救世軍荔枝角幼稚園好唔好?

irisang2007

如題, 因為我見有好多人報!

sarubuta

救世軍荔枝角幼兒學校?  

這是一間很好的學校, 我姪女由N1讀到N4, 已畢業, 現在一官校讀小一, 完全沒有適應問題, 測驗科科都九十幾分.  我自己個女都排緊佢N1, 上日去學校的課程簡介會, 校長更說現P2 的畢業生, 上P1 時有3個分別在自己小學考第一.  當日有好多小朋友做示範, 甚至由他們帶家長參觀學校, 很impress.   

這校老師超有愛心, 當初開學不久, 學校所有人(校長, 嬸嬸, 老師包括沒有教她的老師) 都能叫出小朋友個名.  

學校行蒙特梳利, 沒有固定坐位, 好多時坐地下, Eng 教phonics, 主題活動教學, 好多outing (但不一定要家長陪), 好似個個主題都有, 好似主題係Chinese Food, 會去學校附近酒樓飲茶, 主題係交通就會去坐peak tram 同 star ferry, 參觀機場...好多好多, 多到數唔晒, 仲有得去睇音樂劇, 動態清明上河圖, 年年都有得去海洋公園, 仲有試過去海洋公園上堂.  

常常有發報會 (即小朋友做presentation, 有時係唱歌, 有時係話劇,...), 有時中文, 有時英文, 仲會請家長去睇, 我都睇過我姪女的發報會, 覺得佢o地好叻, 同埋感覺到老師很用心教小朋友.  

N4 六月畢業禮後都要返學, 就轉上小一模擬課程, 上到八月, 有默書測驗, 可能因為咁, 姪女完全明白小學係點, 上到小學沒有適應問題, 佢仲話小學好開心, 問佢鐘意邊科, 佢話科科都鐘意.