老師好似唔CARE 家校關係點處理？

lu_zhounew

小兒現就讀此間幼稚園PRE-NURSERY班，學校令我滿意的是教學方面，全英文，教學覆蓋內容都幾多，唱唱跳跳好多，小兒就讀2個幾月來，已經識唱幾首英文歌，英語發音都相當標準，明顯非我地教出來的。

但個班的主任老師，我就唔太滿意，好似唔CARE，每個小朋友有個HANDBOOK，但我個小朋友的HANDBOOK成星期成個月都冇老師一句評語，老師每日只係簽個名。所以由開學到宜家，我完全唔知小朋友係學校到底點樣！我嘅小朋友系HAPPY型小朋友，無論遇到咩事，佢都話開心，日日問佢係學校開唔開心，佢嘅答案永遠係開心。我問佢有冇小朋友嚇你啊（因為我嘅小朋友係老實膽細型），佢話有。再問佢咁你點嘛，佢話喊咗。再問佢咁你係學校開唔開心，佢話開心！所以我覺得問佢係冇咩大用嘅。究竟係點樣，我真係想知道。於是第一次留言請老師打個電話俾我，老師第二日好快覆電話。第二次留言，老師就冇覆電話。咁我就主動打電話問老師，其實我都不想煩到老師，只係一個月打一次電話，但係老師嘅回答好似好敷衍咁，He’s Ok, He’s Fine, He’s a good boy. His performance is just as good as other children. You can expect from him what you can expect from other kids with same age. But, 到底係點，我都係唔知。我係新手媽媽，可能對小朋友比較緊張點，又冇經驗，但係成日黑濛濛唔知小朋友嘅情況，真係感覺唔好。

所以想請教下呢度嘅家長們，有冇人都係咁樣情況？我應該要點處理呢？

marcuscyrus

原帖由 lu_zhounew 於 11-12-9 14:55 發表
聽到媽咪們咁講，我就放心喇。第一個小朋友，我緊張咗啲。多謝多謝！

其實幼師真的好忙好忙，所以唔係唔care 家校關係，我諗有時真係冇時間做咁多

lu_zhounew

聽到媽咪們咁講，我就放心喇。第一個小朋友，我緊張咗啲。多謝多謝！

BBG1

no news is a good news

Cutemom0808

"小朋友的HANDBOOK成星期成個月都冇老師一句評語，老師每日只係簽個名。" 好多學校都係o甘。我想老師真是很忙的，一班這麼多小朋友，小朋友冇特別事就唔會揾你，留番家長日至講呢

2Fats

我反而會覺得學校/老師唔打比你其實即係無問題, 又話者問題細到跟本唔值得騷擾家長.

如果你好擔心, 或想了解多D, 可以打去學校搵老師. 又或者留番家長日同老師講. 除非小朋友有傷or有唔對路, 你就真係要擔心都唔遲.

同同學鬧交/打少少架, 呢個我會視為正常成長過程, 只要老師適時介入, 有正確引導, 呢個係好好學習成長機會.

唔好太緊張, 唔好成為"直昇機家長", 呢個亦係保持家校關係其中一個重要原素.

原帖由 lu_zhounew 於 11-12-9 13:45 發表
小兒現就讀此間幼稚園PRE-NURSERY班，學校令我滿意的是教學方面，全英文，教學覆蓋內容都幾多，唱唱跳跳好多，小兒就讀2個幾月來，已經識唱幾首英文歌，英語發音都相當標準，明顯非我地教出來的。

但個班的主任老師，我就唔太滿意，好似 ...