入日本幼稚園定普通幼稚園好?媽媽們請入黎比D意見我!

abouttttt

大家好!我個仔仔係日本人,依家2歲10個月,之前有幫佢問過Kornhill Japanese Kindergarten同埋帝京幼稚園,學費都幾貴下,不過我老公就話幼稚園對小朋友將來發展有好大影響,一定要幫佢揀間最好最適合佢既!但係我又唔覺得貴就一定係岩既選擇!
只係擔心緊仔仔如果入普通幼稚園,咁會唔會第時唔識講日文?(因為o係屋企得我同佢baba會同佢講,公公婆婆舅父其他人都係同佢講廣東話..)但係如果入日本人幼稚園,咁佢將來又會唔會對學廣東話好抗拒?
康怡同帝京都係跟返日本,4月入學,不過兩間都係太古城,我自己係住藍田,雖然有校車,不過就怕萬一有咩事上黎,小朋友病要早退,婆婆接佢返屋企就會好麻煩,因為婆婆仲要湊妹妹,妹妹得1歲...
另外我都有搵過自己藍田呢邊d幼稚園,依家係得1間康盈可以o係今年9月入到學,不過得下午班,我以前細個都係讀呢間o個陣時覺得唔錯,但係依家d人話呢間幼稚園退晒步唔係咁好wor..!其實另外靈糧同迦南我都有諗過,不過兩間11/12已經full晒,依家申請就要去到12/13先入到學,我又怕到時佢都已經4歲先讀K1會唔會太遲...
我同我老公都係o係廣州做野,所以到時一對仔女會交比婆婆o係HK湊,每個禮拜就返去探下對仔女咁!因為大陸治安唔好,始終唔係好放心交比大陸D幼稚園!
初為人母,個仔第一次返學所以真係唔知從何入手,麻煩各位有經驗媽媽比下意見!

cstchan

有同事的親戚，媽媽是日本人，每年暑假便到日本上小學。

abouttttt

我其實仲有諗過中學掉佢去外國浸下咸水tim ga~hahaha!所以我地兩公婆依家好努力搵錢...我其實有個fd,佢男朋友都係日本人,係細細個就o係外國長大,大個又入左amway做,成日呢度飛o個度飛,留o係日本既時間可以話係少之有少!所以佢ge英文真係十分流利,日文就比一般日本人遜色d囉!我就係想我仔仔大個d英文勁到可以rap,咁我就真係好自豪

原帖由 panbaby 於 11-8-24 11:13 發表
'最緊要係英文talk得' - 你老公呢句好有智慧!

事實上, 在香港學二文三語是比較有優勢的, 姑勿論學得十分出色與否, 但某個程度上都是可以掌握的.  我覺得無論將來返日本與否, 入讀主流對學二文三語有幫助. 假設:

1) ...

abouttttt

其實我都知日本d幼稚園返學就係玩,因為我以前o係日本住o個時都係去幫我老公家姐接佢個仔放學,真係玩到唔捨得走,返到屋企食少少野又話要出去同d朋友仔去公園玩
我都好佩服d日本mama成日整咁多卡通便當,你問我的話,我覺得始終最後都係食落肚整咁靚做乜ar?
所以我以前同老公,bb去旅行極其量都係整下onikini同埋八爪魚腸仔呢d...hahaha!!!
其實我諗你個仔大個一定係食腦o個d黎,最緊要佢可以將佢ge小聰明用o係適當既地方咁就得la!

原帖由 Harubi 於 11-8-20 12:05 發表
揀左就好, 最緊要個選擇係對小朋友最好!

不過可以話你知, 讀日本幼稚園嘅小朋友每一日返學校就係玩, 由頭玩到落尾, 我個仔到宜家都未開始寫字認字, 就如文盲一樣, kaka. 不過論玩佢就真係專家, 一個膠袋一張紙都可 ...

panbaby

'最緊要係英文talk得' - 你老公呢句好有智慧!

事實上, 在香港學二文三語是比較有優勢的, 姑勿論學得十分出色與否, 但在某個程度上都是可以掌握的.  而我覺得無論將來返日本與否, 入讀主流對學二文三語都有幫助. 假設:

1) 短期在香港住 - , 咁有二文三語, 會容易溶入社會; 但同時你又有日文優勢;
2) 即使返日本, 你多二種語文能力, 會唔會在日本會更吃香?

