買新鋼琴還是二手鋼琴好

hahacheung

有沒有人告訴我新舊鋼琴的好處和壞處,我想買二手鋼琴,又怕買的琴質量有問題,哪一家二手琴行比較好

拾仔

回復 philipwai 的帖子

我同學你個講法要讚你~

mandy_lee

阿女 6 級本想買 u1 hkd 58800 而家又想compare u3分期 78,800 and yus1 77,400. 邊隻好呢. 如果第2 時唔學邊隻trade in 收高d.

philipwai

回復 monchuBB 的帖子

這是很個人的選擇。
K8相對U1/U3，YU系則有貴有平，聽下就覺118同121好唔同，而且產地我不清楚。

yuhuikit

你是否說YU121? 定YC121 既新琴好??

有冇人可以比些意見?

我大女4-5歲, thx!!

monchuBB

回復 philipwai 的帖子

唔該晒!

咁又冇諗到咁長遠,講真,有幾多個家長可以決定仔女既職業,想係一回事,事實又是另一回事。 不過如果可以以音樂作為職業都唔錯呀,我指係可以養妻活兒果隻

另外考慮緊yamaha隻yu系列,個人覺得呢隻既聲音都幾柔和,低音比其他yamaha厚,呢隻係咪比K8好? 考慮得過嗎?

philipwai

回復 monchuBB 的帖子

呀, 寫漏左AS, 多謝指正。

有關K8 vs K8AS, 不如溫故知新, 問下用家:
http://www.edu-kingdom.com/forum.php?mod=viewthread&tid=2225837

個人就覺得D「特別野」係Marketing Features, 心理上吸引買家而已。再者, 到你的小朋友去到演奏級時, 他們的聽力已有一定修為, 到時他們會要求你換琴的了。那是happy problem呀。

反過來說, 你其實想不想他們以音樂為事業呢?如果問心都係只想佢地「玩下音樂而且玩得好」而已, 咁就「到時至算啦」! 舉個例, 小朋友分分鐘出國讀大學, 到時你賣左琴等四年再算啦, 所以我一直強調「resale value」。

monchuBB

回復 philipwai 的帖子

想問K8AS,其實果個AS(特定延音)學到高級會好常用嗎? 如果只係屋企用唔係去演奏，係咪唔駛去到咁"precise"?
因為原來柏斯果$3,000只係for K8AS, K8 係冇得扣...

fingers_party

hahacheung,

對鋼琴初學者來說，他們需要的並不是一個音色和層次有完美表現的昂貴鋼琴，而是一個音準、音色好和表現穩定的鋼琴。音色不平均、琴音不準的鋼琴會影響學琴者的聽覺，令他們會對音色、音準的敏感度降低，使用這樣的琴只會對學生帶來負面影響。

從個人、學生家長、友人和老師的經驗和遭遇來看，並不建議初學者購買二手琴。主要原因是購買二手琴存在很大的變數。首先要注意它的生產年份和鋼琴內的零件，若二手琴的年份已超過十年甚至二十年，就必須考慮到鋼琴的音準和穩定性會有倒退跡象。要檢查零件(如琴鎚，琴弦)是否很舊或有否被換過，有否受潮(發霉、木質變軟、腐化、剝落等)，還要知道它以往的主要用途(如練琴、出租、放在琴行供其他學生練習)、使用率及保養狀況。

要清楚分辨以上情況，必須對鋼琴結構有很深入的認識(如製造或維修鋼琴的技師、調音師傅等)，即使鋼琴老師或習琴已達很高級數的人，也未必懂得分辨鋼琴內的零件有否比換過。二手琴市場的經營手法五花八門，可更換的零件、琴弦的出產地和質素沒一定的保證，連琴身的註冊號碼也可剔走再印上假的編號(友人的慘痛教訓)。假設一個二手的日本鋼琴，裡面換上的是國內或次一級的零件，那還能表現一個日本鋼琴應有的質素嗎？如有相熟和可靠的師傅協助，購買二手琴仍是一個可考慮的選擇。總而言之，買二手琴絕不是貿貿然走進琴倉就行，除非您想賭賭自己的運氣。
對鋼琴認識陌生的家長，買琴前最好向鋼琴老師咨詢，多參觀不同的琴行，比較不同牌子鋼琴的特性、價格再下決定，不要隨便買。

