日日掛住打機, 真係好激氣.

Ahling2004

現在管教小朋友真係好似過五關斬六將. 一浪接一浪. 永遠都有事等父母煩惱,頭痛及解決, 為父母真不容易.
亞仔依家又沉迷打機, 真係看在眼內好心痛又心急.  又唔可以太過大聲及嚴肅叫佢唔好再玩, 只可以在旁邊等機會去勸佢唔好太沉迷,要知道讀書緊要, 要懂的分配時間.... 今年都F3了, 讀書好緊要架, 成績又唔係好.  口頭上答我: 知啦, 我有溫書架....  但日日見佢好似好忙咁, 一邊打機,一邊溫書, 點會入腦呀, 真係無哂辦法. 雖然一到晚上11:30我地已關上總制, 但佢都有PS機. 點算好, 幾時才知醒, 有咩方法可以等佢唔好太投入? 真係好頭痛喔.  

Ahling2004

講到連我都覺的自已好長氣, 好煩了.  既然咩都講過, 試過, 佢都係任意妄為, 我都無謂再講落下.  等佢自已開HILL, 等呢個過程快的過, 等.....  

142526

回復 Ahling2004 的帖子

今天是假期,本來好平靜, 但又係因阿仔打機不守時 , 叫極都唔停而閙咬,電玩真是害人不淺.

Ahling2004

日日打機的後果已出左來, 成績全軍覆波.  
最激氣就係, 佢總要死撑, 又話差1,2分靠平時分拉. 總要聲大大.  
完全都唔覺有問題, 總要覺的係我地錯, 唔了解咁.  
C6聽完總要話我唔冷靜同佢對話, 根本C6自已都好嬲, 但點解要將所有的野都由我去承擔.

Ahling2004

係呀, 我依家都學習用呢個方法. 大家硬撞又真係無用, 又傷大家之間感情.  不過都唔知點解亞仔對身邊的人及事都很冷淡及漠不開心, 完全只係企在自已的立場發表自已的意見及態度.  我地教又教過, 話又話過, 都唔知幾時才明白人與人之間相處是亙相包容, 體諒....

kilykilyk

Ahling2004 發表於 12-6-21 09:45
前幾日聽了鄧"海"霖小姐的親子講座, 真係好中我的心: " 依家青少年係多功能少年 " -  我接受呢個POINT. "對 ...

佢話唔知去邊,你試下同佢講晏小小可否打電話比佢??如果佢叫你晏啲打比佢,到時你先問..可能佢無咁燥~

Ahling2004

回復 gigivinda 的帖子

係, 我回頭一諗都可能係咁原因. 只不過當時我真係頂唔順佢的語氣.  因為佢次次都係咁, 出左去才SENT MSN 通知我出左街, 出左街又唔講幾時回, 下下都要追問:幾時回. 佢又覺的我地煩.  咁佢可唔可以企係我地立場諗下父母的擔憂.

漫長的暑假又來了,  我地又唔係屋企, 又擔心佢成日出街跟同學上綱吧或其他唔好的事, 依家呢個年紀最易受人影響, 再加上佢又無咩自制能力, 唔管下真係好易行差踏錯架. 你話我擔唔擔心呀.  其實我地要求好清晰,都有同佢講過好多次: 媽咪唔會反對你同同學仔出街玩, 只要係正經. 要過你要垣誠同我講: 去邊及幾時回來屋企就OK. 但係佢次次都好忍瞞, 怕死我唔比去, 就做個籍口或發下爛渣對我.   或者係某一方面佢自已覺的: 我講咩, 你地都反對啦.  但事實唔係咁, 係次次佢有咩正常出外活動要求(由F2下學期開始),我都SAY YES. 但佢都係一唔合心意就用咁態度對我地, 真係好痛心.

gigivinda

Ahling2004 發表於 12-6-21 09:45
前幾日聽了鄧"海"霖小姐的親子講座, 真係好中我的心: " 依家青少年係多功能少年 " -  我接受呢個POINT. "對 ...

"點解自已無理先, 總要用咁的態度對父母"

我都在學習中。不過，旁觀者清，我覺得你仔認為你不了解件事就怪責他，一開始就“質問”他 “點可能咩都唔知”，所以就生氣變無禮貌。　我不是說無禮貌是對，不過現在的青少年出街真是沒有ｐｌａｎ架，因為可能是同學約的，連同學自己都只是出左去先算，而你又窮追猛打，咪唔想同你溝通囖。