講到學日文, 可唔可能你哋自己加99教再加上去日文班去學? 事實上, 你怕真的返日本時孩子曰文唔掂, 但如果孩有日文底子, 咁返日本後, 面對一個全日文環境, 咁其實要操返好日文其實可能唔難?  就好似啲香港細佬小學時去美國, 過多幾年都會有美國口音, 更何況你的孩子是日文基礎, 親人又會講日文?

原帖由 abouttttt 於 11-8-19 15:28 發表
唔該晒你!其實我諗左成個禮拜,都係決定返比佢入香港幼稚園,(靈糧or迦南)...因為我老公都表左態,就算佢係日本人講日文唔叻都唔緊要,最緊要係英文talk得!

你先生都係日本人黎ga?咁你地仲會唔會返日本?maybe我地可以做 ...

[ 本帖最後由 panbaby 於 11-8-24 11:18 編輯 ]

abouttttt

國際幼稚園我諗個個家長都想比小朋友入去讀,不過學費都係一個考慮問題!同埋我個人覺得小朋友細個可以唔駛咁大壓力,我想比佢玩多幾年,到小學先會比佢入國際學校,~不過睇得出你朋友擺左好多心機o係佢個小朋友度,第時大個一定好叻!

原帖由 happysugar 於 11-8-20 03:05 發表
我有個朋友，仔仔已經7歲幾
自己係日本人，老公係台灣，但因工作關係，長期係香港住, 已經係香港住左6年
佢係送仔仔去國際學校，家下佢仔仔讀英基
佢日文都GOOD架~ 不過佢媽咪好有心機教佢日文的，屋企貼晒好多日文學習海報，又有 ...

abouttttt

雖然我都唔知將來會唔會返去日本~不過我已經幫佢揀左幾間本地幼稚園la

原帖由 SaritaChan 於 11-8-21 12:43 發表
如果打算在香港把他湊大, 不如入普通本地幼稚園啦

Harubi

揀左就好, 最緊要個選擇係對小朋友最好!

不過可以話你知, 讀日本幼稚園嘅小朋友每一日返學校就係玩, 由頭玩到落尾, 我個仔到宜家都未開始寫字認字, 就如文盲一樣, kaka. 不過論玩佢就真係專家, 一個膠袋一張紙都可以諗到嘢玩.  但如果同本地幼稚園小朋友一走埋一齊, 佢講d嘢真係傻到痺, 因為佢真係唔知讀書為何物.

另外, 做日本幼稚園媽媽每日都要諗整乜嘢弁当, 我個仔鍾意キャラ弁, 整到我宜家變左熟手技工, 有時都覺得麻煩!

選本地幼稚園, 咁你要開始努力啦! 加油!

我pm你我個fb!

原帖由 abouttttt 於 11-8-19 15:28 發表
唔該晒你!其實我諗左成個禮拜,都係決定返比佢入香港幼稚園,(靈糧or迦南)...因為我老公都表左態,就算佢係日本人講日文唔叻都唔緊要,最緊要係英文talk得!

你先生都係日本人黎ga?咁你地仲會唔會返日本?maybe我地可以做 ...

[ 本帖最後由 Harubi 於 11-8-20 12:06 編輯 ]

abouttttt

雖然到時我同我老公都唔會日日o係佢身邊,但係盡量每日抽到時間都會打電話比佢同佢傾下計,其實我都唔係太擔心我個仔會唔會唔識講日文,最擔心o個個係我99

原帖由 junbb 於 11-8-9 14:59 發表
你都話公司岩岩起步, 都唔會咁快返日本, 我覺得讀普通幼稚園會好d, 因為之後係hk學習都係以中英文為主~ 而日文方面, 如果家長由細到大都係同佢講日文既話, 個小朋友係唔會唔識架~問題只係你同老公成日都唔係個小朋友 ...

abouttttt

唔該晒你!其實我諗左成個禮拜,都係決定返比佢入香港幼稚園,(靈糧or迦南)...因為我老公都表左態,就算佢係日本人講日文唔叻都唔緊要,最緊要係英文talk得!

你先生都係日本人黎ga?咁你地仲會唔會返日本?maybe我地可以做個朋友你有無facebook ga?

原帖由 Harubi 於 11-8-7 19:27 發表
我同你個case一樣, 蘿蔔老公香港太太, 我個仔讀緊帝京, 已經年中組, 跟住都諗住會升讀日本人小學 (係日本人小學, 不是國際班, 學費比日本幼稚園平得多!)

