將軍澳區vs何文田區升中

祖明

自己住tko，亞仔讀何文田區小學，下年升中，因交通不便，所以考慮揀返tko區升中，但又不捨何文田區校網比tko好，好難取捨。

csk家長jj

原帖由 祖明 於 11-9-24 23:21 發表
感謝各方友好的鼓勵 可能皇帝唔急太監急，見亞仔唔緊唔緊咁，我嘅焦慮症又唻啦 幸得各位無私奉獻給與寶貴意見，大家繼續努力，爭取更好成績 ...

祖明,要爭取自行一席位,成績固然重要,但面試表現也不容忽視！現在要開始準備喇 預祝您心想事成

祖明

感謝各方友好的鼓勵 可能皇帝唔急太監急，見亞仔唔緊唔緊咁，我嘅焦慮症又唻啦 幸得各位無私奉獻給與寶貴意見，大家繼續努力，爭取更好成績

歌地亞

祖明, 努力考好第二次呈分先諗其他啦 ~

csk家長jj

祖明 ,不要氣餒啊！根據我地今屆嘅派位成績,你仔仔的名次仍屬band 1尾,並非band 2啊

khmama

原帖由 fallenleaf 於 11-9-22 22:29 發表

宣基得7個位，慕得3個位，我擔心有小小風險，反正都係band 2，或者考慮唔好擺咁前。

其實抽獎都係一個捉心理既遊戲, 個個見位少唔敢填又反而有位, 將軍澳比較遠, 如果唔係入面住, 選跨區學校將軍澳都未必係家長首選, 所以可以搏下.

fallenleaf

原帖由 khmama 於 11-9-22 20:00 發表


宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

宣基得7個位，慕得3個位，我擔心有小小風險，反正都係band 2，或者考慮唔好擺咁前。

hw1115

原帖由 khmama 於 11-9-22 20:00 發表


宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

怪不得2仟多元租信箱啦!

khmama

原帖由 hw1115 於 11-9-21 23:15 發表


宣基現在是band 2 嗎?

宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

hw1115

原帖由 khmama 於 11-9-21 22:37 發表
九龍城band2頭有機會係全港band1尾, 甲部不妨試丘中, 陳中同景嶺. 如果大抽獎仍係band2, 可以填陳中, 宣基, 慕德.

宣基現在是band 2 嗎?

khmama

九龍城band2頭有機會係全港band1尾, 甲部不妨試丘中, 陳中同景嶺. 如果大抽獎仍係band2, 可以填陳中, 宣基, 慕德.

mandy_lee

ec 今年小6 可以直上中一所以位我估唔多. 話事話我都好想知道學校係band 幾. 黎緊月尾開家長會問問學校先.

chumamma

我覺得留在播道書院較適合

(1) 校風好
(2) 校長理念好
(3) 交通好, 慳時間, 安全
(4) 開心學習。
(5) 老師有愛心
(6) 我從未聽過家長或學生討厭學校。

不過播道書院都唔易入架。我朋友都要 '蟻' 校長好多次才獲取錄, 它出名了, 升晒呢啦, 只收 brand one 生。

原帖由 祖明 於 11-9-14 12:54 發表

fallenleaf謝謝你的解答！可否再給我一點意見？

但若果band2頭呢？我應否留在九龍城區，因是陳瑞祺小學生，選擇陳瑞祺書院機會很大，但若返回tko區，我只得撰擇直資播道書院，是否睇埋唻緊呈分試成績如何才作决定呢？ ...

祖明

係呀！fallenleaf你講得啱！揀學校唔係好就免強，小朋友入到間band1英中，但成績長期處於谷底，將會失去自信及學習興趣，反而得不償失！呢點我要小心考慮。

fallenleaf

原帖由 祖明 於 11-9-14 18:22 發表

謝謝fallenleaf，你解釋得好清楚，令我釋懷好多！其實我都諗住第一稭段，首選陳中及丘中，但最終都要睇亞仔成績才可決定。到時又要勞煩fallenleaf給我意見 ...

若你肯定囝囝是band 2生，第一階段丘中就機會微。
問題係如你放陳中於第一階段，好大機會入左，到第二階段想搏丘中都冇機會。
話時話，到最後我地都係要考慮小朋友的能力，費事第日追唔上時後悔。

祖明

原帖由 fallenleaf 於 11-9-14 17:29 發表
九龍城區band 1生和band 1位數目相約，加上有一班band 1頭的學生會跨區自行，或投向直資行列，而且這班人數目都唔少。所以如果band 2頭的學生，我留係九龍城區，甚至有機會搏到band 1學校。之前我講過有朋友兒子成功搏入丘佐榮 ...

謝謝fallenleaf，你解釋得好清楚，令我釋懷好多！其實我都諗住第一稭段，首選陳中及丘中，但最終都要睇亞仔成績才可決定。到時又要勞煩fallenleaf給我意見

fallenleaf

九龍城區band 1生和band 1位數目相約，加上有一班band 1頭的學生會跨區自行，或投向直資行列，而且這班人數目都唔少。所以如果band 2頭的學生，我留係九龍城區，甚至有機會搏到band 1學校。之前我講過有朋友兒子成功搏入丘佐榮，如果是陳瑞祺小學band 2生都好大機會入陳瑞祺中學，我知道好多陳瑞祺小學的band 1生都選擇華英或迦密。
至於旅港對band 2生來說，機會好微。旅港係九龍城區band 1生的熱門選擇。
九龍城區重有好多band 2的選擇，例如何官和胡兆熾，機會總比將軍澳多。

祖明

亞仔鍾意旅港，但我恐怕佢應付唔唻，所以未必揀！會唔會對亞仔唔公平呢？

祖明

原帖由 fallenleaf 於 11-9-12 20:11 發表

所有那裡的學校都可用這個方法。搭98C或98S在亞皆老街九龍醫院站落車，經巴富街和石鼓街(沿何文田官立和旅港開平)，不出10分鐘就到。
懶d都得，搭17號囉。若係band 1生，我寧願留在九龍城區。 ...

fallenleaf謝謝你的解答！可否再給我一點意見？

但若果band2頭呢？我應否留在九龍城區，因是陳瑞祺小學生，選擇陳瑞祺書院機會很大，但若返回tko區，我只得撰擇直資播道書院，是否睇埋唻緊呈分試成績如何才作决定呢？

fallenleaf

原帖由 祖明 於 11-9-12 19:11 發表
我近坑口村嗰邊，打選揀陳瑞祺書院，但學校個位好吊脚，住我呢頭嘅學生去何文田，多數去官塘轉17號巴士再步行到學校，但左轉右轉，好似浪費好多時間搭車咁！ ...

所有那裡的學校都可用這個方法。搭98C或98S在亞皆老街九龍醫院站落車，經巴富街和石鼓街(沿何文田官立和旅港開平)，不出10分鐘就到。
懶d都得，搭17號囉。若係band 1生，我寧願留在九龍城區。