至於何時需要換琴，則視乎學琴者對個人發展和音色層次上的要求。只要好好保養一部鋼琴，鋼琴很少機會出現大問題，一般亦可以應付彈奏八級的樂曲。但當學琴者級數逐漸增加時，對彈奏音色上自然有更高的要求，此時便需要更換一個更好的鋼琴了。價錢較昂貴的高質素鋼琴，擁有更全面、豐富的音色變化(對高級數學生尤其重要，不可忽視)，按鍵深淺有更明確和細緻的質感，琴鍵的重量、反應和敏感度亦比普通鋼琴優勝。
無論孩子學的是什麼，最重要的必然是為孩子帶來一個正確、健康和愉快的學習過程；破壞以上規律的任何決定，會令學習變得沒有意義。如只為節省金錢，最終對孩子的音樂發展帶來負面影響的話，價錢再便宜也是浪費(您總不會花錢害自己的子女吧？)；可促進孩子正面、健康發展的，則價錢昂貴一點也是值得。

hahacheung

回復 philipwai 的帖子

謝謝您的寶貴意見,因房間設計問題,入口處只有6ocm, 今天去TXX Lee, 佢地話可以拆咗,再裝

philipwai

回復 hahacheung 的帖子

理論上, 係冇問題嘅, 因為有時三角琴都要拆開搬。
琴膽是一整體的, 平常拆不了。要拆只係把外殼部分, 如腳、Keyboard等拆開再裝回。

不過, 實際上, 要看搬琴師父的拆裝手勢。
因此一定要搵專業搬琴的公司。
最後就靠調音師Tune好它了。

不過話時話, 拆左隻門(不拆門框)一般都夠位入(24吋), 除非你的琴較深啦。

hahacheung

回復 philipwai 的帖子

房間門口不夠大, 拆左琴入去再裝回去, 會有什麽分別, 琴行的的人説冇分別,但我唔為係好信, 有冇人知道有咩唔同

philipwai

回復 Mandy74 的帖子

假設品質一樣, 我會作純投資比較, Resale Value品牌大過天, 一定係Yamaha。

如果有D朋友始終對KAWAI有偏好, 我會考慮K8多過K7, 因為柏斯有Trade in offer, 爛琴可以當$3000收, 有著數。

有一個銷費心理問題想同大家分享下, 睇下有乜得著:

你買iPhone, 冇人會問你為乜而買。但如你買任何Android Smart Phone, 如Samsung/HTC, 就算功能上如何優勝, 一定有人問你為乜唔買iPhone。

買Yamaha U1, 應該冇人會多言的……

這就是品牌價值, 我選擇了接受, 因為是血汗錢呀(未問買, 先問賣)。

當然, U1又真係好琴一台。

hahacheung

回復 katmama825 的帖子

katmama: 你朋友在哪一家買? 能告訴我嗎? Thank you!

hahacheung

回復 babycoming 的帖子

你在哪一間琴行買的, 請話我知,我一定唔去, 謝謝!

babycoming

千萬不要在二手琴倉買，我有親身經歷，呃人的！

hahacheung

philipwai: 多謝您的寶貴意見, 我本來也是想買U1的,新琴係貴左小小,舊琴又唔識
選擇,看來還是要買新琴.

philipwai

其實買琴同買車一樣, 你識貨就可以搵到又平又正的超值野, 不過有如此實力的人, 一般都會成為二手琴倉/車行的老闆。

因此, 一般人最好買新車, 仲要係Benz, 因為質量有保障, 原廠同非原廠維修又多選擇, 仲有二手市場。

我一向只向客人推薦Yamaha U1, 仲要叫人直接去TomLee碌卡分期。因為:
1. 分期唔覺貴(講真iphone貴好多)
2. 學琴係長線投資, 買琴都係。
3. 如果子女停學琴, 賣出去大把人收。
4. 如果子女好學得好, 你更加唔會介意當日買靚野。

另一種方法, 就係買隻二手琴, 最好係琴行用開嗰D教學琴。至於二手琴倉就同二手車場好似, 有好多古惑方法, 如偽造Serial Number、合拚零件、濕水翻油……,普通「善男信女父母親」撞上去好易買錯。

等個仔女考完五級, 確認有心有力去考上去時, 再買隻貴野陪佢一世都未遲。

記住, 郎朗當年都係用星海牌學琴, 你個仔女又叻佢幾多先? 小朋友初學琴, 重點係練手指而唔係耳朵, 琴鍵好反應比琴聲好聽更重要。