香港靈糧堂幼稚園上小一

Twinboys08

請問你們有没有小朋友以前讀香港靈糧堂? 想知多點小一派位的成績. 你們的小朋友派到心儀的小學嘛?

Chrizy

其實我女兒現在也在LLC讀緊K3,眼見也有很多同學仔考私校和直資都有唔錯嘅offer,有赤柱聖士提反、大坑真光、聖加勒，高主教，救恩學校，聖保羅男校、港同、等等。學校課程的而且確係淺。所以要在外讀興趣班。
但其實養成小朋友喜歡返學嘅興趣也不容忽視，老師很有愛心，學校設施都非常以小朋友為中心。學校非常open,容許家長留在校舍看著小朋友上早會，令小朋友、家長很有歸屬感。小朋友部份上課時間是分組進行，有很多不同區域讓小朋友去選擇，比較多機會跟其他班的小朋友一起探索，學習，相處。間中亦有教小朋友做麵包，麵條，pizza，可以吃了自己的製作之餘，令小朋友明白不要浪費。還種小麥草，小朋友參與種植樂趣，輪著每天澆水，最後還可喝到自己種的小麥草汁呢！
我女兒原本較內向，唔多出聲，但老師也有持續update我關於她的進度。雖然我女兒只考入一間私小，另外兩兩間都waiting list,（大家都知道私小一到六，七月就會大執位，要扣門也不會太難）我都很開心，而且一D都冇後悔放棄Victoria,選了LLC。

ratafan

正確來說，小三開始要非常認真及努力，一分耕耘，一分收獲，打好個底才上小四迎戰，小四後真的十分艱深。小三是為小四作準備，小一小二只是warm up。幼稚園是遊戲人間，享受童年的時候。如果想小朋友有個畢生難忘的快樂童年，靈糧堂是不錯的。

PeonyComing

其實我都聽過D舊家長話平時俾多少少機會佢地寫字, 上小學冇太大問題, 我都擔心佢地追唔上傳統小學, 不過我有D小學老師朋友話P1, P2可能冇咁好, 不過上到P3開始唔係依賴食老本, 而係睇小朋友本身O既天資同能力. that means 幼稚園谷得好好未必反應其真正能力lor.

siumi

My daughter and son are now studying in LLC KG at K3 and K1 respectively.

I like LLC KG very much because its interactive and inspiring learning approach really trains up creative kids who love learning.  

It's true that the academic part is not as deep as some traditional famous schools, but I think that it indeed matches the age and development of our kids.  And it's also important for parents not to just rely on schools to teach, but also teach our kids (read, speak and write) on our daily life.

I heard from mothers of LLC KG alumni, and they also said that their kids can catch up quite well when they enter P1.  The most important thing is, graduates from LLC KG generally like learning.

I understand that quite a lot of K3 students have been accepted by famous schools this year.  

Hope the sharing helps.

fostermak

回復 Twinboys08 的帖子

香港或其餘三間靈糧的每一年的升小情況,你可以登入以下網頁睇下...
http://www.lingliang.org.hk/top.htm

其實派位跟讀邊間幼稚園無關,因為第一輪不論是否揀跨區或名校,純粹計分,即父母係咪校友,有冇兄姊讀該校或有冇宗教分或係咪首名出生子女,先有較多分...
第二輪係靠運氣...

至於話考直資或私立,因為四間分校的家長來源不同,取向也不盡相同,我二女在另一間分校就讀,班上的同學不論派位或考直資私校都算理想,有入英華,音小,KTS,香港華仁,九龍塘真光,軒小.,禮賢,st paul...

跟傳統那些催谷型,即K3已要默書串字的幼稚園比,靈糧可以話屬於淺,淺係英文方面,當然不能跟英普班果D相比,但中文不算淺,足夠小朋友應付小學一的,學校的課程屬於多元化,所以學術上的比重會相對較少,學校重視小朋友能力及主動性的培養多於填鴨式,其實對小朋友長遠發展是好的,始終上小學,家長總不能拖著小朋友走三年六年,總有放手的時候,靈糧的小朋友上小學初期可能會蝕一點,但起步慢不代表他們能力弱,相反只要家長從旁協助,小朋友一般都追得上且有不俗表現,我大女是靈糧舊生,在一間課程教快半學年的小學讀小二,小二下學期已教緊三年班英數,都跟得上,亦讀得唔錯,咁家長背後的支持不可缺少.....

