英藝pn 收上午，但心有不甘，點算？

alice719

阿仔12／2010出世，in咗好多間都唔收，得九龍塘英藝收佢am, 本身見bk嘅comment不大好，但冇法啦，12月嘛，俾咗$660留位費，點知今日收到信話要俾上學期書薄費$2800+書包套裝（未計校服）$300=$3100，但上學期係指9月-1月，阿仔1月先夠2歲開學但校方堅持要我俾$3100仲話啲書本可拿回家溫習，點算好？

小寶貝兒

我女都係2010年12月細B, 我都交左英藝留位費, 不過係元朗校~

我果陣都諗過好冇比佢足2歲就返學, 不過面試既老師話12月返一返就放假, 唔係咁好, 不如2月先返~ 佢又冇講話1月返要比埋上學期書簿費喎~

summother

我囡囡係九龍塘英藝讀緊N班讀得好開心, D課程都OK深, 我個女仲好鍾意拎個書包攞哂D書出黍睇同做功課

careysum

寧願入YORK

man_0702

回復 阿早! 的帖子

我係大埔英藝~個職員姐姐好好人, 我仔仔2010年11月出世, 正常2012年12月先入學, 但佢話不如2013年2月入學, 就可以遲D先交雜費$2800~可以等到今年9,10月先交, 開學前一個月先訂校服~

alice719

佢話二月唔一定有位

giyim

其實12月不如遲一年做大B啦~ 我個仔係年中, offer亦都唔多~ 而家競爭真係好大, K1亦會一樣~ 即使心有不甘咁讀完英藝PN都未必一定K1轉到好 (雖知年頭同年尾既b真係相差好遠~~) 到最後可能都係出去repeat pn, 又一條數~~~ 同埋如果冇既, 我覺得到時再考返英藝k1, 應該都唔難入lor……

alice719

Thx ddung_baby, let me think think sin

ddung_baby

回復 alice719 的帖子

其實係我朋友個女考, 佢讀完英藝就直接考st cat 的 K1了, 也考了根德園都收了 , 後來佢選擇了ST CAT, 放棄根德園。佢個女係細B呀, 所以我相信英藝都不差吧, 起馬我朋友話啲程度其實深啲, 咁對考一些出名少少的KG應該有好處

giantkid

其實樓主諗得咁辛苦，有人話好，你又好似唔係好信，有人話呢間學校唔好，你又信晒。不如搵過一間自己覺得舒服又合理既，小朋友又讀得開心咪皆大歡喜。

每個家長會因應小朋友既不同需要，去搵一間合適既幼稚園俾佢讀，人人標準唔同，有人睇教學內容水平高低、有人睇收費、有人會睇老師既熱誠、有人睇小朋友在日常生活技能上既進步，我都希望搵到一間有晒以上要求既學校，仲要保證收細仔(我不喜歡小朋友做超大b)既黎讀..... 而我揀英藝讀pn 有我自己既原因，佢符合我既要求我咪俾小朋友讀。

樓主，不甘心就不要揀佢，因為如果再有對學校聽不入耳的訊息，你會更加後悔及唔開心，小朋友讀書姐，仲要係pn，仲咩要攪到自己咁大壓力。

alice719

請問ddung_baby, 請問之後考sc 係考pn定k1? 考到將來係直上k1定係要再面試？我要在我仔番pn前幫佢戒片嗎？

alice719

咁我諗好似好唔抵咁！佢一月番學，我估都有排喊，我諗一月佢都淨係喊加上唔到堂，大家覺得好唔好二月才插班？

cw36

樓主兒子是2012年12月才夠兩歲吧,即係話仲有大半年才會入學。但學校要求家長先付$3100。咁咪即係除了原先的$660,還要付多一點「留位費」囉。咁同佢地收12期學費無關係的。問題係學校不應該早大半年就要家長付$660以外的一切費用。你估學校有無違規呢？

CatEgg

giantkid 發表於 12-3-7 14:18
回復 alice719 的帖子

佢下學期係2月至7月中。

請問pn的功課係做咩架?

阿早!

我B都係12/2010, 又係今個星期六要交英藝上學期書薄費, 不過我應該唔交了, 因有另一個OFFER.

我記得報名果時佢有提過, 12月BB就2013年1月返學, 1月仲係上學期所以都要交上學期書簿費, 問我有無問題, 所以我知要交架...

giantkid

回復 alice719 的帖子

佢下學期係2月至7月中。

我小朋友係細仔，去年都係搵唔到幼稚園先讀呢間，讀落又覺得佢好好，especially 英文方面，認字、對答都很有進步。佢中文係普通話老師教，自己普通話唔係咁好，所以我都唔識答你佢學成點。老師方面佢pn 國際班有三個老師(外藉老師、普通話老師同埋廣東話老師)睇住，我睇佢d 班相大約22-23個小朋友。pn 班日日都有一至兩樣功課要做，見到小朋友係好認真學習。

ddung_baby

出生率高, 你好難等2月插班。點解你唔喜歡又報, 人地comment只可以信一半。
我朋友個女讀緊st cat, 之前係讀英藝PN的, 她的COMMENT係英藝的英文還深過ST CAT, 所以個女讀得好輕鬆開心，佢個仔係2011年1月B, 都打算咁安排，你個小朋友係12月BB, 同我個女一样大, 細B冇CHOICE, 你出年都會再考過好啲啦, 點解要心有不甘呢, 我未搬前都係諗住行我朋友條路, 讀住英藝先, 再考ST CAT.但係因為搬咗去唔到九龍塘咋, 我都不知幾羨慕。而家好辛苦先揾到間唔出名的比我個12月B讀, 我係你, 我即刻比錢。