Ahling2004

前幾日聽了鄧"海"霖小姐的親子講座, 真係好中我的心: " 依家青少年係多功能少年 " -  我接受呢個POINT. "對佢地要: 不鬧, 不恐嚇,不打,不囉嗦." -   但係行動起來又真係有小小困難.  這是需要雙方配合才可以達到大家和平階段.  好似前日咁, 個仔放假係屋企, 當然好多節目了-約同學仔出街玩.  我不是不贊成佢出去玩, 只係要求佢出去時要交待去邊, 同咩人去, 幾時回來.   點知個仔十問九唔知, 咁我就話: 點可能咩都知? 個仔突然好大聲答我: 咁真係唔知嗎.  總係好惡,好大聲.  我又答: 做咩咁大聲答我呀, 自已做野無PLAN, 總要先聲奪人?  跟住個仔又好大聲叫:  係呀, 係我先聲奪人呀.  彭! 就把房門關上.  
那一刻, 我真係好心酸, 好無耐.  點解自已無理先, 總要用咁的態度對父母....   

ckm327

所以我堅持屋企得一部電腦lor
除咗要上網做功課外....
哈哈...根本上全程都係我打...變咗佢冇得打^^
佢要求過我買多部電腦...我就話冇多餘錢買呢XD
同埋已經有做乜要買多部呢~
又話同學屋企起碼有兩部以上喎><
哈哈...咁同學成績咁好...你又唔跟1跟佢 XD
要買你就自己買...讀飽書咯...賺到錢咪買到lor

Ahling2004

個仔尋晚無中中同我地講: 如果可以控制下自已唔好打機就好啦! 正常聽左會好開心. 不過我都聽左好多次, 次次都得把口講, 無行動, 有咩用.  但我都係要表示我係鼓勵/贊成佢要咁做.  都就來考試了, 總係度發白日夢, 日日關係房上fb, 打機, 睇漫畫. 總好似時間永遠為佢而停留咁....

Ahling2004

教仔女係一項好大的挑戰性, 比工作更幸苦.
除了腦心勞力之外, 總要反思再反思.
不斷進取,不斷尋試. 142526 + Chitch... 你們千萬不要理別人的說話, 只有你們自已最明白自已做緊咩.
係屋企的媽咪就會把個仔教的聽教聽話? 呢個唔係必然架.
每個細路仔都唔同, 唔可以一概而論.
做家庭主婦又好, 做全職媽咪都好, 只要大家係出自負責任的去教個仔, 我相信無人會比我地更偉大, 係唔係.
凡事都有對與錯, 好與壞, 真係唔好太介意別人不中聽的話.
反而大家可以諗回轉頭, 我們可以將心中的疑問及不快一起拿出來講下, 討論下已經係一個好媽咪. 因為我地真係想教好自已仔.

正如我本人咁, 點解會開呢個題, 就係因為我個仔就係一個極之反判的青少年. 我一直都覺自已係失敗的媽咪, 但咁點嗎, 唔通要放棄. 我真係唔忍心. 唯有邊學邊做, 邊撞邊試.
小朋友係個體戶, 佢要成日係房打機,沉迷綱路世界, 唔肯讀書, 我們做父母好心痛, 好心急. 但又如何? 唯有係找機會去勸, 唔可以拿條繩綁佢出來, 因為佢有佢性格.
慢慢來, 總有辦法的.
我最近去多左圖書局, 試下係書中去了解下青少年的心態及做父母的不足之處.
你們都努力, 去探討下, 真係可以舒解到內心的不安心情, 總會發覺到: 原來個仔總有的救架.

142526

回復 chitchatmommy 的帖子

HI Chitchatmommy :
多謝妳的關心, 呈分試後 , 拉鋸戰仍然未停過!但老公是出多左力去同去玩, 但去到學業方面,我地都企到好硬,測驗黙書一定要溫習後才可以打機.
早幾日佢竟然拿了我給他擇袋的錢去買點數咭,真激死人!!

chitchatmommy

回復 142526 的帖子

完全明白你的情況。我初初轉做全職媽媽時，已有很多親朋戚友同我講，咁你一日咪好得閒？你一日係屋企做甚麼？咪好悶？即使現在過了幾年，依然都會咁問我。我真係好唔想理佢地，將心比己，我自己返工時，都唔會咁樣同其他全職媽媽的朋友講嘢。
同你一樣，佢地總覺得，我哋全天候教仔，一定會教到佢地讀書好，品德又好。總覺得這是理所當然的。如果結果相反，就一定係阿媽的責任，因為邊個對住仔女最多時間？咪阿媽囉，所以又係我地嘅問題。有時真係好辛苦，好辛苦，吃力不討好，唔知點做好。
一家唔知一家事，每個家庭都有自已的問題，個啲所謂專家的說話，可用來參考，但不代表照版煮碗就能解決所有問題，如果係咁，每個家庭都唔會有問題子女出現啦！


