羅定邦中學好嗎?

mama2878

請問有家長可提供大埔羅定邦中學的評語嗎?這所中學校風好嗎?

zhuzhu

Their cooperative learning is quite good !

huihu1

一句公道說話，我本人係08年畢業的羅中學生，小學畢業於孫方中小學，成績屬BAND1頭學生，到頭來，我會考咪又得10分。
但你問我，我唔會賴學校唔好，唔關學校事，係自己放學成日出夜街學壞無心向學，由中三開始一份功課都冇交過，上堂長年訓覺，老師都冇晒符，唯有當我透明，只要求我唔好打擾同學同埋影響上堂教學就OK。
我果年會考都有同學三十分，十八至二十幾的都佔好多，但好似我咁四至十分都有，但我中三開始唔聽書，淨係靠中一二個底都可以會考有10分(中文同英文C)，可想言之其實佢D教學真係唔差。
題外話，佢地好多野都小組形容去做，學生可以在個冇乜壓力既環境之下學習，返學應該會幾開心。氣氛亦會比較輕鬆，學生自然會易D融入學習環境之中
D人成日話佢幾年前校風較好，學生較乖！依加會收BAND3學生又點？想當年我係BAND1頭學生，咁又點呢？我08年果屆三十分果個學生都係BAND2生黎咋！咪又係會考三十分，睇你自己小朋友有冇心向學架姐，與其理佢多唔多BAND1,2學生，不如盡存力唔好比你仔囡學壤仲好！
其實講真的，當年有份教壞我的朋友仔，有幾個係讀莫壽增，BAND1頭都有人唔讀書做黑社會啦，讀莫壽增咪仲壞過我羅定邦，所以我覺得揀羅定邦根本唔係一個問題，每間學校屆屆都有幾個學生特別曳架啦，樹大有枯枝，正等如警察都有黑警一樣。
我身為家長亦明白家長想比最好自己子女既心態，我可以話比大家知，羅定邦絕對比到個好既環境你地子女，大家還是擺多D精神在管教自己小朋友度，唔好比佢學壞先緊要.

masterunion

我問過2個小學校長加2名小學老師都話佢唔錯, 自我增值中... 對學生關愛唔係ONLY 死谷的...係踏實型.. 上次展覽同個同學傾計都印象唔差..

如果我唔係遠.. 一早入左紙..
除非我搬先掂

vincher

上年，兒子0既老師、校長叫我切勿選！
兒子0既補習社很近該校，補習老師也說不行
同事兒子讀緊，說精英班可以，但……(不過他是F4，可能只知幾年前ok)
所以，自從它由英中轉直資，口碑每況愈下
這是網友0既意見：「如果你小朋友可以入到大埔or沙田的band 2頭中中, 如胡忠, 救恩, 孫方中, 咁就未必要入羅定邦, 因羅定邦當年是band 1津校英中時, 會考成績都差過校恩, 甚至圓玄二中, 而家轉直資後, 聽講走咗好多老師 , 亦無法收到band 1生」「羅定邦有收Band 3生。」
你0既小朋友band 幾？