帝京位置響跑馬地城和道, 不是太古城, 學校入面好多都係mix, ...

abouttttt

好多謝你咁全面既分析,我會同我老公慢慢商量下ga la

原帖由 alowe 於 11-8-7 00:48 發表
abouttttt,

      以你一家的語言環境, 如要小朋友識日文, 一定要選擇日語學校. 不過正規而比較好的日語學校不多. 據知, 很多日本人在香港完成小學後都會將小朋友送回日本升學, 你有此計劃嗎? 如沒有也不用太強求在 ...

abouttttt

たんぽぽ我都CHECK過,但係唔知點解我覺得麻麻地~

原帖由 yame 於 11-8-5 19:45 發表
there is another japanese kinder in Taikoo shing, called Tanpopo

abouttttt

哦~因為個日本媽媽都知自己唔會返日本,所以都係比仔仔接觸返D香港朋友仔....咁都岩既...!

原帖由 LL222 於 11-8-5 18:17 發表
以下是我一個日本媽咪朋友講點解唔讀日本幼稚園的原因:

I have a choice Japanese school.
But we are living in here. And we have no plan to go back Japan because of our working situation.
But in Japanese  ...

junbb

你都話公司岩岩起步, 都唔會咁快返日本, 我覺得讀普通幼稚園會好d, 因為之後係hk學習都係以中英文為主~ 而日文方面, 如果家長由細到大都係同佢講日文既話, 個小朋友係唔會唔識架~問題只係你同老公成日都唔係個小朋友身邊, 佢聽/學日文既機會就大大減少, 會學得無咁好囉~

Harubi

我同你個case一樣, 蘿蔔老公香港太太, 我個仔讀緊帝京, 已經年中組, 跟住都諗住會升讀日本人小學 (係日本人小學, 不是國際班, 學費比日本幼稚園平得多!)

帝京位置響跑馬地城和道, 不是太古城, 學校入面好多都係mix, 而mix中大部份都係日+西人, 佢地95%都係講日文, 一星期得一堂英文. 學費係就係貴D, 不過只係返三年啫, 尚算應付到. 不過無車由九龍東去學校, 九龍區上車地點只有西九, 九龍站, 尖咀及紅磡一帶.

我個仔日文同廣東話都係native level, 日文當然係響學校學同埋同爸爸講, 而因為公公婆婆日間睇住佢, 佢用廣東話同佢地溝通. 我幫佢安排嘅興趣班都係廣東話教授(足球&溜冰), 所以講得好好. 英文方面真係有待pick-up, 佢星期六去ESF上兩個鐘英文, 不過英文我唔太擔心, 因為比日文同廣東話易學.

我同老公因為想俾個選擇個仔, 如果佢大過左之後返日本發展, 但未能講一口地道流俐嘅日文就好難融入個社會. 所以選擇乜嘢學校好depends on你地會唔會返日本.

我都參觀過另外幾間日本學校(日本語為主要語言), 但比較之後我較喜歡帝京, 除左係個校舍最寛敞外, 就係我好buy佢地嘅教學模式, 我個仔報名前去觀課, 玩到唔捨得走.

有興趣睇下我個仔個blog (我個簽名度有link), 我都有擺下佢學校生活嘅花絮.

帶小朋友去參觀你心目中想安排佢讀嘅學校, 佢地會用直覺話你知鍾意邊間, 最緊要佢地讀書開心.

[ 本帖最後由 Harubi 於 11-8-7 19:48 編輯 ]

alowe

abouttttt,

      以你一家的語言環境, 如要小朋友識日文, 一定要選擇日語學校. 不過正規而比較好的日語學校不多. 據知, 很多日本人在香港完成小學後都會將小朋友送回日本升學, 你有此計劃嗎? 如沒有也不用太強求在香港讀日本語學校.
      你不單只要考慮幼稚園,亦要有長遠計劃. 要同時考慮接駁的小學和中學, 香港現有日本人小學及初中, 但卻沒有高中, 大埔有一所日本國際學校, 但學費也不便宜, 此外你也要為小朋友設想, 他放學回家後, 沒有人和他說日語, 他的日語會進步得很慢. 而且如他對學習有問題都沒有人可以幫他.
      你亦可考慮讓他融入香港的教育制度, 長大後才學日文,(通常專供日語一年, 也可應付日常所需).  因為香港英文程度較高, 又有機會學普通話, 憑著這些優勢, 就算他留港或回日本也不用愁了.好好的和你的先生商量一下吧.

LittlePanda101

北角明慧都好似有日文學