唔好意思，唔知係咪我miss左，請問你仔仔早前的呈分不快事究竟是怎樣？無論如何，你先生現在開始能瞭解你的處境，已是一個好開始，希望大家繼續好下去。

142526

回復 Ahling2004 的帖子

HI !chitchatmommy & Ahling2004:

我亦是全職主婦, 最初願意放工作 ,主要是希望可以親自照料家庭 , 但傍人總會問為何不工作?為何不請外嫞?為何這,為何那?有時連老公也加巴嘴問為何...最令我無奈是朋友們會說:喂你就好啦, 妳現在一對一教仔,實教到好啦 , 開頭我不懂怎樣答佢地 , 現在學精了 , 我會話係呀!我個仔係未來特首呀.無嘢講啦.
而老公有段時間也不滿意我的教仔方式,認為我做得不好 , 但經過早前的呈分試的不快事件,他也明白到 , 教仔不容易,那些所謂專家所講的, 只供參考, 不能盡信.

Ahling2004

完全贊同.  我地做亞媽的真係盡心盡力, 有些人唔知頭唔知路亂咁批評, 呢些才真是無教養. 大家都要知道, 小朋友會長大架, 唔係每日都聽父母教, 佢有朋友,有思想, 有佢世界架.  係, 我地認, 點解人地會教個仔好好, 但我地都係用心去教, 但教到激心激肺.  唯有可以謂係我地用錯方式及方法.  每個人都唔同, 真係唔可以一概而論.  邊個家長唔想自已個仔又乘又聽話,讀書又叻.......

chitchatmommy

Dear 142526, Ahling2004
唔好意思，借個位來呻下，點解有啲老公總係咁？我C6閙我，話個仔學晒我啲衰嘢，我就駁佢話你咁識教仔，咁點解唔見你教得好個仔？佢就閙番我，話我轉移視綫，而家係要講我教仔的”問題“。

我知C6番工辛苦，但我地做全職媽媽的（要返工的媽媽更甚）一點都不輕鬆。C6有時放假在家，都會同個仔嘈。我事後同佢講，你返工都有得行開下，可憐我地日日對住啲仔女，壓力有幾咁大？氣都無得抖。我咁講，係想佢體諒下老婆，我以前都有返工，點解我選擇唔著靚靚去返工，要留係屋企洗厠所做家務，仲要比個仔激到死死下？

個仔唔鍾意叫人，又鍾意同人駁嘴，有時返到阿爺到，佢啲姑姐都會比說話我聽，說邊個邊個的仔女被父母教到好乖，父母是子女的鏡子等說話。聽到呢啲說話真係好唔開心，覺得自已好委屈。我承認，父母是子女的第一個榜樣，我敢講，凡是盡責的父母，都會向子女灌輸做人的正確態度。但隨著子女成長，他們會受朋輩影響，他們會有自已的思想，他們會有自已的堅持。那我們能否一概而論，子女所有的行為都是一手一腳由阿媽教／搞出來的？

最後想講，無論如何，子女都是自已的，做阿媽的始終不會放棄他們，唯有以無比的愛與包容，繼續走下去！

只希望身邊的伴侶和親人多點體諒，多點理解我們。

Ahling2004

回復 142526 的帖子

個仔14歲就來15歲, 年年母親都係不冷不熱. 我會忍唔住係幾日前會講笑咁問佢: 母親節就來啦, 你有咩表示呀.  得到答案係: 無喔. 我自已都有大把野要買.  聽左入耳, 個心立即冷了一半之餘總好唔開心. 點解佢會咁冷漠呀?  其實我一心想加深佢的節日觀念, 唔係需要佢份GIFT. 就算佢講聲: 母親節快樂! 我都好心滿意足.  但佢偏偏係咁. 過左2日又係以講笑方式, 忍唔住又提佢, 佢就答左句: 睇下到時買盒布甸比你啦!  點知到左母親節前一日, 佢真係買左比我吃. 我真係好開心佢真係記的. 雖然買左回來都係冷淡, 但最起碼佢知節日的意思.

所以, 我作為家長其實真係好茅盾, 一方面覺的個仔日日激心想激死自方, 又怪自已係失敗的母親; 一方面又認為亞仔又衰唔哂, 最起碼都有些表示.  因此, 各位家長, 大家定些來, 希望在明天; 只要大家有個完整家庭, 相信個仔唔會差到邊. 至於讀書問題, 都唔係我地可以控制到了.  亞仔成日同我講: 讀書講爆炸力架, 如果我想爆一定得架. 我聽完又覺的有理由.   希望各家長好好去領會下. 大家努力,加油, 不要放棄理念, 明天會更好.   

Ahling2004

回復 gigivinda 的帖子

絕對同意. 越緊張佢, 佢越唔自在.  做父母會越覺的激氣當得不到任何FEEDBACK時. 所以依家要試著放低對佢期望, 順其自然吧.