我的看法是若家長打算讓小朋友升讀傳統或課程深,進度快的小學,最好在K2或K3學校功課量少,在沒有考試壓力的情況下,將騰出的時間多D和小朋友閱讀,加強他們的認字能力,或因應所讀小學課程,看看如何替小朋友銜接過度...

piggy-ma

回復 哈比 的帖子

靈糧是較淺的，谷+抄寫不是其selling point。

真是十分開心的3年，到小學能否收心專注是很個人的。

阿大有幸入St Paul (HV)，因她肯乖乖就範(即勤力)，小一已沒問題。加上靈糧學生較主動發問及參與，學業ok外還參加了一大堆ECA。家長日，老師還讚賞她可以應付忙碌的活動又保持成績。我覺得靈糧對啟發她處事靈活是有幫助的。

到阿仔入華仁，不妙！有距離！有壓力！還幸班主任好言鼓勵，否則我要哭了。追到今年小三終於可以呵呵呵:)

gloryglory13

3K???for am and pm class only?

Twinboys08

我都好同意靈糧嘅教學方式, 令我兩位小朋友好喜歡返學, 亦係我當初選擇靈糧嘅原因, 漫長嘅學習生涯, 我想對小朋友有個好開心嘅幼稚園時光, 只要距唔討厭返學同學習, 我唔介意幫距參加多D課外活動...但始終上小一都有一定嘅壓力...

Twinboys08

我都好同意靈糧嘅教學方式, 令我兩位小朋友好喜歡返學, 亦係我當初選擇靈糧嘅原因, 漫長嘅學習生涯, 我想對小朋友有個好開心嘅幼稚園時光, 只要距唔討厭返學同學習, 我唔介意幫距參加多D課外活動...但始終上小一都有一定嘅壓力...

vnghk0001

我舊同事個女讀緊k2, 聽佢講阿女每日放學都好開心，雖然學術上係比較淺，但學校比較注重小朋友身心發展，有好多活動可以參加，個人喜歡此校比好多機會小朋友表現自己，無形中可增強自信心，滿足佢地嘅表現慾，佢地雖然遲學寫字，但亦會建議家長多幫小朋友段練小手，其實到k2, 好多時家長都會另外報啲興趣班比小朋友，學校冇提供，父母可因應須要報讀以備考小一，應該問題不大，咁當然亦要父母自己想小朋友係方面發展啦。

iloveyoga

請容許我用過來人身份替靈糧堂講句公道說話.  小女在靈糧堂畢業, 有幸就讀傳统名校, 以我作為家長來說, 靈糧堂留給小女一個非常愉快的幼稚園生活回憶, 而且我非常讚同它的教學理念, 如: K1 K2不主張寫多筆劃的中文字, 因為小朋友的手部小筋肉還未完全發育, 也不用做三位加減數, 英文程度淺也不必多講.  但它令小女喜歡返學, 培養小女音樂感, 對身邊事物的好奇和求知慾.  還有, 學校在小女K3 畢業時, 曾经舉辦了一次為數數百人的中國內地旅行團, 可以想像到學校要動用多小人力和物力才可以做到的!

以我所知, 小女和她的同學, 在傳统名校就讀沒有出現追不上的情況, 我覺得最重要是家長在背後的支持和鼓勵.

PP_Couple

但係今年9月開始CWB靈糧就唔行學卷, 學費加至~$3K, 唔知課程會唔會深返D...

rainbowmagic

靈糧係淺的

myfanwy

咁我明白了。我都有朋友的囡囡在這間學校讀，但跟唔到課程，成日喊，真可憐。

哈比

myfanwy,

她很幸運，15分入咗聖心。

Twinboys08

多謝分享. 我都知靈糧係淺的, 依家我只有自己晌出面俾距學野, 希望幫補到 ~

哈比

朋友囡囡在靈糧堂畢業, 現在小學二年班...
當年, 考五間私小, 有兩間收咗, 一間係真光, 另一間忘記了..

朋友當年話, 靈糧堂有好多活動, 有家長義工, 家長要抽籤成功,
便可以一起參與, 小朋友好開心, 三年都開開心心上學...

上到小一 (朋友囡囡派得中西區某小學),
開學後, 囡囡超跟唔上, 日日喊, 好似白紙一張...
由第一個學期開始, 經常見家長, 再跟進...
朋友要返工, 唯有即找補習社, 日日放學去補習社做功課,
(開頭, 朋友每晚自己跟功課, 根本唔夠時間做功課和學生字)..
另再放學搵英文, 珠心算和公民...

旁觀者的我覺得, 個小朋友好可憐, 開心三年後日日喊,
同媽媽關係好差... 學校功課末搞掂, 仲要日日做公民.phonics, 學彈琴, voline , 游水..

唔好意思, 離晒題,

總之, 比我感覺, 靈糧堂係有愛心, 活動教學, 小朋友開開心心的幼稚園..
課程唔深.....
   

Honey

小一派位成績唔關讀咩幼稚園事, 關所住地區事。

好多小朋友考直資, 你去學校網頁會睇到過往升小一情況

Twinboys08

唉...係啦, 煩完幼稚園又將要煩上小一 !