又一村學校 vs 協和幼稚園

miranda0311

各位, 可否比意見? 2間都收了我仔仔下午班, 請問邊間比較好呢??好難決擇...

connielung

又一村收左我個仔am, 如果無其他更好的offer, 我會比佢讀又一村

我都有了解過流失率的問題, 其實佢只係擴充開多左班, 所以請多左年資淺的老師, 而且讀緊個d家長講, 老師無乜點走, 都係熟口熟面個幾個

開心小花

我估應該無啦. 不過, 佢有學卷, 省下的錢可以出去學.

miranda0311

原帖由 manman8 於 11-11-29 14:16 發表
唔知協和幼有冇phonics讀呢？

應該無嘞...

manman8

唔知協和幼有冇phonics讀呢？

開心小花

原帖由 駿熙媽媽 於 11-11-28 02:06 發表

會唔會人手多,多老師,比例上好似好多..如果有幾十個miss,走幾個好似好多,,村校得10個8個咪好似流失率小d
?

啊?? 唔係應該掉反轉咪? 人數少, 因為基數細, 反而流失1,2個, 個比率都係好大. 而人數多, 個基數大, 流失同樣人數, 反而比率會好小. 即是如果只有20位老師, 走了2位老師就佔10%. 而一間50位老師的學校, 走2位老師就是 4%. 如果, 一間學校有50位老師, 流失率是64% , 即流失了32位老師.

大小肥豬

原帖由 yanbb08 於 11-11-27 01:31 發表
我係自己送個女返學的,因為我家係必定要經過協和門口,所以我基本上日日都望到間學校門口的情況,其實校外可觀察到的,老師笑容可以,我仲見到dk3成日整d大件手工行返學校,相信學校都多活動.
好似比較多新移民家長(不是 ...

謝謝分享~

不過我見去拎表同面試，我見佢都有d新移民，不過唔算多ge~同埋d家長都係c文ge~

開心小花

聽你咁講協和的情況, 我反而放心好多. 一來,我比較重視老師是否有愛心, 聽你咁講協和應該是一間有愛心, 小朋友讀得開心的學校. 二來, 講到有新移民家長, 其實我估間間學校多少都有d的啦. 起碼, 我IN幾間,無論是否九龍塘, 是否有無學卷的, 幾間都有遇見. 只要唔係d麻煩家長, 我又ok. 三來, 佢係學卷學校, 預咗佢深極有限啦, 如果家長覺得要深的出去補夠佢囉. 不過, 我相信K的課程, 我呢個阿媽平日都可以幫到佢的. 我唔想小朋友讀幼稚園已經谷, 真係唔知幾時谷到大..   我反而重視佢的德育課程. 這才是貫徹小朋友的終身價值觀. 我係明報見趙榮德有經常推介協和幼稚園同埋話佢的德育做得好. 當初我去報協和, 呢個都係其中一個原因.
至於net, 據我所知應該係有的. 因為, 我有見d相, 係見有net係處上課的. 不過, 多少時間就唔清楚啦.

pigpigb1668

本人亦煩惱緊讀又一村好, 還是現時屋企附近的心怡天地好. 見許多人話又一村課程淺, 又怕細路搭校巴時間太耐.

yanbb08

我係自己送個女返學的,因為我家係必定要經過協和門口,所以我基本上日日都望到間學校門口的情況,其實校外可觀察到的,老師笑容可以,我仲見到dk3成日整d大件手工行返學校,相信學校都多活動.
好似比較多新移民家長(不是歧視)因我有2-3個街坊朋友(新移民)的仔女讀協和.
她們也很跟得上香港教育模式,但始終他們的英文水平差一點.而且不會好似本土家長死谷,要仔女學多種課外活動.
閒聊都有和她們傾下.....課程好標準果種,普通話,英文唔算多,但我忘記有多少天,(有棶機會先再問)經過好少見到有外籍教師.
但我個人認為協和在區內也算唔錯的學校,只是個個人口味唔同.

以上純粹個人意見

大小肥豬

原帖由 yanbb08 於 11-11-26 15:13 發表
樓主,我是又一村的家長,女兒讀k1,當年協和都收了我女兒上午.我也諗了好內,上網問人,搵資料....不停比較....
協和比較近我家,只要5min路程,又一村行得遠好多.
但我最後都選擇又一村,係因為我多次親身去了兩間學校睇小 ...

可以講講嗎???
我都想了解協和情況...可以分享ma?

yanbb08

又一村課程已經深了,因為又一村的家長都是一些有少少要求,但又不至於死谷的家長(個人意見)
k1有phonics,英文有sentence.有普通話.

yanbb08

樓主,我是又一村的家長,女兒讀k1,當年協和都收了我女兒上午.我也諗了好內,上網問人,搵資料....不停比較....
協和比較近我家,只要5min路程,又一村行得遠好多.
但我最後都選擇又一村,係因為我多次親身去了兩間學校睇小朋友上學放學情況.....您可以試下,到時您自然心中有數.

manman8

有冇家長知道協和幼稚園同又一村嘅學習課程係點呢？深淺程度如果？個個都話又一村淺，咁協和又如何呢?

梅媽媽

原帖由 skygirl0311 於 11-11-25 16:39 發表
創價係教育局視學報告既評級係超卓既同埋質素評核報告都好好....佢師資環境各方面口啤都一年比一年好..不過好多家長由於宗教信仰而唔考慮呢間..但其實佢既幼稚園係冇宗教信仰既..只不過係D人錯覺佢係日本佛教既幼稚 ...

其實一開始,我一心諗住報創價同又一村嫁. 但後來有朋友話我聽佢朋友個女係創價讀完,銜接本地小學非常辛苦,要惡補. 佢話學校好開心,但內容太淺.
  咁我諗,反正又一村又淺, 又有學卷,地方又大咁不如就報又一村.唔報創價啦. 所以我最後都冇報創價.

梅媽媽

原帖由 skygirl0311 於 11-11-25 15:51 發表
之前好似見到你都有報靈糧堂....我都係WAIT呀...其實都好想佢入到呢間..

自己感覺兩間學校差唔多.靈糧叫有名d,但校舍細,非我所選. in就算.

skygirl0311

係呀..因為佢有個創價會既..個個就係佢地既日本教會喇..所以有D人一聽到就唔係幾鍾意..咁當然佢都有好大班粉絲啦..上年都已經有3800人遞表..今年就唔知喇..應該都唔會少過上年啦..所以係又玩六合彩~

原帖由 開心小花 於 11-11-25 16:48 發表
係, 之前我都有諗創價的, 不過都係因為宗教問題, 我屋企人極力反對, 所以無報到.