如何輔導我的小朋友

ivylouie

小兒剛升上小一, 開始第一個星期沒有任何問題
中秋假期後(14/9)發燒、嘔吐, 看過醫生, 休息了一天, 當天晚上仍有點燒, 跟他說, 若明天仍有燒便不返校
第二朝(15/9)起來, 還有一點燒, 所以便沒有上學, 到中午退熱了, 他提出要返補習班, 不過不想上學, 家人跟他了解後,
發現他憂慮學校小息時沒有同學跟他說話,
所以我為他準備了糖果於小息時跟其他同學social, 又叮囑同校的家姐, 學校容許的情況下便到弟弟班房探望,
不過今早, 他又有點燒, 亦說很疲倦和想嘔, 換校服時更在哭泣
回校途中, 不停安撫他, 不過回校不久, 班主任來電說小兒在學校嘔吐, 我亦跟班主任說小兒的憂慮情況, 亦決定身體沒有大問題情況下, 不臨時接他回家, 我認為他始終要面對, 班主任回覆會跟小兒訴說
請教各位, 現在我可以做什麼息除他的憂慮?

ivylouie

原帖由 MirandaLin 於 11-9-16 14:34 發表
你可以引導佢講出佢係學校驚D咩,知道後逐樣逐樣解決,同時要向班主任反映,仲要找學校的輔導主任等,佢等好專業,可以幫到你好多架!

昨天都係傾計至知道問題所在, 今朝同班主任通過電話, 原本今晚打算寫封信比班主任, 多謝您提醒, 我要找學校的輔導主任

ivylouie

我會記住喇! 輕鬆d, 等佢地自由發揮, 多謝您呀!

MirandaLin

你可以引導佢講出佢係學校驚D咩,知道後逐樣逐樣解決,同時要向班主任反映,仲要找學校的輔導主任等,佢等好專業,可以幫到你好多架!

HIN2003

原帖由 ivylouie 於 11-9-16 14:20 發表
其實兩姐弟都有傾校內情況, 不過今晚叫家姐認真做吓線人, 睇吓有無更多料幫到細佬
情緒問題真係急都急唔嚟

你唔洗叫姐姐刻意提學校問題.
叫姐姐同細佬傾多d就得(天南地北都講), 傾傾吓佢想講自然會講, 愈迫佢講佢會愈唔開心.
慢慢黎! 我個囝細個時我以為佢有自閉証

ivylouie

其實兩姐弟都有傾校內情況, 不過今晚叫家姐認真做吓線人, 睇吓有無更多料幫到細佬
情緒問題真係急都急唔嚟

HIN2003

原帖由 ivylouie 於 11-9-16 13:47 發表
學校及我們一家也沒有宗教信仰, 今早我也有問他, 除了小息問題, 還有沒有其他問題, 他說沒有
他由大概2歲多開始已有睡覺時磨牙, 醫生解釋磨牙是因壓力大, 直到現在也是這樣
學業上我及家人也沒有給與太大壓力, 他讀 ...

我們一家都沒有宗教信仰, 但囝囝由幼稚園開始就讀基督教學校, 我囝囝細個時都好執著 & 自我, 現在已改善了.
咁不如, 叫囝囝睡覺前多d同家姐傾計(你不要在場), 等佢抒發左d情緒可能會好d. 或者假日約相熟的小朋友出外, 輕鬆吓.
而家d小朋友好多情緒問題, 多是自發, 他們都控制唔到.

ivylouie

學校及我們一家也沒有宗教信仰, 今早我也有問他, 除了小息問題, 還有沒有其他問題, 他說沒有
他由大概2歲多開始已有睡覺時磨牙, 醫生解釋磨牙是因壓力大, 直到現在也是這樣
學業上我及家人也沒有給與太大壓力, 他讀的幼稚園也不是名校, 現在功課上也不用操心
所以估計是他不懂和陌生人相處, 3年幼稚園生活, 對著多了也變成熟悉面孔, 但有時仍是怕羞, 現在新環境, 新面孔, 不知如何幫他!

HIN2003

原帖由 ivylouie 於 11-9-16 11:23 發表
其實探熱溫度是35.9, 不過用手感應是有點熱, 看醫生時情況也是一樣, 護士探不到有燒, 但醫生也有摸他
我的問題就是如何息除他的憂慮得以解開壓力

35.9 係一d燒都無.
身體發熱, 是不是其他原因, 如其他mami所講, 有壓力& 情緒出現焦慮.
真係要正視. 好好開解他, 是否教會學校, 可試教他睡前祈禱, 有心事向天父禱告. (在心裹講) , 講左真係會好d, 唔洗自己屈住.

ivylouie

原帖由 高比簡 於 11-9-16 12:03 發表
ivylouie，
慢慢黎啦，有同校既家姐可以照顧細佬已經好好，得閒開解下他，他應該係過份擔心、未適應小學生活啫，呢個係他長大、獨立既時候.....俾多d時間同他傾下學校既生活、同班既同學仔，我相信他可以處理得好好。

加油!!:fu ...

多謝您既鼓勵呀
值得安慰既就係家姐好照顧細佬
家姐同細佬性格剛好相反
家姐: 活潑, 獨立, 不拘小節, 但就懶散
細佬: 慢熱, 要面子, 就因為要面子, 所以事事有要求

高比簡

ivylouie，
慢慢黎啦，有同校既家姐可以照顧細佬已經好好，得閒開解下他，他應該係過份擔心、未適應小學生活啫，呢個係他長大、獨立既時候.....俾多d時間同他傾下學校既生活、同班既同學仔，我相信他可以處理得好好。

加油!!

ivylouie

其實探熱溫度是35.9, 不過用手感應是有點熱, 看醫生時情況也是一樣, 護士探不到有燒, 但醫生也有摸他
我的問題就是如何息除他的憂慮得以解開壓力

ivylouie

他是個很慢熱的小朋友, 幼稚園(k2)時, 同學舉行birthday party, 在熟悉的面孔下, 生日會初時他也不願意去跟同學玩耍, 直到差不多生日會完結, 他在家姐帶領下才去玩, 但玩起來又很盡情
謝謝您的建議, 我跟老師提出為他安排一位主動熱情的同學在小息時與他談話

idy926

小朋友病著上學很辛苦的，其實你是否應為病是因為小朋友不願上學？如小朋友感到壓力而不適，可能會嘔，肚痛等，但應不包括發燒，個人意見是有點燒絕不能上學！我會對他說：最緊要你的身體健康！要好好休息！讓他先釋放壓力吧！長路漫漫，不要太急。

YanKanMom

也很感受到妳的擔憂. 他在幼稚園時, 有沒有類似情況? 可否請班主任為他安排一位主動熱情的同學在小息時與他談話.
小兒前數天小息時也曾不懂如何與同學相處而弄傷自己, 故老師現暫要求他小息時留在班房.
我想孩子由較受保護的環境(幼稚園)轉到較tough的環境(小學), 是需要適應及磨合的. 現在毋須太擔心住, 只需密切留意孩子的情緒發展.

原帖由 ivylouie 於 11-9-16 10:24 發表
小兒剛升上小一, 開始第一個星期沒有任何問題
中秋假期後(14/9)發燒、嘔吐, 看過醫生, 休息了一天, 當天晚上仍有點燒, 跟他說, 若明天仍有燒便不返校
第二朝(15/9)起來, 還有一點燒, 所以便沒有上學, 到中午退熱了,  ...