讀好中文科從可入手~

chidy

小女,今年小一,今次,第2之考試, 中文又比上一次差,上次錯的又再錯,,基本上中文科份份卷都差左,真係擔心3月個考試成績又再差,寫作卷錯漏百出,,仿作,擴寫錯到離譜,填充都錯一大半?都唔知有無睇清楚大地問咩,聆聽又錯成半,中文都聽唔明,唔係掛?? 我拎住佢份中文卷都唔知講咩好,唉!!我打算叫佢去公文式學中文,因為小二開始會用普通話教中文的,我怕到時重差,但公文果邊都有同我講要升左幾級先開始教做句,遲就遲d好個無啦~所以無人教佢之前私都要努力一下,可能我不懂教佢啦~都唔係佢唔努力,所以想問一下大家有什麼好方法教佢同有咩地方學中文科好, thank~

小豬嘜

一定要多睇書呀. 其實你可以買些冇咁多字既公仔書俾佢睇下先. 慢慢再轉些多字的書. 少字唔緊要嫁! 開頭係要培養下閱讀既習慣的.
我仔今年小3,測考都會有9字頭的. 我覺得係歸功於閱讀..

kkhon

常做練習操練真係有幫助，今次派了試卷幾部分的成績我都滿意，唯獨是聆聽仲未得所以對總分有少拉低左，普通話聆聽有咩方法可提升？

囝囝mama

回復 kkhon 的帖子

vincher

沒錯！tsa害人不淺！記得以前小6，老師會為我們打好基礎上升中，默maths terms ，而家淨係操tsa & 中一入學前模擬試！

Hengying

多閱讀，多寫。

Hengying

想學好中文一定要多閱讀。

hello_mimi

我個女d中文又係嚇死人, 我P1開學join 左Kumon Chi, 11月比第一次exam既中文成績嚇死, 之後請左個補習姐姐專攻中文做exercise, 平日每晚我同baba盡量陪做exercise及深入認裡面d字, 仲有睇圖書"我自己會讀"系列, 希望慢慢能夠明天會更好...呢家d野真係深到無朋友

讀左4個月kumon chi, 5知有無成效...但暫時5會放棄...

gracedolly

小一的中文差，一般是因為認字太少，閱卷時太多不懂的字詞，或答錯，或拖慢答卷時間。
所以我囡剛兩歲，已開始教認中文字TT

Heima04

小兒也是中文差, 小一下學期開始返公文中, 但至今都未做到寫作及閱讀理解(快一年了), 只是聽普通話及寫音標, 但小二中文進度快, 呀仔至今都是很多字都未能寫出(認字還可以), 故此請勿對公文中太大期望, 都是多閱讀及多做閱讀理解比較有用。

小偉b

講真，中文真係要浸出來的，讀多D，寫多D，答題唔好甘大意都唔會差得去邊。我仔仔中文都OK, 主要都係中意看書浸翻來。

wu_winky

睇多點圖書最有用

chidy

呢幾日好忙,唔得閒上網,多謝大家意見.我和c6昨天決定讀公文中,不過起碼要一年後先寫作及閱讀理解,不過起碼學好普通話先都好,因為小二開始會普教中,好擔心到時成績重差,所以學定普通話先. 考試成績佢第一次8x,今次70....... 好怕下次得5x-6x.....呢幾,日日捉佢做練習,每次做2張8-10題左右,家課就要佢做完讀比我聽,睇書平時真係無時間..假期可以試一下睇,佢自己都知道今次考得差,所以叫佢做練習都無再嘈話5做,最大問題其實係真係無時間,佢4時左右回到家,但8:00,最遲8:30就要上床訓,攪到佢好忙.

嫦娥一号

每天閱讀！曰子有功無速成。

fanwong29

小兒所讀的學校"小一"都有幾個網上普通話閱讀練習(每天)可做,對他認字,發音和作句都有幫助。

BPris

Hello parents of P1 student,

Knowing your experience above, may I know how can I help to improve my K3 kid's Chinese before getting into primary school this Sept ??
Except for reading and doing more exercise book, what else shall be done to help ??
Despite of learning Mandarin, would attend those Chinese centre course help at all ?

Appreciate your precious advices.


Many thanks.

kc1016

回復 mamee 的帖子

我無火, 只係得覺好唔"底",不過佢能收拾心情再完成其他已經係好叻.

明天仲要考數同常, 所以都要多題點同叫佢唔好擔心, 其他好D都有機會足番少少.