不怕駡,怎麼辨?

Heima04

剛回校取成績表, 老師說小兒個性活潑、好玩、不專注, 經常在課堂上週身郁, 無端端企起身, 常被罰無小息, 對責罵已無感覺。
他已經P2了, 性格反叛, 常對我們說話冇反應, 經常要將說話重覆2,3次或用很大聲勞氣才有回應, (他聽力肯定無問題)經常考驗我們的忍耐力, C6有時都會忍不住對他體罰,(雖然知道錯方法)。
為了改善, 都曾與他上學習行為心理課程及親子課程, 期間都有小小改善, 課程完後又回復。
都唔知點才令他認真D, 專注D, 唔想時時都要勞勞嘈嘈。

like_travel

Heima04 發表於 12-2-22 14:37
回復 carcarto 的帖子

小孩最喜歡試練大人的底線 !

Heima04

回復 carcarto 的帖子


我一向都平心靜氣同佢講, 但佢就是要你好勞氣才聽, 有時又好似好D, 有時又好似同你鬥氣咁。

Heima04

回復 黃巴士 的帖子

那個課程2個為期半年, 已用了5位數字$, 有單獨, 有全家, 已完。

黃巴士

Heima04 發表於 12-2-20 12:05
剛回校取成績表, 老師說小兒個性活潑、好玩、不專注, 經常在課堂上週身郁, 無端端企起身, 常被罰無小息, 對 ...

如果課程有成效, 何不CONTINUE........

carcarto

回復 Heima04 的帖子

其實我仔都有你們講的情況，不怕打，不怕閙。我試過大聲咁閙他，雖然他會停一停，但轉頭又嚟過。所以我就改變用坐低同他慢慢傾的方法，點知又好似幾有用。現在我會儘量先控制自己的情緒(因為好多時他激到你真係好嬲)，然後慢慢同他傾。

Heima04

我就係知道駡不是好方法, 但講極C6都唔明, 淨係覺得佢果套最對。
但有時佢哋倆個又玩得好埋, 踢波,捉棋等都有, 呀仔都好開心(因為唔會鬧佢), 但一叫做功課,温習, 佢就抗拒佢呀爸。

囝囝mama

回復 Heima04 的帖子

次次駡係唔得架!!!習慣佐唔怕老師,我老公駡囝囝都唔會成曰駡,將來解決問題都會有唔好影响,傾向駡人方法解決,有樣學樣,將來对呀爸態度都唔好!!用番溫和方法,叫老公同囝囝一起玩多D,游水,踢波,捉棋,增進感情!!!同囝囝親密D,佢都乖
巧D,駡囝小啲啦!!!!小朋友升中反叛期,就無彎轉!!!!擁抱佢多啲!!小朋友心靈開心D!!!

Heima04

回復 囝囝mama 的帖子

我老公都話呀仔蝦緊我, 而家都係佢一唔聽, 我就話會告訴佢爸爸, 佢仲即時發脾氣, 有時都激得我爆發, 大聲駡他。
我冇在呀仔面前話我老公, 除非他太激動時出手打佢,我才會勸他, 我呀仔就非常怕佢, 有時C6話教佢做功課, 未開始已經喊定先, 話唔要呀爸教, 要我教, 當然又冇采佢, 又一頓駡後開工。 有時出街後回家, 我要到其他地方買嘢, 叫C6先帶呀仔回家, 佢即喊話要跟我, 不肯跟佢呀爸。
我已跟C6講佢地這樣的關係, 呀仔再大啲就唔會采佢架, 佢話佢都係駡聲長大的, 冇問題噃。
最幣呀仔在學校唔怕老師駡, 我都有問老師要不要社工介入, 佢又話唔洗, 只要教他聽老師話。(唉!我叫到就唔洗煩啦!)

囝囝mama

回復 Heima04 的帖子

我都有駡,我老公都有駡,我老公較惡,我有抱吓囝囝,吻吓佢,讚佢,現在小駡一点了,教仔又時温柔又時要惡一点,你囝囝蝦緊你所以唔怕你…….老公駡佢不要當面話老公,之後同佢傾,其實佢願意做衰人比佢做啰!!! 囝囝知你唔惡,佢唔乖,你話比你老公知等老公教導吓佢啰!!!唔怕你有大靠山!!!!那些年,,我們都時駡都大的

Heima04

回復 miffy 的帖子

我仔唔知係咪比人駡得多, 尤其係比C6駡, 坐得唔好又駡、做功課玩筆又駡、做得太慢又駡、唔專心又駡, 我已多次勸他不可經常用責罵的方式教仔, 但呀仔又都只是怕他, 對我平心靜氣的勸告無反應, 對佢呀爸的責罵才會做, 我跟佢呀爸話佢這樣的方法只會令呀仔愈來愈反叛, 但佢呀爸話我這樣屬於縱容佢, 不對的要令他即刻改, 我都唔知是不是我的錯, 呀仔只會對我地大聲呼喝才會做, 有時我教佢做功課時要他改正, 他反而好惡咁喝返我, 我覺得責駡的方式不能令他改善, 但衣衣哦哦佢又好似唔多理, 都唔知點教好。

Heima04

我都知閱讀效果好, 但唔知點至增加到佢對閱讀的興趣, 已經常常到圖書館及到書店買書, 每次都是他自已選的書, 但每次都是睇倆睇, 無好有興趣咁追看下去, 好多時都要我捉住他一起讀, 咁佢又好有興趣咁睇, 但要他自己自動自覺去追看的, 就只有老鼠日記, 但一本睇2個多月都仲未睇完, 好羨慕有很多家長的小孩會書不離手。

囝囝mama

回復 Heima04 的帖子

介绍你睇一本書 ( 好媽媽勝過好老師)  內容幾好經過書局望一望!!!有一同二集!!!!

囝囝mama

回復 Heima04 的帖子

一個小朋友要讀咁多年書!!對文字,知識無興趣,理解力弱,小朋友都幾慘!!!

Heima04

公民是數學及中文, 你們都說得對, 我都正考慮緊取消公民了, 爭取時間閱讀, 但他的中文字實在寫得慢, 故花在功課時間很長。

囝囝mama

回復 kc1016 的帖子

他是否喜歡吃甜的食物!!!如果小朋友食得太多甜的食物,會好容易興奮!!樽庒纸包飲品都是!!!!如果有時間去多啲公園玩去游水,打球!!如果小朋有自己時間,可能上堂會定啲!!!不要打遊戲机,睇電視好心散.出街不要玩电話遊戲,睇書專注力最好!!!父母配合最緊要!!!努力努力!!!!

囝囝mama

回復 Heima04 的帖子

公民是中文還是數學?