Kwun Tong St Joe........news from apple daily

tvnotallow

http://hk.apple.nextmedia.com/template/apple/art_main.php?iss_id=20110921&sec_id=4104&art_id=15632639&av_id=15632931

joemyt

雖然亞仔只在St. Joe 讀了一年，但係好明顯教導了亞仔不少。學業/紀律就不在話下，校譽亦好緊要。如果唔係在St. Joe浸左一年，亞仔跟本就唔能夠轉去而家讀緊果一間小學，兼未必可以好快時間適應。因為在新校讀小二的一年，英文同埋數學科的課程，已經在 St. Joe 小一學左，所以小二那年真係如虎添翼! 唔好問我個仔轉去邊間，只係一間好普通的津貼小學而已。

雖然現在亞仔已讀小四，但我對 St.Jo 仍然念念不忘。當有朋友問到小一私校資料，我一定會推介 St. Joe。因為亞仔係過來人，絕對唔係"聽番黎"。

由呢件事亦可見，香港的傳媒質數逐漸下降；我地做家長的，亦要好好教導小朋友如何選擇報章雜誌，最好能夠從旁指導。如果唔係，十多年後，亞仔可能會係另一個"港大雞" !

crimson

舊年Miss Kwok(校長)在入學試當日，已清楚說明學校課程深，管教嚴。如果事但一樣不是閣下杯茶，應另謀去路，比放料傳媒炒作更利己利人。

開學幾日，阿仔(小一)話因為有同學小息時無去toilet，上堂瀨尿。到早幾日佢又話有另一個瀨尿，即係生果報講嘅三個瀨尿同學，有兩個同阿仔同班，但佢話老師唔惡, 只係試過因為有同學唔專心而敲枱(唔係拍枱)。阿仔仲話返學好開心添，唯一令佢有壓力係默書同考試。

阿仔有講上落樓梯唔准說話，即使見到老師同校長，都只可以點頭，我又好理解，因為可避免上落時玩耍嬉戲，容易跌倒，陣間跌親D家長又呱呱叫。其實朝朝見到學生同校長老師點頭，佢地都會笑住點頭回應，無問題吖!

老師都有寫手冊話阿仔食唔晒飯,但佢只係講個fact, 我唔覺得佢有怪責之意，無須介懷。

我睇得出老師好鍚佢地,試過幫阿仔摺好外套放回書包。仲有一件令我感動嘅事，早前有朝落大雨，阿仔同其他小一雞由後門有蓋通道入，唔知點行, 其他高年班同學見到，即刻帶佢地入去，可見學校教導有方。

[ 本帖最後由 crimson 於 11-9-23 16:50 編輯 ]

fling

sunnysun 很開心見返你, 仔仔中學生活愉快嗎? 不經不覺兒子也小六了, 時間過得真快. 我好耐無回應, 今次忍不住講兩句, 其實小兒也是頑皮仔一名, 把老師氣壞, 常常受罰, 就算這樣, 他也不信這是事實, 還為老師講說話. 經過六年的相處教導, 他也有了判斷是非的能力, 真是高興.

原帖由 sunnysun 於 11-9-23 11:19 AM 發表
見回幾個舊老友真好fling joymt......

雖然我兩個小朋友都畢業了,但仍很留戀小學,我身為家長也一樣,變成路人,有時入來看看,這次真為學校不值,相信家長,應該知道報導的可信性,如果學校冇原則冇規矩又點可以教得d小朋 ...

Joyance

原帖由 karen55407 於 11-9-21 12:29 發表
怪只怪家長沒有了解清楚學校是否適合自己和兒子才報讀，身為怪獸家長就不應揀這種傳統出名嚴的學校讀，做家長應該配合學校步伐，有不滿就直接同老師講，唱衰學校對自己個仔有乜好處？ 我好多朋友都好鐘意學校，你唔啱就另 ...

ParcoBabyBaby

說真的
那個小朋友同家長想轉校都吾容易了（出左名的學生，邊間敢收佢呀）。留在學校又難過（實比同學OR其他家長指指點點）
所以搞大件事，蝕底的永遠是自己

YamaBB

  同意!  我TOTALLY 相信老師!!!  

原帖由 sunnysun 於 11-9-23 11:19 發表
見回幾個舊老友真好fling joymt......

雖然我兩個小朋友都畢業了,但仍很留戀小學,我身為家長也一樣,變成路人,有時入來看看,這次真為學校不值,相信家長,應該知道報導的可信性,如果學校冇原則冇規矩又點可以教得d小朋 ...

sunnysun

見回幾個舊老友真好fling joymt......

