係咪一定要讀幼兒園?

lovebb^^

下年年頭出世 一有出世紙就要報？

cms_carol

救世軍, 保護兒童會呢2間都有育嬰, 托兒服務, 所以好多人一有bb就會去排咁解...  
同埋2歲返PN班真係太細.... 好易病... 因為身邊好多朋友d仔, 囡, 返左PN班後, 成日病, 同埋學校假期都多... 除非屋企有老人家或者冇人湊小朋友先好搵PN班...如果唔係, 不如搵d 好既playgroup 俾小朋友上仲好.....  

aloha_samuel

我個囡係大b,所以我會俾佢讀幼兒園,如果等幼稚園先入學,已經係3歲半,好似大咗d,因為佢而家21個月已經好學,成日都要拎d書要我讀俾佢聽,所以決定早d俾佢番學,學習吓群體生活都好呀~

藤媽

taverny 發表於 11-12-21 00:27
冇法例規定一定滿三歲入學喎~ 唔讀幼稚園都可以架~

下! 真係架?! 屎火囉，sorry 教錯路

Lovely_Babybaby

我都報過麗港城間保護兒童會,
一歲報都得.
除救世軍外,我都唔係好覺邊間係要一有出世紙就報.
之前新聞話有D未出世都要報定,
但實際係邊間我都真係唔多覺有.

taverny

藤媽 發表於 11-12-20 11:47
法例規定小朋友滿三歲就一定要入學。

PN (幼兒班) 係俾兩歲既小朋友，讀唔讀，家長自己決定。

冇法例規定一定滿三歲入學喎~ 唔讀幼稚園都可以架~

梅媽媽

你等bb出左世睇吓自己教唔教得點先決定吧, 大部幼兒園都係每年九月後先開始數生,係樓上講過既兩大機構 先咁早排隊.
  你有一年既時間考慮到底自己使唔使揾人教你個b,還是自己教已經足夠.

lingan

唔一定要讀幼兒園，如果真係要一出世就報，我所知除左救世軍之外，好似"保護兒童會" 旗下果d 都係有出世紙就報得。讀同唔讀睇家長同埋經濟條件啦，2歲返學其實好易病，而且都幾sign錢架，因為好多時病左又唔返得囉。

cycream

唔一定要報pn/n1. 不過自己教/上playgroup同pn/n1都係有分別. 始終pn/n1成個課程都有系統,教得全面d啫.

Lovely_Babybaby

如果倆公婆要番工,最好就比佢讀PN,
一來唔駛咁悶,二來又可以學自理同紀律.
仲有就係,PN 有直升位,K1唔駛又要爭餐飽.
如果K1先考,好多位都預留左比PN 學生.

菠蘿媽媽

我唔想亞囡成日留係屋企對住姐姐咁悶, 所以先報.
不過, 真係幾貴. 好似好個囡咁, 因為係細B, 所以大部份學校都唔收, 我又唔想佢咁細個盲舟車勞動, 所以唯有讀附近嘅國際學校囉... K1再轉!

藤媽

法例規定小朋友滿三歲就一定要入學。

PN (幼兒班) 係俾兩歲既小朋友，讀唔讀，家長自己決定。

讀N班可以有好多唔同既原因，例如：

1) 要搵人幫手湊小朋友
2) 想小朋友學前適應一下
3) 學紀律，自理
4) 有利日後搵幼稚園既部署

但同樣都要考慮家庭經濟，因為一般N班都幾貴，又冇學卷。

另外都有部份幼兒園係一出世就要報定，我知既有救世軍。但唔係間間都係咁，你可以先了解自己想報邊間然後睇下幾時開始報名。

珠氏家庭

應該要讀!!!

karenbabe

n班唔一定要讀架
有小部份d村校幼兒園一出世就要報, 因為佢地係先到先得

mandycml

lovebb^^ 發表於 11-12-20 10:38
下年年頭出世 一有出世紙就要報？

其實PN根本唔一定要報﹗就算係名校既PN,都應該會有個報名既時段﹗

只係如果你想去D名校既PLAYGROUP，就真係一出世就要報囉﹗