各位媽媽會揀國際班定主流班?

man_0702

如果心儀既幼兒園主流班同國際班只差幾百蚊學費, 主流班一日只得15mins英文堂(外藉老師教), 國際班會英普教學(由外籍miss同北京老師教)

你地會點揀?我c6因為外國流學回港, 佢可以同老師流利溝通, 相反我就麻麻地。

平時仔仔會由我講廣東話, 爸爸間中英文, 姨媽全普通話(台灣音), 你地覺得我可以點揀?

vnghk0001

如果屋企可以支援到二文三語，我會揀國際班，但一定要係屋企再另外教廣東話發音，其實普通話可以打好中文底子，為將來寫作打底。

Lovely_Babybaby

我之前報N 班都係揀主流班,
我睇過D 書話三歲前應該比佢學好母語,
因為這是基礎,能掌握好母語第日學外語就更得心應手.
但香港競爭大,國際班係比主流班受歡迎的.

sarubuta

我覺得你們家有合選國際班的語言環境, BB本身都會明兩文三語, 你揀主流班同國際班都可以, 但冇人可以幫你揀, 因為睇你想小朋友點發展, 唔係差果幾百蚊邊樣底買D的問題.  

我自己就鐘意主流班, 唔會揀國際班, 因為我認為沒有必要兩歲人仔就學煲冬瓜, 同時學好廣東話同英文兩個非常不同的語言體系就已經唔簡單

留意國際班上堂唔會講廣東話, 小朋友讀中文書都會用普通話，如果在家唔教佢用廣東話讀字, 小朋友可能望住個字唔識用廣東話讀，我總覺得廣東話比英文難學, 方間大把外籍老師教英文的班可以上.  同埋小朋友先學好的語言(1st language)會係佢將來思考時用的語言, 咁你想小朋友第一語言係邊種? 如果係廣東話, 就不應揀國際班