雖然我兩個小朋友都畢業了,但仍很留戀小學,我身為家長也一樣,變成路人,有時入來看看,這次真為學校不值,相信家長,應該知道報導的可信性,如果學校冇原則冇規矩又點可以教得d小朋友好呢,希望老師唔好打擊士氣,繼續,嚴師出高徒,我都要打電話俾學校支持一下先.
學校應該認得短片內把聲,找她&他出來,要解色,唔合理就叫佢地退學,讓個位出來.

naiviv

請各家長負番應負的責任,不要推卸在學校身上... 抑或現在剛是2012-2013 小一報名時間,想減少勁敵???

heiheikwok

希望投訴個位家長有上教育王國, 見到我地既回應, 好好諗下自己個小朋友係咪真係適合讀呢間小學.

唔好一時之氣既投訴, 影響學校既校規, 教學方針, 咁會影響將來入學既小朋友.

SORRY, 不喜勿插

BMW0305

St Joe 老師好有豐富教學經驗, 學生由小一train, train 到個個學生行出黎, 斯斯文文, 有禮貌, 不論學業成績, 試問東九龍有那一間小學可以比得上

如果小息掛住玩唔去洗手間, 上堂梗係急兼賴啦(亞仔話真係有d小一生掛住傾偈同玩唔去洗手間, 唔敢話比老師聽咪賴囉, 比同學笑一次, 佢下次重敢唔敢唔小息去洗手間呀 !)

學校和班主任開學前都有講過學校,家長,學生上小一的配合, 小一已不像kindi的上學模式, 可以離座位, 自由出入等等

相信學校都知道呢個"怪獸家長"是誰, 你猜佢又會唔會稍後多謝番學校幫佢個仔界掂"港男"呢個名呀(唔賴尿), 出報導甘話.....醒覺......

芝麻街

其實星期二當日, 我去睇個仔放學時, 有兩個後生仔記者都有訪問我, 當然佢地都有訪問其他家長, 但我所講嘅野, 佢地就一啲都無提過,
apple/某啲傳媒 只會報導一啲佢地想報導嘅野, 你持相反嘅意見, 佢就唔會出街。


選擇小學唔係睇佢名唔名, 係睇佢適唔適合自己個小朋友的~~

[ 本帖最後由 芝麻街 於 11-9-22 14:15 編輯 ]

BMW0305

其實 St Joe 係一間英文小學, 所有回條都差唔多用英文, 唯獨是填飯揀餐單的一張是全中文字, 用咩筆填是供應商要求, 寫得清楚的, 小朋友或家長應該睇清楚填 order餐的要求, 為什麼報導講到又關學校事, 報紙商都有問題, 係又登唔清楚又登, 政府派6,000元, 你都可以用紅筆填, 會有人填錯咩 ? 報紙商會唔會又登出黎唔比用紅筆轟政府呀 !

PRESTONMOM

Agreed!x1000

lhinman

我個仔今年都係小一生，當初choose St.Joe都知要求紀律、較傳統。其實適當的嚴、對現在的小孩，又有何不當？我唔想自己個仔又成另一 "港男"！！
所以apple講D 嘢，我都不太相信。我只相信自己個仔自上小一後，長大了，獨立左，自津左，返到屋企很喜歡分享學校的事。我亦不會講比佢知 apple的報導，唔想佢對學校、老師失信心！

alwaysbear

例如: 上課專心, 小心抄手冊, 懂得收拾自己的物品．．．．．  
自理能力係好重要！

heiheikwok

2011年學費 $29500 / 10 months, 不過佢地課外活動都唔係好貴.

原帖由 姨花花 於 11-9-21 23:48 發表
唔好意思, 想問一吓學校既學費? 還有其他雜費要收嗎?

芝麻街

原帖由 姨花花 於 11-9-21 23:48 發表
唔好意思, 想問一吓學校既學費? 還有其他雜費要收嗎?

學費大約係$28xx 幾,
雜費好似幾佰蚊左右~~

芝麻街

原帖由 joemyt 於 11-9-21 23:37 發表
芝麻街，我印象中好似在幾年前同你傾過，是嗎？

亞仔在 St. Joe 讀得開心嗎???

P.1C 的 Miss Woo 係唔係返左黎教呀?

joemyt,

好開心呀, 你仲記得我。

Miss Woo 佢生bb放產假咋, 無走過呀!!

我個仔好鍾意返學, 好鍾意老師, 學校嘅生活令佢有信心同歸屬感。
見到佢每日開開心心返學放學, 返到嚟又講吓佢喺學校嘅趣事, 講嘅時候總是笑瞇瞇,  我真係好感恩, 我個仔可以喺呢度讀書!!

另外, 啱啱嘅升中派位, 派得好好呀, 我地嘅小朋友真係唔差架~~


芝麻街 :loveliness: