本帖最後由 xshowerx 於 11-12-17 13:13 編輯
我是Year 1EN的家長, 我當初選擇LA就是認同他們的辦學&教學理念-就是不要一切以學習知識為首要，而是人格全面發展為主導。當初副校長interview問我地期望小孩每天做幾耐功課，我同我先生異口同聲講越少時間越好，因為學識幾多嘢對小朋友唔系最緊要，因為世間知識無窮無盡，跟本無可能在學校學到全部，最緊要系培養學習態度，保持童真和好奇心，將來系任何情況，工作崗位都有能力&動力(motivation)自學最新嘅嘢。
我地仲同佢講千奇唔好好似其他直資學校咁，辦學幾年就因為各方壓力而開始變質，首先加深課程，跟住増加測驗、考試頻率，然後開始逼小朋友讀死書，最後在見家長日比壓力小朋友及其家長。副校當時向我地保證就算幾困難都好、一定會堅持理念。時至今日，上半學期過去，要定論學校是否成功實在言之過早、也對他不公平，但也可作個短期評估。
看到LA仍是堅持 1. 不加深課程、不增加功課，學習仍是多方面發展，不刻意地拔苗助長而影響他們對學習的自信。 2. 不將學生的成績互相比較，增加不必要、太早熟的競爭心態而扭曲了正面的學習態度。 3.小朋友沒有太多規條約束，可以自由奔跑，不用打鐘就要企定定，保持了小孩應有的活潑動力，雖然我個仔因此而成日跌損菠蘿蓋。 4. 老師，office哥哥姐姐，甚至校長都尊重小朋友，唔會擺款，我個仔前日見到校長，佢叫校長Mr.Fung. 佢手拿一推自己主動要比校長及其他老師的Christmas cards,然後話: [Mr. Fung, this card is for you, can you give these cards to the other teachers?] 有幾多學校的小一生有機會見到校長，有勇氣同校長講嘢，仲要對校長提出一些要求?自小就能松容面對權威，大個就有自信不卑不亢做人。 5. 老師，office哥哥姐姐，校長都關心小朋友。我個仔個班Ms Liz，我每次提出個仔系學校的問題，例如開學初期適應問題，上中文課比同組小朋友蝦，佢都即時幫我個仔跟進，解決。雖然我夜晚放工後8、9點直接打電話比MsLiz投訴，佢都樂意接聽。Bythe way, 學校比每個homeroom老師專用手提電話，就系方便家長隨時有重要問題可以直接搵老師傾，我覺得校方好重視家長。
所以如果LA因為種種原因而去改"善"現在運作的基本模式及辦學方向，佢會令我非常非常失望及遺憾。我會好痛苦，好后悔信錯副校的承諾! 我將會被逼為個仔轉校，轉去其他非常貴的國際學校或私，呢個會系我極之唔想見到會發生的不幸事件。
最後我非常唔願意提嘅關於學唔學到知識，因為有新家長非常擔心選錯學校，後悔終身，所以都要講一講。語言英文課程比中文強，我個仔能夠自己閱讀每日派回家的reading和練習紙，reading是外國買回的質素幾好的教材叫Reading A to Z, 是跟能力漸進的，我個仔個班已經睇緊大約十頁故仔，每頁大概3-4段句子。佢地完全系自己睇，老師冇上堂教的，因為系課餘閱讀理解。平時上堂就跟主題教，每個主題都要做小組presentation，咁我唔知是否太淺，又或者水過鴨背，不過以我對教育的小小認識，做presentation系綜合能力，老師可以系當中睇到學生真正對所學到的理解了多少，而再去作出教學的調整，此即是所謂的formative assessment for learning，亦是IB的其中一個原素。中文課程我覺得有待改進，比較睇唔到同傳統學習有咩唔同，都系寫生字，背書，默書好彩唔多，但個仔好唔鐘意，因為中文系連兩堂，佢個組老師比較谷，比好少休息時間，個仔話好累。數學兩個月前學緊雙位進位加減，Ms. Liz系three way conference話大部份同學都對進位有困難，所以她已作出調整，減慢進度。總括而言，雖然我同先生都唔系好care呢方面，但睇到個仔慢慢增進緊知識，並沒有變得越來越低能。 | 
發表於 11-11-26 09:52
