有兩位小朋友的媽咪, 揀學校時, 會考慮細佬ma?

Carelesswhisper

我都係一女一仔. 我地target一線天主教"齊"校, 姐姐20分入吾到一線天主教女津校, 入讀了九龍一線天主教女私校. 弟弟15分當然無機會入讀一線天主教男津校,  入讀了一年私校後, 有幸插班入讀一線九龍天主教男津校! 其實好睇你target邊類學校, 有冇膽去搏, 如果搏吾到, 要讀私校/直資, 你是否OK等....Good luck!

PWHPOPO

我就係一對姊弟,家姐當年考小一,弟弟就考K1。我也計劃了:若家姐考到好的女校,一定比她讀,弟弟就讀民生(已考到);若家姐考不到女校,就讀男女津校(第一輪已入到)。最後家姐考不到,就入了津校就讀而弟弟也沒有讀民生了!今年弟弟剛考完小一,弟弟考到一間直資男校和培正小學。

shirleyysy

我都係一對兄妹，哥哥今年選小一，但我無考慮過妹妹，若然哥哥可憑自己實力入到好嘅直資同私校，妹妹都應該到時憑自己的實力去考學校

七點半

回復 wwting 的帖子

我有一仔一女...女兒剛選小一....一直以來我都觀察倆姐弟...發現他們各有不同...姐姐肯坐定定...亦比較有耐性做功課...相反弟弟能力上是不及姐姐...所以我都幫家姐博一間比較好的女校...雖然, 今年要頭痛如何幫細佬仔選校...但我都覺得如果他們是不同...就不應為細的要大的遷就!!!

karen55407

回復 Belle3 的帖子

我會用二十分博跨區心儀天主教學校，唔得就到統一派位時博本區校網心儀學校，即沙呂。為了安全起見，最好自行分配時揀間二十分機會較大的為上策。

wwting

我都是有一仔一女,家姐上年叩門,叩到一間天主教女校(有直屬band 1中學),到了8月尾時,有另一間男女津校通知收(直屬中學是男校),我和老公商量後,決定家姐讀返女校.因為不想為咗細佬,而要家姐放棄入一線學校的機會.今年細佬考二歲幼兒班,間間學校交報名表和面試都人山人海,有時候都覺得有少少後悔和驚(因細佬報咗4間幼兒園,2間rejected,1間waiting,最後只有1間收),幼稚園已經咁大競爭,到幾年後考小學又要同人爭位!但諗深一層,家姐而家小一讀咗一個學期,學校校長老師好有愛心,她非常喜歡返學(試過同我講想留在學校過夜唔返屋企,因為好鍾意學校!),我都覺得冇為家姐選擇錯!其實兩個小朋友有不同的性格,家長應該為他們選擇合適的學校,凡事信靠天主,衪必定為我們安排.希望各位家長都能為小朋友搵到合適的學校.

chanwendy

cherithlai 發表於 12-1-20 09:50
如果好多人都有20分，就要抽簽，所以要考慮到20分都唔係必入。

我講呢間係二十分必入, 十五分要抽.

Era

我都係一仔一女,哥哥當年都係主要考男校,津校就係男女既.結果係區內間男女校入到.而又考到一間男校.我地最後係決定哥哥去男校,妹妹靠自己啦.因為唔想唔俾機會哥哥入更高一線既學校.妹妹叻既,一樣可以考到好既.而且兩個人好多野都唔同,夾硬放去同一間學校,亦都未必適合.
到左今年,競爭真係大左好多,去到邊間面試時都係人山人海,果時真係有諗過,如果哥哥當年揀左津校,咁而家就好舒服啦.不過最後妹妹都考到有合心水既學校,所以我地都係諗下啫,冇真係後悔到當年唔俾哥哥讀男女津校既.
你係天主教徒就更加應該相信,佢地一定有合適既學校會一早預備俾佢地既啦.

Belle3

karen55407 發表於 12-1-19 20:29
有二十分唔用去博十五分無可能入到嘅學校，即白白浪費了二十分。沙田出九龍塘讀書大有人在，既然要博叩門入 ...

Sorry, 唔係好明, 即是妳建議我誇區申請天主教小學?  那如第1輪自己收生唔得, 咁第2輪我應該填咩學校 (自己區的天主教小學唔多得).

cherithlai

Belle3 發表於 12-1-19 17:56
我都是一仔一女的媽咪, 也是天主教, 但在沙田比較好的小學都是基督教, 如沙呂, 一呂, 培基等, 咁我的宗教分 ...

舊年9月去聽沙呂簡介會，新任校長講到明，要係自行、甲部同乙部都揀佢地第一，呢d叫做誠意，咁樣至有得扣門。

cherithlai

chanwendy 發表於 12-1-19 12:34
我就避開晒所有女校, 只諗男女校.  咁我仲有自己校做 back up, 今年自行 20分都抽到, 如果將來細佬考唔到家 ...

如果好多人都有20分，就要抽簽，所以要考慮到20分都唔係必入。

karen55407

有二十分唔用去博十五分無可能入到嘅學校，即白白浪費了二十分。沙田出九龍塘讀書大有人在，既然要博叩門入，不如博自行分配同統一派位啦！況且，未必一定叩到嘅，你可以揀間二十分有把握啲嘅。

Belle3

我都是一仔一女的媽咪, 也是天主教, 但在沙田比較好的小學都是基督教, 如沙呂, 一呂, 培基等, 咁我的宗教分仲有冇用?

咁如果我想用這宗教分, 你地会在第1輪誇區去選其他區的天主教小學嗎? 因為如首輪誇區揀小學, 入唔到的話, 第二輪選校時也只能選同區的, 如沙呂, 咁萬一又抽唔中去叩門, 咁沙呂会不会覺得我冇諴意?  咁是否唔應該選誇區

magiccandy

我大女時又考女校又報男女校，可以兩面同時進行，考到或派到再比較和考慮，亦要因應子女的性格及喜好去決定。有些男女校程度和校風都幾好，而又可以煩少d，保障細佬。來年的競爭真是愈來愈激烈呀!

chanwendy

我就避開晒所有女校, 只諗男女校.  咁我仲有自己校做 back up, 今年自行 20分都抽到, 如果將來細佬考唔到家姐學校或其他學校, 都仲可以以 20 分入返自己母校.

四隻貓

回復 karen55407 的帖子

你的說法也很有道理.
我要再想一想.
多謝你的分享.

PIG1031

karen55407 發表於 12-1-19 09:23
我是過來人，我的情況和樓主一模一樣，當年我一意孤行為大女博女校，成功咗。細佬來年考小學，我會為他以十 ...

Good!
I will do so too!!

Good luck to everyone!!!

karen55407

我是過來人，我的情況和樓主一模一樣，當年我一意孤行為大女博女校，成功咗。細佬來年考小學，我會為他以十五分博二綫天主教小學當後備，再考私校和直資，最後會叩門天主教一綫津校。我沒有後悔為女兒揀女校，校風好和學習氣氛好，唔多唔少影響到細佬，而且我覺得家姐唔應該被細佬剝削他就讀好學校的機會的！

IRK

我都有對兄妹，莫講話小一，淨係k1轉唔轉都令兩公婆煩好耐。不過我地都傾向哥哥有運仔既話同妹妹再戰江湖，即使妹妹各方面發展暫時都比哥哥爭好遠........