次, 一個月就400, 一年就4800. 好過立即買個幾萬蚊嘅琴(因為你未知佢係咪真係學得長). 租琴都係另一個好選擇. 你要考慮嘅係成本vs方便.

哈比

十幾年前, 我在 Tom lee 買咗 Yamaha Clavinova 大約$18xxx,
for 大人, 我覺得冇問題!

現在, 小女5歲, 用Yamaha Clavinova,練咗1年多,
剛考咗校際 grade 2, got 87 points..
for 小朋友, 我覺得好需要換部鋼琴,
問心果句, touching 真係完全唔同...
決定換琴....

consult 老師意見, for 初學琴小朋友:
option (1):  唔知玩幾耐, 提意買二手$2x,xxx 以下, 平平哋無咁傷
option (2): 買部貴小小, at least U3....

終於, 兩星期前, 換咗部U3 Silent, 真係好"正"....
晚黑彈, 都唔使嘈親人....

iamegg

其實冇話唔可以, 的確都係琴. 但係你既然提到有考試嘅目的, 我覺得就唔應該混為一談. 你要知道, 當你或你小朋友決定學琴嘅時候, 你地係朝住學樂器嘅路前進. 宜依個樂器, 係鋼琴. 如果唔係因為鋼琴, 其實講真你係唔需要考慮ABRSM或者Trinity嘅考試. 因為佢地嘅考試本身係沿住鋼琴嘅特性去編排, 去考. Classical music本身係冇數碼嘅成份.

我其實好尊重電子琴. 佢係流行樂好重要. 有幾多流行曲會用鋼琴? 所以根本就係一件唔同嘅樂器.

我唔反對因為唔同嘅原因暫時用電子琴去替代鋼琴. 畢竟鋼琴都係一件比較貴嘅樂器, 又‘阿訂'. 不過當你去都某一個level, 宜又想繼續向上挑戰自己, 係好應該好好諗下添一個鋼琴.

其實只有鋼琴係咁得意, 會有'代替品'. 其他嘅樂器就算幾貴都好, 都唔會有依個情況.

marcuscyrus

clarise_lau 發表於 12-3-27 15:24
當年我媽咪就慳慳埋埋 星期六日去人地度做鐘點 買左部 4千蚊既鋼琴比我 (佢真係好偉大 )
我部琴係好 ...

有時諗，就係以前冇，所以先會咁珍惜學習的機會
以前學琴，點會請咁多假
學校考試都係要貢出去學架啦

clarise_lau

當年我媽咪就慳慳埋埋 星期六日去人地度做鐘點 買左部 4千蚊既鋼琴比我 (佢真係好偉大 )
我部琴係好舊款 已經用左應該有五十年以上 係果D好矮身 開琴係推開 而唔係家下果D向上揭開
部琴用到我臨考演奏級ATCL 前兩個月先自己比錢買左部kawai大譜架

所以平既琴無話用唔到去八級 有心去學有心去練 同埋搵到個好老師 無話唔可能!
不過 學樂器係真係要用好多錢

marcuscyrus

wanho 發表於 12-3-27 15:13
想問如果係一部值幾千元的二手鋼琴能用到八級嗎？

我當年是用琴行的爛琴練習(有幾個key是聲都冇那些)，一直考到8級
8級後才買了一部n手大陸琴
我用呢部大陸琴考埋at
後來自己教才買部略有級數的琴

wanho

想問如果係一部值幾千元的二手鋼琴能用到八級嗎？

babybear

原帖由 Pui_Pui 於 12-03-26 發表
咁有冇邊款model 手感唔差,可以比我参考...thx

好似Yamaha Clavinova 系列某些近幾年出嘅型號手感都ok.

Pui_Pui

babybear 發表於 12-3-26 12:13
普通Keyboard, 同近幾年出嘅數碼琴嘅手感的確唔同(很舊款的數碼琴除外） 數碼琴能夠做到高音輕力，低音重力按下果種效果。 亦用不同力度，能output到不同層次嘅聲音。比一般牌子冇咁出名嘅鋼琴有得揮。

個人感覺用比較有手感嘅數碼琴都唔差！

咁有冇邊款model 手感唔差,可以比我参考...thx

babybear

原帖由 philipwai 於 12-03-26 發表
參考下: http://www.kawaius.com/main_links/articles/Why_digital.html

無意在此撐Digital Piano (因為BK ...

普通Keyboard, 同近幾年出嘅數碼琴嘅手感的確唔同(很舊款的數碼琴除外） 數碼琴能夠做到高音輕力，低音重力按下果種效果。 亦用不同力度，能output到不同層次嘅聲音。比一般牌子冇咁出名嘅鋼琴有得揮。

個人感覺用比較有手感嘅數碼琴都唔差！

hyatt

小朋友學琴有太多uncertainty, 提供一個基本的鋼琴這些在我們能力範圍的事情我會盡量去做。如果是我我寧可買個幾千元的二手鋼琴。

philipwai

參考下: http://www.kawaius.com/main_links/articles/Why_digital.html

無意在此撐Digital Piano (因為BK好多傳統琴老師), 不過請明白Keyboard同Digital Piano係兩種不同層次的產品, 不能以偏蓋全。

小孩子喜歡一種樂器就Go for it, 設備豐儉由人, 郎朗都係用星海牌, 學音樂, 最大開支其實係學費。我不希望小孩子有遺憾或借口。